Xasan Shiikh oo ku sii jeeda Bisha soo socota Dalka Mareykanka iyo Banaanbaxyo la doonayo in looga hortago ka dib markii uu Qaramada Midoobey u Gudbiyey Qoraal Muran lagu gelinayo Badda Soomaaliya .
Madaxweynaha Mareykana Barack Obama oo Warqadihii Aqoonsiga Danjiranimo ka Gudoomey Cumar Cabdirashiid
Iyadoo Dhawaan Madaxweyne Xasan Shiikh Maxamuud 30-kii June ee Sannadkaan 2014 uu Qaramada Midoobey u Gudbiyey Qoraal uu ku dalbanayo in laga wada hadli karo Badda Soomaalida (gaar ahaan Dowladaha Kenya iyo Soomaaliya) ayaa warar aan hellney waxay sheegayaan in Madaxweynaha uu Bisha soo socota ee Agoosto uu ku Wajahan yahay dalka Mareykanka iyadoo taasi ay jirto ayaa wararka ka imaanya Dalka Mareykana waxay sheegayaan in Bulshada Soomaaliyeed ee ku nool Dalkaasi ay wadaan Abaabulka Mudaaharaada looga soo horjeedo Madaxweyne Xasan Shiikh ka dib markii uu soo if baxay Qoraalka loo Gudbiyey Qaramada Midobey ee badda soomaaliya.
Muumin Giriig oo ka mid ah Siyaasiyiinta Soomaaliyeed oo u waramayey Idaacada SKY ee Magaalada Mudisho ayaa u soo jeediyey Shacabka Soomaalieyed in ay ka dhiidhiyaan Qoraalka Madaxweyanaha ee uu u direy Qaramada Midoobey ee la doonayo in qayb ka mid Bada Soomaaliya la qaato waxaa uu sii raaciyey “ Maxaa isku soo beegey in Qoraalkaan loo Gudbiyey Qaramada Midoobey iyo Magacaabista Safiirka Mareykanka ee Cumar Cabdrashiid oo uu sheegey in uu ahaa Raiisul Wasaarihii hore ee Soomaaliya ee Muran geliyey Badda Soomaaliya
“ Waa yaabee Maxaa mar waliba soo celceliya in Muran la geliyo Badda Soomaaliya sow tii mar hore Baarlamaanka Soomaaliya uu Go’aan Cad ka gaarey” ayuu yiri Muumin Gariig oo ugu Baaqey Baarlamaanka Federaalka Soomaaliya In ay is hortaagin Damaca Waalan ee la doonayo in lagu boobo Khayraadka ka buuxa Badda Soomaalliya sidoo kale waxaa uu u soo jeediyey bahda Warbaahinta in ay Bulshada u iftiimiyaan Raga Doonaya in ay Bada Soomaaliya u Gacan geliyaan Dowlado Shisheeye.
Dhinaca kale Madaxweynaha Dalka Mareykanaka Barack Obama ayaa Warqadihi aqoonsiga Danjiranimo ka Gudoomey Danjiraha Cusub ee Soomaaliya u Fahdin doono Dalka Mareykan oo ah Raiisul wasaarihii hore ee Soomaaliya Cumar Cabdirashid Cali Sharmaarke oo uu Dhawaan u Magacaabey Madaxweyne Xasan Shiikh iyadoo lagu wado in Xasan Shiikh uu Dalkaas gaaro Bisha soo socota ee Agoosto , Markii laga Gudoomey Cumar Cabdirashiid Waraaqihii Aqoonsiga ayaa waxaa halkaa ka Hadley Madaxweynaha Mareykankaa o sheegey in ay farxad tahay in muddo dheer ka dib in Soomaaliya ay dib u Furato Safaaradeedi Magaalada Washington
“Talaabada ugu horeysa ee aan qaadi doono waa sidii uu u shaqeyn lahaa Xafiiska Soomaaliya ee Magaalada Washington islamarkaa aan u Qori lahayn Shaqaalaha Safaraada markaas ka dib ayaan u Howlgeli doonaa sababaha keeney in la iibiyo Safaaradii Soomaaliya ee Mareykanka “ ayuu yiri Cumar Cabdirashiid oo sheegey in wax lagu farxo tahay in 23 sanno ka dib in Soomaaliya marka dib u furato Safaaradeedii ee dalka Mareynka.
Cumar C/rashiid iyo Sh. Shariif oo isa salaamaya iyo Aadan Madoobe oo eegaya (Feb 2009)
Cumar Cabdirashiid waxaa July 2014 loo magacaabay safiirka DFS u fadhiya USA
Keith Ellison oo ah Xildhibaanka keliya e Muslimka ee ku jira Baarlamaanka Mareykanka islamarkaana laga soo doorto Gobolka Minnesota ayaa Cumar Cabdirashiid ku Tilmaamey nin Aas –Aas u noqon doona in Soomaaliya dib ugu soo laabato Beesha Caalamka islamarkaa uu ka qayb qaato Dib u dhiska iyo Dib u heshiisiinta Ummada Soomaaliyeed isagoo sheegey in ay eegi doonaan sida uu u shaqeeyo danjiraha Cusub Soomaaliya ee Dalka Mareykanka isagoo u rajeeyey Labada Dal in uu sii adkaado Xiriirkooda .
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Inaad Somalia jago weyn ka qabatid uma baahna xirfad weyn iyo sumcad,waxa keliya ee aad u baahan tahay waa inaad saaxiib la tahay Madaxweynaha,Raysulwasaaraha,raisul baarlamaanka ama aad taqaan cid kaa waastayn karta oo ay ugu horeeyaan Odoy dhaqameedyadu,Intaas waxaa kuu dheeraan kara inaad tahay nin beerta dhinaciisa ka daaqa oo aan u abba yeelin hantida qaranka.
Ina Crashiid Cali Shirmarke waxaa lagu eedeyn jirey inuu ahaa kan furay albaabka muranka lagu gelinayey badda Somalia oo uu ahaa wasiir C/shakuur kii inta State Houseka Nairobi loogu yeedhay qalinka ku duugey wixii ay Kenya ku magacowdey MOU,in maanta laga dhigo safiirka Somalia u fadhiya USA Maxay daaran tahay?
Xassan Qoslaaye oo hawshan u magacaabayna u sii rucleynayo inay Washington isku arkaan!
Somalia Rabbi baa u maqan.
Allow na badbaadi
Waa sheeko xanuun badan. Manta waxaan aqrinayey report cusub oo UN ku qoray sheegaysana in soomaali frozen assets shirkad ajaanib oo rogers la dhaho la rabo in la siiyo 30%, 6 qof oo fowsiya iyo labo nin oo mareykanka dagana aay 6% wadanayaan, inta kalena waxaan oran karnaa hassan sheikh mahamud. Mar bada la gato, mar safaaradaha la kiraysto ama la gato ma ahee caqli kale ma la waayey? Badda 10 jeer oo kale baa laga wada hadlay. maxaa madax isku sheegta soomaaliya daba dhigay baddaan. Ragaan horta madaxda sheeganaya ma xishoonayaan miyaa, maxaa ka khaldan? Inna abdi rashid wax kasta waa ka suuroobaan, isaga , shariif iyo hassan sheikh mahamud wax kasta ka filo. Soomaali ragaan hadii aaysan guryahooda ugu dhicin walee joogi mayaan. Shacabka soomaaliyeedna waa kuwa damiir la . Meesha ka kaca oo iska qabta tuugtaan idiin heshiiyey.