Xildhibaan Cawed Axmed Cashara Oo Ku Eedeeyey Xukuumada C/weli Gaas
Inay Sii Luminayso Xaduuda Badda Soomaaliya
"Toronto markii ay noogu yimaadeen Wasiirka iyo Ra'iisul Wasaaraha
waxaa la weydiiyey su'aal ku saabsan badda, ra'iisul Wasaarahu wuxuu ku
jawaabey sida websiteka SomaliTalk in aanan sax ahayn ayuu ku jawaabey,
dabeedna waxa uu yiri wasiirkayga ayaa ka jawaabaya, wasiirkiisu wuxuu ku
jawaabey arrintaas 12 nautical miles ayaan leenahay oo aynaan waxba ka qaban
karin, marka waxaa muuqata nin aan danaynayn 200 nautical miles iyo wixii
kasii badan oo aynu xaq u leenahay in wax kala soo baxno," Xildhibaan
Cashara.
Gudoomiyaha gudiga warfaafinta baarlamaanka FKMG ah ee Soomaaliya
Xildhibaan Cawed Axmed Cashara oo shir jaraa'id ku qabtay magaalada
Toronto ee dalkasi Canada, October 1, 2011, ayaa ka hadlay qodobo dhowr ah oo uu ku
dhaliilayo sida ay xukuumada FKMG ah ee Soomaaliya ee uu madaxda ka yahay
Dr-C/weli Maxamed Cali Gaas ay uga hadashay arrinta Bada Soomaaliya ee
lagu soo xad gudbay, islamarkaana ugu baaqay ummadda Soomaaliyeed iyo
Barlamaanka KMG ah inay intaan la gaarin 19-ka December 2011 kacaan (ka
dibadbaxan), islamarkaana guntiga dhiisha
isaga dhigaan sidii loo badbaadsan lahaa xaduuda badda Soomaaliya. (Dhegeyso
Waraysiga)
Waraysiga oo qoraal ah:
"Shirka
jaraa'id ee aan ku qabanay magaalada Toronto, waxaan ka hadleynaa laba qodob.
Qodobka ugu horreeya waxa weeye xadaynta badda Soomaaliya oo loo baahan yahay in
laga jawaabo 19-ka December 2011. Arrintaas waxaa noo soo baxday xukuumadda
joogta ee Soomaaliyeed in ay raaceyso xukuumaddii Sharmaarke, dariiqaas oo aan
ahayn dariiq toosan, sidaas daraadeed waxaan ummadda Soomaaliyeed u
sheegeynaa in laga hawl galo arrintaas Badbaadinta Badweynta Qaranka
Soomaaliyeed.
Halkan markii uu nagu soo maray Prime Minister-ku, wasiirkiisa distoorka ayaa
ka jawaabey (arrimaha badda) oo waxa uu yiri: SomaliTalk waxa ay sheegayaan sax
ma aha. Waxaa noo soo baxday SomaliTalk sax weeye, wasiirkii hore ee badaha oo
hadda maanta (Oct 1, 2011) la hadlay VOA waxa uu
sheegay xukuumaddii hore ay ahayd khalad Memorandum of Understanding (MOU) ay la
gashay dawladaha qaarkood, baarlamaankuna uu ku saxsanaa in uu diido, sidaas
darteed waxaan rajaynaynaa in ummadda Soomaaliyeed ay u kacdo siday baddooda u
badbaadin lahaayeen inta aan la gaarin 19-ka December 2011.
The two U.S.
diplomats, who specialize in the Middle East, were followed out of the
chamber by diplomats from more than 30 countries. They included the 27
European Union members, Australia, New Zealand, Somalia,
Liechtenstein, Monaco, San Marino and Macedonia, a U.N. diplomat said.
Israel boycotted the speech.
Source:
Associted Press (AP) - Thu, Sep 22, 2011.
Arrinta labaad ee aan shirka jaraa'id kaga hadalnay waxay ahayd arrinta ka
soo baxday in ra'iisul wasaarahu ka baxay shirkii Qarammada midoobey markii uu
hadlaayey madaxweynaha iiraan, uuna yiri anigu shirkaas waa joogey kamana bixin,
hase ahaatee wakaaladda Associated Press ayaa waxay tebisey 22-kii September
2011 in ay ka baxeen. Haddii ay run ka tahay oo uu run ka sheegayo ra'iisul
wasaaruhu waa in uu la hadlaa wakaalladii oo u qoraa in wakaalladii beenisaa,
maxaa jira dhib weyn ayey u geysatey siyaasadda Soomaaliyeed arrinkaas ay
wakaalladu sheegtay, oo ra'iisul wasaaruhuna uu beeninaayo, waa arrin u baahan
xukuumadda Soomaaliyeed in ay tallaabo ka qaado, oo wakaalladii u qorto warqad,
oo wakaalladii markaas dhulkii sheegay oo dhammi ay beeniyaan, haddii kale waxaa
muuqanaysa in xukuumadda been ka sheegtay.
"Halkan
(Toronto) markii ay noogu yimaadeen Wasiirka (Dastuurka) iyo Ra'iisul Wasaaraha
waxaa la weydiiyey su'aal ku saabsan badda, ra'iisul Wasaarahu wuxuu ku jawaabey
sida websiteka SomaliTalk in aanan sax ahayn ayuu ku jawaabey, dabeedna waxa uu
yiri wasiirkayga ayaa ka jawaabaya, wasiirkiisu wuxuu ku jawaabey arrintaas 12
nautical miles ayaan leenahay oo aynaan waxba ka qaban karin, marka waxaa
muuqata nin aan danaynayn 200 nautical miles iyo wixii kasii badan oo aynu xaq u
leenahay in wax kala soo baxno."
Sidaas darteed markaan dhegeystey wasiirka, annaga waxay nagu kalliftay inaan
dhawaaq muujino oo gudaha idiinku soo dirno oo dibad u dirno . Arrintaas
aawadeed ayaan rabnaa in shacabku kacaan bisha December (19-keeda) ayaa
hawlgalka la inka rabaa Inta ka horeysa Baarlamaan iyo Xukuumad iyo Dadweyne in
aan iskaashanno weeye sidii aynu u badbaadsan lahayn baddeena, baddeena oo hadda
wasakh lagu shubo, kalluunkeena la qaato, ayuu yiri Xildhibaan Cashara.
Markii la weydiiyey hadalkii uu yiri wasiirku, waxa Xildhibaan Cawed Cashara
ku jawaabey: Wasiirku arrinta si fudud ayuu u yiri, si asagoo ay la fududahay
isaga badda waxaan ka rabno, Wasiirka Distoorka iyo Federaalka, waxay ka soo
horjeesteed Website-ka la yiraahdo SomaliTalk oo had iyo jeer si sax ah wax uga
soo qora, arrintaasna uu hadda ku waafaqay wasiirkii hore oo meesha joogi jirey
(kalluumaysiga), oo sheegay in ay Soomaalidu u dadaasho sidii ay baddeeda u
badbaadsan lahayd isagoo caawa la hadlay VOA.
Qodobka kale oo Xildhibaan Cawed Axmed Cashara uu ka hadlay waxa uu ahaa in
uu u mahad celiyey dawladahii gargaarka u fidiyey ummadda Soomaaliyeed, sida
Turkiga, Qadar, Iiraan iyo dawladaha Muslimka ah ee carabta ah sida
walaaltinimada ah ee niyadda san u kaalmeeyey Soomaaliya, xukuumaddana waxaan ku
dhaliileynaa hawsheedii oo ay ka soo bixi weydey oo si fiican wax u qaybin
weydey, oo ay dawladahaas la garab geliweydey meelkasta in cuntada la geeyo,
waxaana ka codsanaynaa dhallinyarada la marin habaabiyey oo regions-ka hasta in
ay u ogolaadaan cuntada iyo daawooyinku in ay ummadda Soomaaliyeed gaarto,
xukuumaddana waxaan ku boorinaynaa nidaam fiican inay sameeyaan, una horseedaan
ummadda Soomaaliyeed, kana hadlaan ummadda Soomaaliyeed oo badaha ku bakhtiyaaya
iyo kuwa ku xiran Seychelles oo waa burcad badeedda lagu sheego, in ay ayagu
sameeyaan nidaamkii lagu badbaadin lahaa ummadda Soomaaliyeed oo dhan dhibaatada
colaadda ka haysata iyo burburka ka taagan dibadda iyo kuwa ku jira jeelalka
kala duwan ee aaduunka, in ay arrimahaas dawladdu isu taagto, xukuumada iyo tii
hore toona midna kama hadlin mashaakilka ummadda Soomaaliyeed haysta oo ku
faafasan, kuwa badda ku bakhtiyaaya, iyo kuwa jeelalka ku jira adduun weynaha oo
lagu silcinaayo.