Warsaxafaadeed ka soo baxay baarlamaanka DFKMG ayaa shaaca ka qaaday magacyada afar xildhibaan oo ku geeriyoodey qaraxii lala beegsaday Hotel Muna ee magaalada Muqdisho, iyo shan xildhibaan oo dhaawac ah.

Warsaxaafadeedku waxa uu u qornaa sidan:

Jamhuuriyadda Soomaaliya
Xukuumadda Federaaliga KMG
Wasaaradda Warfaafinta

Ref: WW/XW/Warsaxaafadeed/15 Date: 25 August 2010

Warsaxaafadeed

Baarlamanka Soomaaliya oo shaaca ka qaaday xildhibaannadii lagu dilay weerarkii Alshabab

Ku-simaha afhayeenka Baarlamaanka Soomaaliya, Mudane Abdiweli Sheeik Ibraahim Mudey,ayaa manta shaaca ka qaaday magacyada xubnihii baarlamaanka ee ku geeriyooday weerarkiiismiidaminta ahaa ee ka dhacay Hotel Muna oo ku yaalla Muqdisho.

Xildhibaannada ku geeriyooday ismiidaaminta waxay kala yihiin:

1) Maxamed Xassan M. Nuur,
2) Geeddi Cabdi Gadiid,
3) Buulle Xassan Macallim,
4) Idiris Muuse Cilmi.

Sidoo kale xildhibaannada ku dhaawacmay waxay kala yihiin:

1) Cali Cabdiqaadir Macallim,
2) Cali Maxamuud Cabdi,
3) Axmed Sheekh M. Maxamud,
4) Maxamed Caateeye Fariid, iyo
5) Isaaq Ibraahim Cali.

Nasiib wanaag, Maxamed Caateeye Fariid iyo Isaaq Ibrahim Cali way soo kabsadeen, waanalaga soo saaray isbitaalka.

Mudane Muudeey wuxuu tacsi tiiraanyo leh gaarsiiyay qoysaskii ay ka geeriyoodeen xildhibaannadii, shaqaalihii dowladda, ciidamada dowladda iyo rayidkii ku geeriyoodayqaraxa, isagoo u rajeeyay dadka dhaawacmay inay si dhaqso leh ku soo kabtaan.

Wuxuu yiri:“Kuwii naftooda gooyay waxay doonayeen inay ka argagixyaan, nagana horistaagaan inaannolosheena caadi wadano iyo baadigoobka aan ugu jirno inaan helno mustaqbal nabad iyomidnimo leh.

Laakiin falalka noocan oo kale waxay xoojinayaan dadaalka aan ugu jirno inaanSoomaalida isku keeno.

”Soddon iyo saddex qof ayaa ku dhintay weerarkii Talaadadii ay laba nin oo naftood-halaagayaal ah ku qaadeen Hoteel Muna. Iyagoo iska soo dhigay cidamada dowladda,dableydaasi waxay gudaha u galeen hoteelka, waxayna billaabeen inay rasaas furaan oo aydilaan ciidamadii ilaalinayay xildhibaannada.

Wasaaradda Warfaafinta, Muqdisho

###

Dhanka kale waxaa xalay Muqdisho ka sii socdey madaafiicda la isku garaacayey, waxaana wararku tibaaxeen in ay ugu daraayeen xaafadaha ama aagagga: Kaaraan, Suuqa Xoolaha, Dayniile, Gubta, Yaaqshiid, Hawlwadaag iyo Suuqbacaad.

Wararkii Talaadadii ee ku saabsanaa weerarka ka dhacay Muqdisho:

“Lix Xildhibaan iyo 5 sarkaal” oo lagu diley Qarax ka dhacay Hotel Muna, Muqdisho

MUQDISHO: Wararka ka soo baxay qarax ka dhacay Hotel Muna ee degmada Xamar Weyne ayaa shaaca ka qaaday in ugu yaraan 33 qof ay ku dhinteen qarax ka dhacay halkaas. Waxaa qaraxaas sheegtay in ay ka dambeeyeen Alshabaab. Waxaa sidoo kale dagaalkaas ka hadlay ururka Xisbul Islaam. Waxaa warsaxafadeed ka soo saaraay DFKMG iyo Ergeyga Gaarka ee Qarammada Midoobay.

Sida uu xaqiijiyey prof. Cabdiraxmaan Ibbi oo la hadlay idaacadda British Broadcasting Corporation waxaa dadkaas dhintay ka mid ahaa 6 xildhibaan oo ka tirsan baarlamaanka DFKMG iyo 5 sarkaal.

Prof Ibbi oo ka waramayey tirada dadka ku dhintay Hotel Muna waxa uu sheegay in ay ka kooban yihiin “21 shacab ah, 5 sarkaal, 1 askari iyo 6 xildhibaan”, waxaana dhaawaca ku jira xildhibaan uu soo gaaray dhaawac culus.

Halkan ka dhegeyso Waraysiga Ibbi (bbc Aug 24, 2010)

Qaraxyadaas waxaa sheegtay in ay ka dambeeyeen ururka Alshabaab. Waxaa sidoo kale qaraxyadaas ka hadlay ururka Xisbul Islaam.

Sheekh Xasan Daahir Aways, hoggaamiyaha Xisbul-Islaam, ayaa sheegay in weerarkii is-miidaaminta ahaa ee Talaada ka dhacay Hotel Muna uu ahaa mid qeyb ka ah dagaallada ay kula jiraan DKMG iyo AMISOM. Waxana uu intaas ku daray ” Dhimashadaasi waxba kama duwan dadka rayidka ah ee ku dhimanaya madaafiicda ka soo dhacaysa dhinaca DKMG iyo AMISOM” sida uu u shegay idaacadda Codka Maraykanka.

Halkan ka dhegeyso hadalka Sh. Aweys (voa Aug 24, 2010)

Madaxweynaha DFKMG Sheikh Shariif oo ka hadlay qaraxa ayaa sheegay in kuwa qaraxan ka danbeeyay aysan diinta Islaamka shaqo ku lahayn, isla markaana is-qarxintu aysan wax raad ah ku lahayn dhaqanka Soomaaliya.

Halkan ka dhegeyso Sheikh Shariif (voa Aug 24, 2010)

Qaraxa ayaa ka dambeeyey markii niman hubaysani ay hotelka Muna weerar ku qaadeen, kaddibna dadkii rasaas ku fureen, halkaasna isku qarxiyeen.

Arrinta Qaraxa waxaa warsaxaafadeed ka soo saartay DFKMG, warsaxafadeedkaas oo u qornaa sidan:

Ref: WW/XW/Warsaxaafadeed/14  Date: 24 August 2010

War-saxaafadeed

Alshabaab oo rayid ku laayay Hoteel Muna

Laba dabley oo ka tirsan Alshabab ayaa rasaas aan loo kala aabbo-yeelin kufuray dad rayid ah oo ku sugnaa hoteelka Muna ee ku yaalla Xamarweyne eemagaalada Muqdisho, iyagoo laayay ugu yaraan 31 qof oo ay ka mid ahaayeen shaqaalaha hoteelka, sidaasi waxaa Raadiyo Muqdisho u sheegay booliiska.

Dableyda ayaa hoteelka galay subaxnimadii Talaadada kaddibmarkii ay u labbisteen sida ciidamada dowladda KMG ah.Lix ka mid ah xildhibaannadii ku sugnaa hoteelka ayaa ku geeriyooday weerarka.

Waxaa sidoo kale howlgalka ku dhintay 5 ka tirsan ciidamada dowladda. Nimankii weerarka geystay ugu dambeyntii way isqarxiyeen.

Wasiirka Warfaafinta ee dowladda KMG ah, C/raxmaan Cumar Cusmaan (Eng. Yarisow) ayaa yiri:“Arrintan ujeeddo kale kama ay laha aan ka ahayn inay argagixiyaanshacabka Soomaaliyeed. Waa fal aad looga xumaado oo dhacaya bishanbarakeysan ee Ramadan. Waxay muujineysaa waxashnimadooda iyo sidaaysan u xushmeyneyn bani’aadannimada”

Waxaa ku saxiixnaa wasaaradda Warfaafinta DFKMG

###

Ergeyga Gaarka ee xoghayaha Guud ee QM ayaa sidoo kale warsaxafaadeed ka soo saaray qaraxa ka dhacay Muqdisho, waxana uu u qornaa sidan:

Xafiiska Qaramada Midoobay u Qaabilsan Arrimaha Siyaasadda Soomaaliya (UNPOS)

WARSAXAAFADEED 017/2010

Ergeyga Gaarka ah ee Xoghaya Guud ee Qaramada Midoobay oo si adag u cambaareeyay weerarkii is ismiidaaminta ahaa ee ka dhacay Muqdisho

Nayroobi, 24 Agoosto 2010 – Ergeyga Gaarka ah ee Qaramada Danjire Augustine P. Mahiga ayaa si adag u cambaareeyay weerarka maanta lagu qaaday hoteel ku yaalla magaalada Muqdisho laguna dilay dad rayid ah iyo xildhibaanno ka tirsan Baarlamaanka.

“Falkan naxariis darrada ah oo waxashnimada ah, looguna dan lahaa in lagu daadiyo dhiigga ugu badan ee dad aan waxba galabsan, waa wax aan la fahmi karin”, ayuu yiri Danjire Mahiga. “Dadka ka dambeeyay dilkan waxay danaynayaan oo keliya inay burbur iyo dhibaato ku abuuraan dadka Soomaaliyeed.”.

“Hase yeeshee, kuma guuleysan doonaan ujeeddadooda qaska ku dhisan. Dadka Soomaaliyeed waxay ku taamayaan nabad wayna ku guuleysan doonaan. Geedisocodkanabaddu wuu ka sii socon doonaa Soomaaliya, inkastoo koox yari ay doonayso inay qasto geedisocodka.”

Danjire Mahiga wuxuu tacsiyo murugo leh u diray qoysaskii laga geeriyooday iyo Dowladda Soomaaliya, wuxuuna kuwa dhaawacan u rajeeyay inay si dhakhso ah u bogsadaan.

“Weerarkan, oo gaar ahaan dhacay bisha barakaysan ee Ramadaan, wuxuu kordhinayaa keliya in dhammaan saaxiibada Soomaaliya ay sii labalaabaan taageerada ay u hayaan Ummadda Soomaaliyeed in si dhakhso ah loogu dhammeeyo colaadda ka jirta Soomaaliya oo dadka Soomaaliyeedna loo siiyo rajo mustaqbal wanaagsan ah.” ayuu yiri.

Wixii war dheeraad ah fadlan kala xiriir: Susannah Price ama Donna Cusumano, saraakiisha qaabilsan isgaarsiintab guud, Xafiiska Qaramad Midoobay u Qaabilsan Arrimaha Siyaasadda Soomaaliya, Nairobi Tel: +254 20 762 6805 / 6869 ama +254 733902020 ama 737400133

###
Dhanka kale waxaa lagu soo waramayaa in shaley iyo maanta (Talaada) ay dagaalada ka dhacay qaybo ka mid ah Magaaladda Muqdisho ay sababeen in dad gaaraya 40 qof ay ku dhawaawac, ayadoo ay tiraan warar tibaaxaya tiro intaas ka badan.

###

Weriye ay haleeshay Rasaas wiifeysa

Dhanka kale waxaa maanta magaalada Muqdisho ku geeriyoodey agaasimihii idaacadda Xurmo, Barkhad Cawaale Aadan, kaddib markii ay haleeshay rasaas wiifeysa.

Waxaa wararku tibaaxeen in Barkhad Cawaale  ay xabbad hawbaw ah asiibtay isagoo caawinayey farsamay ayaqaanno hagaajinayey nateenada raadiyaha oo saarayd dabaqa sare ee guriga ay warka ka tebiso idaacaddu. Marxuumka waxaa da’diisu ahayd 60-jir.

Sawirka hoose waa Muqdisho xilligii nabadda