Iyadoo weli ay socoto Qayla dhaanta looga soo horjeedo Qorshaha Guracan in Badda Soomaaliya la xadeynayo 19 Desember ayna ku Howlan tahay arrimahaas Dowladda Federaalka iyo qaar ka mid wadamada Shisheeye ayaa waxaan Arrimahaan wax ka weydiney Dr Jaamac Xersi Muumin oo ah Aqoonyahan Soomaaliyeed isla markaana la socda arrimaha la xiriira Badda Soomaaliya waxaa uu yiri”Badda Soomaaliya waxay ku taalaa Goob Istaraatiiji waxayna ka mid tahay Shanta Marin Biyood ee Dunida waxaana hadda ka hor Marinka Soomaaliya Soo degey ama Saldhig ka sameystey Midowgii Soofiyeeti taasina waxay welwel ka muujiyey Dowladda Reer Galbeedka oo iyaga ka cabsdey haddi Midowga Soofiyeeti uu halkaa ku xidideysto in Maraakiibtooda isaga gooshta Caalamka ay Go’doomayaan waayo Maraakiibtooda waxay ku qasbanaanayaan in ay kor ka soo wareegaan halkaasoo ay ugu baxayso Kharash farabadan marka waxay haatan u daneynayaan Marinka Soomaaliya iyagoo ka Cabsi qaba haddii ay is ku xirmaan Soomaaliya iyo Yaman ay adkaaneyso sida ay isaga Gooshaan Badweynta hindiya iyo Badda Cas “

Dr Jaamac mar uu ka hadlayey hadal haynta Badda Soomaaliya ee 19 Desember waxaa uu yiri”Madaxda hadda Jirta qaarkood ma yaqaanaan ahmiyada Badda Soomaaliya ay ugu fadhido marka nin ay aqoontiisa sidaa tahay oo aan aqoonin in Badda ay Qaraar tahay iyo in ay Macaan tahay ayaa ku leh Badda Soomaaliya ayaa Xadeynayaa oo Sharci u sameynayaa war miyaadan ogeyn waxa Baddaan laga soo marey Difaacideeda bal fiiri Dalalka Dunida Ciidamadooda waxay u qaybsan yihiin kuwa Difaaca Badda , Kuwa Difaaca Cirka iyo kuwa Difaaca Dhulka haddii aysan ahmiyada dalalkaa aysan ugu fadhiyin ma sameyn lahayn Ciidamda Difaaca Badda aan ku xasuusiyee Soomaaliya waxay lahayd Ciiidanka Difaaca Badda Soomaaliya oo qaarkood maanta ay God u jiifaan Difaacideeda haddii aad is leedahay Ma jiro Ciidanka Difaaca Badda Soomaaliya waxaan kuu sheegayaa Shacabka ayaa haatan u taagan in ay Difaacaan Badda Soomaaliya “

Mar aan waxa ka weydiiyey maxaa Sanadahaan dambe loo soo hadal qaadey Barnaamjika Badda Soomaaliya waxaa uu ku jawaabey “Dib u fiiri markii la soo doortey Shiikh Shariif Sadexdii Xukuumadood ee soo marey Soomaaliya sida Cumar Cabdirashiid , Maxamed Cabdulaahi farmaajo , iyo Midka hadda haya Xilkaas ee Cabdiweli Maxamed Cali Gaas Sadexdooda waxay haystaan Dhalashada Mareykanka waxa Mareykan uu doonayo ayey Doonayaan waxa Mareykan uu Neceb yahay bay naceb yihiin fiiri Shirkii Qaramada Midoobey ee Hogaamiyaha Iiiraan markii uu soo hadal qaadey arrimaha Falastiin isla markaana wax ka sheegey Mareykanka Cabdiweli Shirkaas waa uu ka baxay oo wuxuu ku Mowqif noqdey Maraykanka iyo Xulafadiisa marka Rag Sidaa ah ha ka sugina Soomaaliyeed in ay idiin ilaaliyaan Badda iyo Dhulka waxaana u soo jeedinayaa Shacabka Soomaaliyeed in ay ka hortagaan Maafiyada dooneysa in ay iibsato Badda iyo Dhulka Soomaaliyeed waxaana idiin kula talinayaa in aad dhigtaan Banaabaxyo aad uga hortageysaan Qowleysatadaas aan marnaba ka shaqeyneynin Masalaxadda Ummada Soomaaliyeed

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk