Prof. Ibbi oo Markii ugu horeysey Difaacay Badda Soomaaliya, Islamarkaasna
Dhalliil Kulul u jeediyey Ra'iisul Wasaaraha DFKMG
"....200 nautical mile waxaa iska leh dawladda dhexe ee Soomaaliya,
waxaana sharciyeey Dawladdii Maxamed Siyaad Barre (AHN), waxana uu ku
sharciyayey in ay tahay Somalia Territorial Waters, ee kuma uu sharciyayn inay
tahay Somalia Exclusive Economic Zone (EEZ)..." Prof Ibbi
"...Badda iyo dhulka ummadda oo dhan ayaa leh. una malayn maayo in badda
Soomaaliya sidaas lagu dhici karo oo lagu duudsiin karo xaqeeda, prime
minister-kuna hadda waxa uu joogaa New York, waxaana rajaynayaa inarrintan aan
la dhayal san karin, labada boqol (200 nautical mile) ee Soomaaliya leedahaynan
qof ku saqajaami kara ma jiro..."
Waxana uu Prof Ibbi qiray in Kenya ay samaysay in si khalad ah usoo gashay
xudduudeena badda Soomaaliyeed, baarlamaanka wuxuu ku ammaanay inay ka hor
tageen heshiiskii uu u ololayn jirey ee Is-afgaradka kana dhigeen NULL & VOID....
Prof. Cabdiraxmaan Ibbi " Intaan la
gaarin 19-ka Desember Haddii aan Dadka Soomaaliyeed Muujin Isku Duubnaan iyo
Midnimo waxaa Dhici karta... "
Ayadoo Dowladda Federaalka ay
Dooneyso in 19 Desember 2011 in ay wax ka badesho Sharcigga Badda Soomaaliya ee la
saxiixey 1972-dii ayaa waxaa maalmahaan socda Olole la doonayo in looga hortago
wax ka badelida Sharcigaas iyadoo taasi ay jirto ayaa waxaa arrinkaan ka hadley
Wasiirkii Hore ee Kaluumeysiga iyo Khayraadka Badda Dowladii Cumar Cabdirashiid,
Prof Cabdiraxmaan Xaaji Aadan Ibbi oo Xiligaa ahaa Shaqsi u ololeynayey in
Heshiis loogu yeerey Afgarad oo la doonayey in qaybo ka mid ah Badda Soomaaliya lagula heshiiyo
Dowladda Kenya, ayaa wax laga weydiiyey sida uu u arko 19 ka Desmber 2011 in wax laga
badelo Sharcigii Badda ee Soo jirey muddo 40- Sanno ah.
Prof Cabdiraxmaan Ibbi isagoo arrinkaa
ka hadlaya waxaa uu yiri "Xiligaas anaguba waxaan ahayn kuwa Difaacayey Badda
Soomaaliya waayo waxaa ku doodeyney in Badda Soomaaliya ay tahay 200 Nautical
Miles oo ah Midda Soomaaliya Xaq u leedahay oo aan sinaba
looga hadli karin."
Prof. Cabdiraxmaan Ibbi mar wax laga
weydiiyey sida uu u arko Warkii ka soo yeerey Raiisul Wasaare Cabdiweli Maxamed
Cali Gaas oo ahaa in Badda Soomaaliya haddii 200 oo Mayl ay
noqoto waxaa galeysaa Xeebaha Sacuudiga waxaa uu ku jawaabey "Arrintaas uu ka
dhawaajiyey Raiisul Wasaaraha waa mid Xaaraan ah marnaba lagama hadli karo in
Baddeena ay tahay wax kayar 200 Nautical Miles markii an ahaa Wasiirka Kaluumeysiga waxaan
ku doodeyney in Badeena ay tahay 200 Nautical Miles iyo wax ka badan marka Cidda
oroneysa Baddeena 12 Natical Mayl waa qof aan la socon Sharciyada u yaal Badaha "
- ___________________________
"Badweynaha Indian Ocean-ka maadaama ilaa laga gaarayo Australia ay tahay
badweyn, waxaan ku leenahay dhinacan badweynta hindiya 200 nautical mile,
hadda ayaan leenahay (200nm). Waxaan dagaal ugu jirnaa oo dhibaatada hadda
kicisay waa Continental Shelf-ka la gaarsiiyo 350 nautical miles," prof.
Ibbi ...
(mp3)
___________________________
Sidoo kale waxaa wax laga weydiiyey
in wax ka badelidda Sharciga Badda Soomaaliya ay ka Dambeeyaan Dowladaha Norwey
iyo Denmark ayaa waxaa uu ku Jawaabey Proff Cabdiraxmaan Ibbi oo markaa u
waramayey Idaacada Al Furqaan ee ka dhisan Magaalada Muqdisho waxaa uu yiri "
Dalkeenna Muddo 21 Sanno ayuu Beylah ahaa Baylahnimadaas ayaa keentey in Dallal
fara badan ay soo Hunguriyeeyaan Khayraadkeennii una soo tartamaan maadaama
dadka Soomaaliyeed ay iyagu isku jeesteen"
Waxaa la weydiiyey sida uu u arko 19
Disember 2011 ee Soo socota wax laga badelo sharcigii Badda u yaal waxaa uu ku
jawaabey Proff Ibbi: Waxaan u Mahadcelinayaa Baarlamaanka Soomaaliyeed sida uu
uga hortegey ama u fashiliyey in kal hore wax laga baddelo Sharcigii Badda
Soomaaliya waxana hadda looga fadhiyaa sidii looga hortagi lahaa wax ka
badelidda Shaciga badda Soomaaliya sidoo kale dadka Soomaaliyeed waxaa laga
doonayaa inta aan la gaarin 19-ka Desember in ay muujiyaan isku Duubnaan iyo
Midnimo haddii aan taasi la helin waxaa dhici karta in Soomaaliya Badeeda wax
badan ay ku weyso islamarkaana waxaa laga yaabaa in Qaramada Midoobey ay la
wareegto arrimaha Badda Soomaaliya.
Guntii iyo Gabagabdii in Badda
Soomaaliya maanta muran la geliyo waxaa Masuuliyadeeda qaadeysa intii ka
shaqeyneysa islamarkaana sabab u ahaa in Kenya ay soo Hunguriyeyso Badda
Soomaaliya sidoo kale waxaa Taariikh Madow galaya Shaqsiyaadkii arrimahaas ka
shaqeeyey ee Xukuumadihii soo marey tan iyo intii la soo dhisey Dowladii
Jabuuti ee Sannadkii 2009.
W/D Amiin Yuusuf Khasaaro
E-Mail: amiinkhasaaro@hotmail.co.uk
E-Mail: amiinkhasaaro@yahoo.co.uk
Faafin: SomaliTalk.com | September 25, 2011
2009: Prof. Ibbi:
Waa arkay website-yo ay ku qoran yihiin baddii Soomaaliya ayaa intaas oo
kun oo kiiloomitir la dhax galay. Horta badda Soomaaliya iyadoo dhanba
waa 3300(km)... Akhri... |
Amb. Ahmed Abdi Hashi Xasharo "waad ogeyd dagaalkii ka dhacay badda
markii la bixinayey, ayadoo aan cidna lala tashanin ayaa niman wasiiro
ah inta tageen, ayaa xoogaa lacag ah la siiyey, ayey baddii Soomaaliya
oo dhan saxiixeen"
Dhegeyso
(waxaa waraysiga Qaaday TV-ga Somali Channel. Sept 2011. |
Waa Maxay Mayl-Badeed (Nautical Mile)
Mayl-Badeed Waxaa loola jeedaa maylka lagu cabiro badda, waayo waa mayl
(mile) ka duwan kan berriga lagu cabiro. Mile-ka badda waxaa loo yaqaan
"Nautical Mile" oo AfSoomaali ku noqonaya Mayl-Badeed, waxana uu u dhigmaa 1.85
km (ama 1,852 metres). Halka mile-ka caadiga ah ee berrigu uu u dhigmo 1.6 km
(ama 1,609 metres). Taas oo muujinaysa in Mayl-badeedku uu waxyar ka badan yahay
Mayl-ka berriga (1852 mitir - 1609 mitir = 243 mitir). Mayl-Badeedka waxaa loo
soo gaabiyaa NM. Tixraac: NM:
http://en.wikipedia.org/wiki/Nautical_mile iyo Mile:
http://en.wikipedia.org/wiki/Mile
Xeerka Badaha Adduunka
Xeerka badaha adduunka waxaa in la saxiixo loo furay December 10, 1982,
waxana uu dhaqan galay November 16, 1994 kaddib markii ay dhaqan geliyeen 60
dal. Dalalka ilaa hadda saxiixay tiradoodu waa 161 dal.
Dalalka saxiixay, laakiin aan ilaa hadda dhaqan gelin waxay gaarayaan
ugu yaraan 17 dal oo ay ka mid yihiin Afghanistan, Bhutan, Burundi, Cambodia,
Central African Republic, Colombia, El Salvador, Ethiopia, Iran, Democratic
People's Republic of Korea, Libya, Liechtenstein, Niger, Rwanda, Swaziland,
United Arab Emirates, United States.
Dalalka aan xitaa saxiixin, oo aan dhaqan gelin waxay gaarayaan
ugu yaraan 17 oo ay ka mid yihiin Andorra, Azerbaijan, Ecuador, Eritrea, Israel,
Kazakhstan, Kyrgyzstan, San Marino, South Sudan, Syria, Tajikistan, Timor-Leste,
Turkey, Turkmenistan, Uzbekistan, Venezuela iwm..
Daabaco
Boggan | Print
