Farmaajo oo ku biiray Madaxda Soomaaliyeed ee Xagal Daacinaya Xornimada
Dhul-badeedka Soomaaliyeed - Hadalkiisii UN
- Xeerka Law No 37 waxaa websiteka FAO lagu daabacay October 21, 2000,
websiteka Qarammada Midoobayna waxaa lagu daabacay July 23, 2001, waa
xilliyadii la bilaabay in dukumiintiyada rasmiga ah lagu daabaco Internetka
oo markaas curdin ahaa, xeerkaas
oo qeexaya in badda Soomaaliya tahay Territorial Waters 200 mayl, halka
ra'iisul wasaaraha DFKMG uu May 11, 2011 adeegsadey oraahda EEZ taas oo
khalad cad ah....
Warbixin iyo Faallo SomaliTalk.com | May 14, 2011 | Jawaabaha:
Aragtida Dadweynaha
Ra'iisul Wasaaraha
DFKMG, Maxamed Farmaajo oo Arbacadii, May 11, 2011, khudbad ka jeediyey Golaha
Ammaanka ayaa mar uu ka hadlayey burcad-badeeda iyo sida loo xugi karo ammaanka
badda Soomaaliya waxa hadalkiisii ka mid ahaa: ammaan uu u soo jeediyey
Qarammada Midoobay arrimaha xagga sharciga ee la xiriira burcad badeeda iyo in
la sameeyo nidaam lagu maxkamadaynayo burcad badeeda. Kaddib waxa uu hadalka ku
adkeeyey in xukuumadiisu ay aaminsan tahay in burcad-badeeda lagu yarayn karo
ama lagu joojin karo ayadoo arrintaas (maxkamadynta) lagu darayo "Aagga
Dhaqaalaha Gaarka ah" (exclusive economic zone) oo ammaankiisa la sugo.
Hadalka meesha aan qaban ee uu ra'iisul wasaaraha DFKMG adeegsadey waa
oraahda "Exclusive
Economic Zone" EEZ (Aagga Dhaqaalaha ee Gaarka ah), taas oo meel ka
dhac ku ah xeerka u degganaa Qaranka Soomaaliyeed muddo 40 sano ah, Law no. 37
ee 1972 oo si cad u qeexay in Soomaaliya ay leedahay Territorial Waters (TS) oo
ah dhul-badeed xeebta ka durugsan 200 mayl-badeed.
Kala duwanaanta u dhaxaysa EEZ iyo Territorial Waters
waxaan ku faahfaahinay qormooyinkii hore, waxaanse halkan shacabka
Soomaaliyeed ku xusuusinaynaa in hadalka ra'iisul Wasaaraha, iyo qoraalka
uu ku xusay oraahdaas, ay halis ku yihiin xornimada dhulka Soomaaliyeed. Waxaana
arrin aan la qaadan karin ah in ra'iisul wasaaraha DFKMG oo magaca shacabka
Soomaaliyeed ku matalaya Qarammada Midoobey in uu afkiisa ka yiraahdo oraahdaas.
Arrintaas waxay daba socotaa warkii wasiirka Kalluumaysiga iyo Khayraadka
badda ee ahaa in adduunku ay u aqoonsan yihiin 12 mayl oo qura.
Hadalada xiriirka ah ee ku saabsan adeegsiga oraahda EEZ ee ka soo baxaya
DFKMG waa arrin fajaciso ku ah shacabka Soomaaliyeed, waayo madaxdii difaaci
lahayd dalka haddii ay ayagii xagal daacinayaan waa halis soo wajahday xornimada
dhulka Soomaaliyeed.
Sidaas daraadeed waxaa horyaal shacabka Soomaaliyeed sidii ay qaddiyadaas uga
hortegi lahaayeen. Baarlamaanka FKMG waxaa sidaas si weyn saaran masuuliyaddii
ay u dhaarteen in ay danta dalka ilaalinayaan, arrintanina waa mid khusaysa
xornimada dhul-badeedka Soomaaliyeed.
Waxaa xusid mudan in May 5, 2011 ay golaha Wasiirada DFKMG shir ku yeesheen
Muqdisho, maalmo ka hor intii aan ra'iisul wasaaraha DFKMG uusan u ambabixin New
York, waxayna sheegeen in uu jiro Dokumenti uu wasiirka Kalluumaysigu ka keenay
UK oo la xiriira cabbirka badda Soomaaliya oo ay ku sheegeen in "loo gudbin
doono Qaramada Midoobey taasoo lagu diiwaangelin doono xaqa ay Somaliya u
leedahay in waxa loo yaqaano Xuduuda Dhaqaale ee u gaarka ah Somalia(Exculisive
Economic Zone) ay tahay 200 nautical miles oo u dhiganta 370.4 km." Waa markale
oo ay DFKMG adeegsatey oraahda EEZ, ayagoo afka soo marin la' oraahda
'Territorial Waters'.
Waxaana warka DFKMG uu intaas raaciyey "Dokumentigan iyo khariidooyinka la
socda waxaa lagu soo daabaci doonaa websiteyada QM iyo hay’adaha kale ee
caalamiga ah, sida FAO."
Haddaba waxaa cajiib ah in labada meelood ee ay xuseen in lagu daabacayo
cabirka cusub, in labadaas website hore loogu daabacay xeerkii badda Soomaaliya
ee saxda ahaa ee dhigayey 200 nm territorial Waters (website FAO waxaa xeerka
law no 37 lagu daabacay Oct 21, 2000, sidoo kale website UN waxaa lagu daabacay
July 23, 2001)
Sidoo kale waxaa xeerkaasi ku jiraa website Qarammada Midoobay
qaybta u qaabilsan xeerka badda.
Haddaba maadaama xeerkaas sharciga rasmiga ah ee badaha
Soomaaliya uu ku jiro labada website, taas oo jirta ay DFKMG sheegtay in lagu
daabaci doono xeerka cusub isla labadaas website, sow markaas taas macnaheedu ma
aha waxay xukuumadda FKMG ku dadaaleysaa in ay suuliso xeerka rasmiga ah ee
badda Soomaaliya, sidaasna ay Soomaalidu ku waayi karto
Dhul-badeed Soomaaliya oo Baaxaddiisu tahay 2.2 million kiiloomitir oo
laba-jibaaran.
FG: Xeerka Law No 37 waxaa websiteka FAO lagu daabacay
October 21, 2000
FG: Xeerka Law No 37 waxaa websiteka UN lagu daabacay July
23, 2001
Qoraal ay May 14, 2011 faafisay ECOTERRA ayaa tibaaxay isku
dayga cusub ee lagu faragelinayo cabbirkii badda Soomaaliya.
 ECOTERRA: "EU's "Boots on the ground" ideas, the Indian
lobbying for a naval operations in Somali waters under UN high-command and
the renewed attempt to mess with the Somali 200nm EEZ, which was declared
and established since Somalia signed UNCLOS under the condition that Somali
Law No 37 of 1972, which rules the 200nm territorial waters of Somalia,
would prevail, while risking with a new or "re-declaration" of the EEZ that
all claims concerning illegal fishing of foreign fleets, for damages due to
toxic dumping by foreign Mafias and the other atrocities committed in the
Somali seas since 1991 could no longer legally be pursued..."
MORE
Farmaajo @ UN SPEECH: As I previously reported to your Excellencies, the scourge of piracy cannot
be defeated in the high seas. Its solution lies with bringing back the rule of
law on land in Somalia. We are very grateful for the work carried out by Jack
Lang, the UN Secretary General’s Special Adviser on legal issues related to
piracy, which has highlighted the urgent need to establish effective judicial
capacity for piracy trials. My government believes these courts should be in
Somalia. My government strongly welcomes this and believes if the country
has strong national government with effective coast guards within a secure
EEZ we can help to reduce or even stop piracy. The Transitional Federal
Government is grateful for the operations of the EUNAVFOR and many other
international navies in our seas. READ HERE
Dhegeyso Farmaajo oo kahadlayarrinta baarlamaanka (Mar uu la hadlay
Soomaalida Virginia, May 12, 2011)
Faafin: SomaliTalk.com | May 14, 2011
| 
Daabaco
Boggan | Print
