Waxaa maalmahan Magaalada Muqdisho joogey wafdi ka socdey Ururka Mu’tamarka Islaamka kuwaas oo kulamo la yeeshey Dowladda Federaalka iyo qaybha kala ee bulashada iyadoo intii aysan ka dhoofin Garoonka diyaaradaha ee Magaalada Muqdisho ayey halkaas ku qabteen Shir jaraaiid waxayna sheegeen in ururkooda gacansiin doonaan bulashada soomaaliyeed oo xiligaan ku jirta dhibaato aad u baahsan , wuxuu kaloo uu sheegey ururuka in intii uu jirey ama la dhisey ay soomaaliya ka qabteen howlo biniaadanimo , kuwo waxbarasho , iyagoo sheegey in kaalmadii ay sii jireen ay sii laba jibaareen maadaama uu dalka uu ku jiro daruufo aad u adag waxayna shacabka soomaaliyeed ugu baaqeen in ay u soo jeestaan sidii ay u dhisi la haayeen dalkooda , isla markaan u dhameyn lahaayeen dagaalada aan lagu faaiideyn
Ururka Mu’tamar Islaami ayaa sheegay in ay xafiis ka furan doonaan Magaalada Muqdisho ayagoo sheegey in arrintaas kala kaashan doonaan wasaaradda Banii’aadamnimada Xukuumadda Soomaaliya
Wafdi ballaaran oo ka socdo Ururka Mu’tamar Islaam ayaa waxayna kulamo la qaateen Wasiirka Banii’aadamnimada Soomaaliya, sidoo kale waxay salaam sharaf ugu tageen Madaxweynaha Soomaaliya Sh. Shariif Sh. Axmed.halkaas oo ay isku dhaafsadeen hadalo la xiriira sidii uu iskaashi u dhex mari lahaa Dowlada iyo ururka
Wasiirka Bani’aadamnimada Soomaaliya Maxamud Cabdi Garweyne ayaa xaqiijiyay in wafdigaan ay dhawaan Muqdisho ka furi doonaan Xafiis arrimaha Soomaaliya Qaabilsan, kaas oo ka qeyb qaadan doona xalka loo raadinayo dalka Soomaaliya.isagoo sheegey in xafiiskaas uu wax weyn ka tari doono xaalada soomaaliya
Sidoo kale waxa wafdigaan ka mid ahaa Ururka Bisha Cas ee dalka Qadar iyo Urur kale oo ka howl gala dalka Turkiga. Waxayna soo kormeereen Goobo fara badan oo ku yaal Magaalada Muqdisho iyagoo u kuurgalayey xaaladaha ay ku sugan yihiin
Wasiirka Banii’aadamnimada Soomaaliya ayaa soo dhaweeyay Tallaabadan xafiidka uu Muqdisho uga furanayo Ururka Mu’tamar ISlaam, wuxuuna dhaleeceeyay Ha’adaha kale ee Dalalka deriska ah ka qortay Kumanaanka Shaqaalaha ah ee ku dhameynaya Dhaqaalihii loo qoondeeyay Soomaaliya, isagoo ugu baaqay in ay u soo guuraan dalka Soomaaliya marxalad kastana la qeybsadaan.
W/D Amiin Yuusuf Khasaaro
E-Mail amiinkhasaaro@hotmail.com
Ururka Mu’tamarka Islaamka, Ururka Mu’tamarka Islaamka, Ururka Mu’tamarka Islaamka, waa maqli jirey, xaggee jiri jireen 20kii sano ee aan dhibaateysnayn, dhaqaalaha ay sheegeen yeysiin jireen???????? Ma mashruuc ayaa soomaliya ka soo galay?????? bal aan aragno, ururka iyo ciddey xoojiyaan??????????