SOMALITALK.COM
w w w . S o m a l i T a l k . c o m
SOMALITALK - DIFAACA BADDA SOOMAALIYEED

Gabay: NFD ninkii boolyadee, burada loo siiyey


Maxamud Axmed Cabdalle (Shiine)

Email: abdalle9@hotmail.com

04/19/2009




Dhulkaygii ninkii boobayee, baasha lagu sooray
NFD ninkii boolyadee, burada loo siiyey
Maantana Baddaydii miyaa, doqon u beec geeyey?

Ma wasiir barkuma taalabaa, boodhka ugu duugay?
Sidii uu Buluush yahay miyaa, buunka lagu hoystay?
Beesado miyaa loo qubuu, baabbacada hoorshay?

Boorsada Shariifkii miyaa, boqol kun loo raacshey?
Baraay Ministarkii sow hadhgalay, uma bushaaraynin?
Bacaraara weyntii miyaa, wada balwaynaysay?

Bawdadu nimay qaawantaa, laga biraystaaye
Kol haddaan bah Soomaaliya, iyo bederradii joogin
Ciilow ba'eey sow ma geyo, bagada sow maaha?


Maxamud Axmed Cabdalle (shiine)
mabdalle@gmail.com

Faafin: SomaliTalk.com | April 20, 2009

jasiiradKenya iyo Uganda oo ku Muransan Jasiirad Ka Tirsan Harada Victoria
Uganda waxay Kenya ka difaacanaysaa 240 mitir oo Jasiirad ah, halka DFKMG ay muran galisay dhul-badeedkeedii Akhri

 

Kulaabo bogga www.SomaliTalk.com © www.SomaliTalk.com

La soo xiriir: