Baarlamaanka Dowladda Federaalka oo Gebi ahaanba Baabi’iyey Heshiisyadii Badda ee Hore loo galey laga soo bilaabo 1-dii Janaayo 1991 dii

"Waa in Soomaaliya ku dhaqantaa sharcigii Badda ee soo baxay 1988-dii..." - Goaanka baarlamaanka DFKMG Oct 8, 2011

Xildhibaanadda Baarlamaanka DFKMG oo si buuxda isugu raacay 6 qodob oo ku aaddan badda Soomaaliya.. Guddoomiyaha fadhiga cod u qaaday tirada ogol ama diidan 6-da qodob - waxaa ogolaatay 335 oo ah xubnihii soo xaadiray madasha fadhiga. Cid diidey ma jirto, Cid ka aamusteyna ma jirto

SomaliTalk.com | Sabti, October 8, 2011

Go'aanka baarlamaanka FKMG ku difaacay Xadka Badda Soomaaliya: October 8, 2011
Waxaa u codeeyey: 335 xildhibaan oo ah intii fadhiga ka soo qayb gashay.
Cid diidey ma jirto, Cid ka aamusteyna ma jirto .

Baarlamaanka DFKMG oo Qodobadii Badda ee ay hore usoo saareeen ku soo daray Qodob Dhul-badeedka (Biyaha Dalka) Soomaaliya kusoo koobaya 12 mayl-badeed oo keliya oo Territorial Waters AKHRI....

Waxaa ku saxiixan C/weli Muudey in Madaxweynaha ay uu gudbiyeen qoraal muujinaya in badda Soomaaliya lagu soo koobo 12 mayl badeed AKHRI

Go'aankii DHAXAL-DHOWR ee Baarlamaanka Soomaaliya ku difaacay Xuduudda Badda Soomaaliya

Waxaa maalmahan Xarunta Golaha Shacabka ka socdey Dood ku saabsan Badda Soomaaliya ka dib marki ay soo baxeen in Xubno ka tirsan Dowladda Federaalka oo u ololeynaya in Badda Soomaaliya la xadeeyo, waxana Doodaan ka Hadley Xubno ka tirsan Baarlamaanka Soomaaliya, sidoo kale waxaa iyana la horkeeney Wasiirka Kaluumeysiga iyo Khayraadka Badda Cabdiraxmaan Shiikh oo isagu sheegey in Wasaaradiisa aysan marnaba ku howlaneyn in Badda Soomaaliya la xadeeyo isagoo sheegey in uu soo dhaweynayao Go’aanka Baarlamaanka ee ku wajahan badda Soomaaliya oo ah in aan Xad loo sameyn karin Badda Soomaaliya, sidoo kale waxaa iyana kulamada Baarlamaanka ka Hadley taliyaha Ciidamada Badda Admiral Faarax Qare oo sheegey in Badda Soomaaliya Duulaan lagu yahay islamarkaana Baarlamaanka uu ka qaato talaabo adag.

Dooddii maanta (Oct 8, 2011) oo aad u dheereeyd islamarkaana uu shir Gudoominayey Cabdiweli Shiikh Ibraahim Muudeey oo ah ku simaha Afhayeenka Baarlamaanka ayaa waxaa Soo Xaadirey ilaa 335 Xildhibaan, waxayna Xubnaha baarlamaanka ay ku mideysanaayeen in Badda Soomaaliya aan laga hadlin marka la eego Xadeynta Badda Soomaaliya oo la sheegey in hore loogula heshiiyey Dowlado iyo Shirkado Shisheeye waxaana qododbadii laga soo saarey Baarlamaanka ka hor akhriyey Xildhibaan Cumar Islow taasoo lagu soo koobey ilaa lix Qodob oo Muhiiim u ah Badda Soomaaliya , waxayna kala yihiin:

1. In lagu Dhaqmo Sharciga Badda Soomaaliya ee soo baxay Sanadkii 1988-dii

2. In Hay’adaha Dastuuriga ee Kumeel gaarka ah ee dalka; sida Madaxtooyada, Baarlamanka iyo xukuumadda aysan awood u lahayn in ay wax ka bedelaan ama dib u eegis ama ka wada xaajood ku sameeyaan Xaduud badeedka Soomaaliya, iyo xuduudka hawada iyo dhulka Soomaaliya.

3. Waxaa la laalay ama la burburiyay dhammaan heshiisyadii ama is afgaradkii Caalamiga ahaa ee lala galay Hay’ado, Dowladaha Deriska ah iyo ururro Caalami ah iyo shakhsiyaad, islamarkaana ku saabsanaa dhanka xadeynta badaha oo la gaaray wixii ka dambeeyay 1da bishii Janaayo Sanadkii 1991kii.

4. Xadgudub kasta ama gabood fal kasta oo wax loogu dhimayo xuduudaha Jamhuuriyadda Soomaaliya berriga, Badda iyo hawada sare ee Soomaaliya, waxaa loo aqoonsanayaa duullaan bareer ah oo lagu soo qaaday Maaxbannaanida iyo Siyaasadda iyo Midnimadda Ummadda Soomaaliya.

5. Xukuumad walba oo loo igmado howsha Dalka waxaa la farayaa in ay go’aankaan gaarsiiyaan dhamaman Dowladaha Deriska ah iyo Hay’adaha caalamiga ah.

6. Cid walba oo ku xadgudubta waxa ay galeysaa dambi ah Khiyaanno Qaran.

Waxaana guddoonka baarlamaanku sheegay in Soomaaliya ay tahay qaran madax bannaan oo xor ah iyo Soomaaliya midnimadeedu ay tahay lama taabtaan, oo aan dhulkeeda la kala qaybin karin.

Intaasi kadib ayaa waxa uu Guddoomiyaha fadhiga cod u qaaday tirada ogol ama diidan 6-da qodob ee la soo jeediyay, waxaana ogolaatay 335 oo ah xubnihii xildhibaanada ee maanta soo xaadiray madasha fadhiga. Cid diidey ma jirto, Cid ka aamusteyna ma jirto.

Guddoonka Baarlamaanku wuxuu shaaca ka qaaday, maadaama sharcigaas si buuxda ay xildhibaanadu ugu codeeyeen in uu sidaas ku yahay xeer sidaas ugu dhaqan galay Soomaaliya oo lagu dhaqmayo (October 8, 2011).

Sidoo kale Cabdiweli Muudey ayaa ka dalbaday xukuumadda Soomaaliya in ay si degdeg ah Baarlamanka u horkeento heshiisyadii ay la soo gashay Hay’adaha Caalmamiga ah iyo Dowladaha Caalamka qaarkood, wuxuuna kulankii Baarlamaanka ku soo Gabagaboobey sidii loogu talagaley iyadoo Dooda Badda ay socotey ilaa afar Maamlmood taasoo Xildhibaanada baarlamaanka ay ka dhiibteen Fikrado fara badan oo ay ku difaacayeen Badda Soomaaliya taasoo ay si aad u soo dhaweeyeen Shacabka Soomaaliyeed .

Waxaa gadaal ka soo shaac baxay: Baarlamaanka DFKMG oo Qodobadii Badda ee ay hore usoo saareeen ku soo daray Qodob Dhul-badeedka (Biyaha Dalka) Soomaaliya kusoo koobaya 12 mayl-badeed oo keliya oo Territorial Waters

ARAGTIDA DADWEYNAHA: Jawaabtaada toos ugu qor halkan (FG. Fadlan jawaabtaada ku qor dhanka hoose ee bogga soo baxa RIIX HALKAN).

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk

Faafin: SomaliTalk.com | October 8, 2011

DFKMG oo Arrimaha Badda sida EEZ ka Saartay Qorshaha Roadmap-ka

Shir ay Talaada October 11, 2001 Muqdisho ku yeesheen Golaha Wasiirada oo uu shir guddoominayey ra’iisul wasaaraha DFKMG Prof. Cabdiweli Maxamed Cali Gaas ayaa lagu go’aamiyey in “arrimaha badda sida EEZ laga saaro dhammaan dokumentiyada sida Qorshaha Qaranka ee Xasilinta Nabadgelyada iyo Roadmapka.”

Warsaxaafadeedka ayaa tibaaxay in:

Wasiirka Kalluumeysiga, Qeyraadka Badda iyo Bey’ada iyo qubaro Soomaaliyeed ayaa laga dhageystay warbixin la xiriirta arrimaha Badda. Dood dheer ka dib golaha Wasiiradu waxey go’aamiyeen in arrimaha badda sida EEZ laga saaro dhammaan dokumentiyada sida Qorshaha Qaranka ee Xasilinta Nabadgelyada iyo Roadmapka.

Go'aanka Golaha Wasiirada DFKMG waxaa lagu soo saaray Warsaxaafadeed ku astaysnaa Ref: XRW/OM/PR 0076/10/11 soona baxay 11 October 2011.