Waxaana la kala diray Golahii Degaanka Magaalada Boosaaso…

Laba wareegto oo uu soo saaray Madaxweynaha Dawlad Goboleedka Puntland, Dr.Cabdiraxman Maxamad Maxmud ( Farole), ayaa lagu  kala dirid golaha degaanka Magaalada Bosaso, isla markaasna waxaa uu magacaabay Guddoomiye cusub ee Gobolka Bari iyo Duqa Magaalada Boosaaso.

Wareegta koowaad waxay u qornayd sidan

Xeer Madaxweyne Lr. 17 25/02/2010 kala dirid golaha degaanka Magaalada Bosaso.

Madaxweynaha Dowladda Puntland

Markuu arkay:   Dastuurka Dowladda Puntland
Markuu la tashadey:  Wasiirka Wasaarada Arrimaha Gudaha
markuu arkay: Waxqabad la’aanta Golaha degaanka ee la xiriira arrimaha amniga

wuxuu xeeriyey

1) waxaa la kala direy Golihii degaanka Magaalada Bosaso
2) Waxaa si kumeelgaar ah loo magacaaabey:
3) Maxamud Farax Maxamad ( Maxamud Beeldaaje)-duqa Magaalada Bosaso
4) Cabdulqaadir Yusuf Daahir- K/Xigeenka Duqa Magaalada Bosaso

Xeerkani wuxuu dhaqan galayaa markuu Madaxweynaha saxiixo

Dr.Cabdiraxman Maxamad Maxmud ( Farole)

Madaxweynaha Dowladda Puntland

Wareegtada Labaad waxay u qornayd sidan

Xeer Madaxweynaha Lr.15 ee 25/02/2010

Madaxweynaha Dowladda puntland

Markuu Arkey:   Dastuurka dowladda Puntland
Markuu la tashaday:  Wasiirka Wasaarada Arrimaha Gudaha

Wuxuu xeeriyey:
Waxaa loo magacaabey:
1) Cabdixaafid Cali Yusuf    Guddomiyaha Gobolka Barri

Xeerkani wuxuu dhaqan galayaa markuu Madaxweynaha saxiixo

Dr.Cabdiraxman Maxamad Maxamud ( Farole)