Home » Warar »

Baaq Tahniyadeed iyo Taageero ku aadan Hishiiska PL iyo DFK

BAAQ TAHNIYADEED IYO TAAGEERO KU AADAN HESHIISKA DAWLADA FADERAALKA KU-MEEL-GAARKA AH EE SOOMAALIYA IYO DAWLADA PUNTLAND


Asalaamucalaykum Waraxmatullaahi Wabarakaatuhu


Salaantaas islaamka ee kor ku qoran ka dib, annaga oo isugu jirna Guddiyada, Aqoonyahanka, Wax-garadka iyo qaybaha ka duwan ee Qurba-joogta Soomaaliyeed ee ku nool carriga Britain, kuna hadlayna magaca Jaalliyadda Reer Puntland ee UK, waxaan halkaan bogaadin iyo teegeero aan kala har lahayn u marinaynaa Dawladda Faderaalka ee Soomaaliya ee uu Madaxweynaha ka yahay Shariif Shiikh Axmed, iyo Raysalwaaaraha Cumar Caddirashiid Cali Sharmaake iyo Madaxweynaha Dawladda Puntland Cabdiraxman Moxamed Faroole.


Waxaan si laab iyo kal-gacal ku dheehan yahay u taageerraynaa Heshiiska dhaxal-galka ah oo ay ku kala saxiixdeen magaalada Galkacyo Madaxda Dawlada Faderaalka iyo Puntland taariikhdu markay ahayd 23-kii Ogoosto 2009, kaasoo xambaarsanaa 15-ka qodob oo wax ku-oolka u ah Ummada iyo Dalka Soomaaliyeed, si gaarana waxaan u soo dhawaynaynaa qodobka 14-aad ee Heshiiska oo si gaara u taabanaya Jaalliyaddaha Dibada ee Soomaaliyeed, kaasoo ah wax lagu farxo in maanta Madaxda Dawlada Puntland iyo Faderaalkuguba garwaaqsadeen, dareensan yihiina in xirriirka joogtada ah ee Qurba-joogta Soomaaliyeed lala yeesho uu laga maarmaan u yahay dib-u-noolaynta iyo dib-u-dhiska Soomaaliya maadaama dadkii aqoonta iyo waaya-aragnimada lahaa ay dalkii Soomaaliya dibada uga baxeen dhibaatada baahsan ee aan joogsiga lahayn ee ka taagan dalkii hooyo awgeed.


Waxaanu si xoogan ugu boorinaynaa Madaxda kor ku xusan in ay ka miro-dhaliyaan heshiiska lakala saxiixday, waxaanu si taas la mida ugu dhiiri-galinaynaa in xirriirka iyo wada shaqaynta Puntland iyo Dawlada Faderaalka la adkeeyo, lagana hortago caddawga Soomaaliya oo aan doonayn in ay arkaan in Soomaaliya ay cagaheeda ku istaago iyo kuwo caadaystay in ay qoraan warbixino aan sal iyo baar toona lahayn, xaqiiqadana ka fog sida Kooxda Xasaradaha Caalamiga (International Crisis Group) oo dhawr asbuuc ka hor soo saartay qoraal ay cadawtino dheeri ku dheehan tahay.


Annaga oo dareensan lana socona in ay Puntland tahay hooyadda iyo assaaska Dawlada Faderaalka ee Soomaaliya, had iyo jeerna u taagnayd in ay Soomaliya soo ceshato karaamadii iyo sharaftii ay ku lahayd Bulshada Caalamka, baanu waxaanu jecelnahay in aan ugu baaqno Dawlada Faderaalka ee Soomaaliya in ay dar-dar galiso habka faderaalka, ee ah kan keliya ee maanta Soomaliya lagu raadin karo, dibna loogu soo celin karo hanaankii dawladnimo oo ay lahayd.


Waxaan kaloo aad u taageersanahay dadaalka weyn ee bogaadinta mudan ee ay Dawlada Puntland ka wado magaalada Galkacyo, xarunta Gobolka Mudug iyo habka wanaagsan ee ay u xakamaynayso falal-danbiyeedka qorshaysan ee is dabajoogga oo murugada iyo tiraanyada leh ee ka dhacaya magaaladaas, oo u eg kuwo lagu carqaladeeynayo nabadgelyada Puntland iyo weliba shaqaaqooyinkii dhawaaan ka dhex dhacay labo beelood oo walaalaha ah ee degaanka Ufayn ee Gobolka Bari.


Sidaas darteed waxaanu talo ahaan ugu soo jeedinayaa Dawlada Puntland iyo Shacabkeedaba qodoba hoose ku qoran:

  1. In Dawlada Puntland ay sida ugu dhaqsiyaha badan ay sharciga u hor keento gacan-ku-dhiig layaashii dilay Allaha u naxariistii Wasiirkii hore ee Warfaafinta ee Puntland Warsame Abdi Shirwac (Seef Banaanka) oo si bareer ah loogu toogtay barmaha magaalada Galkacyo iyo dilkii ka dambeeyey ee marxuum Goobe Cali Xobbar oo laysku xirririnayo fulintooda.
  2. In cid kasta oo raad ku yeelata falal danbiyeedkaan aan looga harin cidday doonto ha noqo intay doontana ha qaadato si sharciga loo horkeeno oo ciqaabtooda loo mariyo maadaama aysan jiri karin cid sharciga ka weyn, taasuna tusaale ugu noqoto cid kasta oo damacda in ay carqalad iyo khalkhal galiso ammaanka iyo nabadgelyda Puntland.

  3. In dhamaan Issimada, Nabadoonada, Culumaa’udiinka, Wax-garadka, Ganacsatada iyo qaybaha kala duwan ee bulshadu ee Gobolka Mudug la shaqeeyaan Dawlada si aan kala har lahayn, Dawladuna ahaato haykalka kaliya ee looga danbeey fulinta hawshaan.

  4. In Dawladu si deg-deg ah u soo dhisto Maamul tayo leh oo hannan kara Gobolka Mudug oo lagu soo xulay xirfad, hawl-karnimo iyo daacad, iyada oo la kaashanaysa qaybaha kala duwan ee bulshada ee ku xusan qodoka 3-aad.

  5. In Dawladu awood ciidan oo sharciga Dawlada u hogaansan u samayso magaalada Galkacyo, iyada oo loo dhamaystirayo agabka iyo qalabka ciidan ee u baahan yihiin si xasiloonida iyo kala dambaynta loogu soo celiyo maagaalada Galkacyo oo ahmiyad gaar ah leh.

  6. In Issimada, Nabadoonada, Culumaa’udiinka, Wax-garadka iyo Ganacsatada labada Beelood oo dhawaan Ufay ku dagaalamay ay ahmiyad iyo dadaal dheeri ah geliyaan siday ku soo af-jari lahaayeen shaqaaqooyinkii dhowaan degaanka Ufayn ku dhexmaray labada Beelood oo walaaha ah iyaga oo ka faa’iidasanaya fursada u furan manta oo ay hormood ka tahay Dawlada Puntland iyo Culuaa’udiinka iyo Waxgaradka Reer Puntland oo dhan.

Gaba-gabadii, waxaanu mar labaad ku bogaadinaynaa Dawlada Puntland xilkasnimada, dulqaadka iyo deganaanshaha ay muujisay, iyo habka wanaagsan iyo weliba ahmiyad gaarka ah oo ay siisay xakamaynta iyo maaraynta dhibaatooyinka kor ku xusan oo ahaa kuwu ku cusub degaanka Puntland, waxaanu leenahay waad ku mahadsan tihiin, waana kuwo aan idinku garab taaganahay haddaanu nahay Jaalliyadda Reer Puntland ee UK.

“Hawl Kama Daale Weli Waa Hogadii”

Alla Ha Ina Garan Siiyo Jidka Toosan ………Aamiin……….Aamiin…………Aamin


Bayaankaan taageerada iyo dhiiri-galinta isugu jira waxa saxiixay Jaalliyada Reer Puntland ee UK oo kala ah:


1

Mohamud Yusuf Ali Hoosh

32

Habiib Mohamed Issa

2

Hirsi HajI Jama

33

Ahmed Farah Yare

3

Abdullahi Ali Hashi

34

Abdullahi Kalid Boqor

4

Mohamed Haji Farah Geesood

35

Abdullahi Salah Osman

5

Abdifatah Mursal Mohamud (Fandhaal)

36

Abdullahi Osman Aw-Muse

6

Warfaa Garwayne

37

Abdullahi Mohamed Dafle

7

Ali Haji Warsame

38

Mohamed Ali Abdi

8

Mahamud Osman Dicin (Xaynwade)

39

Abdi Ahmed Du’ale

9

Ahmed Said Geelle Garoon (shoodhe)

40

Abdullahi Hassan Farah (Baasaweyne)

10

Abdirasheed Mohamed Daahir

41

Mohamed Mohamud Ali Bile

11

Said Cagawayne

42

Mohamed Hassan Qoryeeyste

12

Husain Noor Farah (Suulcayn)

43

Abdifatah Adan Guureeye

13

Abdiweli Mohamed Gurey

44

Mohamed Ali Kaanje

14

Abdifarah Samatar (Reer Baadiye)

45

Mohamed Ali Hassan

15

Abdirahman Adan Dude

46

Mohamud Yuusuf Modoobe

16

Abdullahi Mohamed Awil

47

AbdiHadi Farah Gaas

17

Abdinasir Biihi Soof

48

Ahmed Mohamed Abdale (Tigaana)

18

Osman Mohamud Ali (Qoroofey)

49

Mohamed Ismail (Sandheere)

19

Awil Hassan Saleebaan

50

Mohamed Farah Raage

20

Abdikadir Farah Jibriil

51

Hasan Adan Osman (Hooori)

21

Adan Guureeye Kaarshe

52

Farah Fuuq Yare

22

Abdikaif Hassan Mohamed

53

Abdiqani Abshir Ali Seed

23

Mohamed Farah Hersi (Naakhuude)

54

Abdikadir Hassan Ciiro

24

Abdi Hersi Osman Keenadiid

55

Mohamed Ali Issa

25

Bare Faataxo

56

Mohamed Askar

26

Mohamed Farah (Baadi)

57

Abdirashid Yasiin Jama Buruuj

27

Baashi Noor Salaad

58

Abdirahman Ali Guureeye

28

Omar Takar

59

Abdullahi Ahmed Jama

29

Abdullahi Darman Qulunbe

60

Yasiin H Mohamud Abdulle Islaan

30

Omar Ahmed Salah

61

Abdirisak Caga Madoobe

31

Nuur Hussain (Dabmanoolyahay)

62

Saadaq Salaad Weyrax

Faafin: SomaliTalk.com // Halkudheg:

________
. Afeef: Aragtida maqaallada iyo faallooyinka waa kuwo u gaar ah qorayaasha ku saxiixan. E-mail Link Xiriiriye weeyey

4 Jawaabood " Baaq Tahniyadeed iyo Taageero ku aadan Hishiiska PL iyo DFK "

  1. abdi says:

    walaal pl waa dawlad lehna agabkii dawladnimo hadii soomaalyana waan kagoynaa dhawaan taasi kaftan midnimada soomaaliya waa muqadas soomaalind putland waa sheeko khiyaaliya

  2. asc…walaalayaal ramadaan kariim.
    haddaan hal erey ka idhaahdo heshiiskan iyo dadka isku dayeya in ay kubogaadiyaan waxaan u arkaa,sidan:waa marka koowaade,ma haboona keli wax cunka. dowladda somaliya in ay pl uqaabisho siddii dowlad iyada lamida waa ayaan darro iyo khiyaamo qaran ooo ay laba nin oo ay kuduudsiiyeen umad dhan wixii loo igmaday,pl waxay doonaysaa in ay katalawdo wixii loo igmaday umadda plna kuma wada qanacsana ee yaann laga gudbin waxa uyaalala umadda somaliyeed,ina c/rashiidna yaanu udhaqmin sidii inan cida uu doono wax lasaxiisan karo. pl madowlad baa mise waa maamul kusug ah oo ay ummadda deegaankaa degan wax kula qaybsanayso dalka intiisa kale..
    dastuurka dalkana pl gooni daaq kadhigimaayo,yaan caddaalada la ilaawin,..mahadsanidin…

  3. waduu says:

    runtii waa hishiis fiican balse waxaa iswaydiin mudane ma hirgalayaah ,haduu hirgalo waa mid dan u ah dowalada tfg iyo puntland waxaan dhihi lahaa haloo faa idayo umada iyo dalka dadka canbaraynata wadah waxaan leeyahay canbaraynta iskadaayah horayna usocda oo kabilaaba nidaam meelaha aan nidaamka iyo dowladnimada laheen wabilaahi towfiiq

  4. warsame says:

    waa arrin fiican laakiin waxaan arkay ummad badan oo canbaaraynaysa heshiiskaas. marka waxaaan u qaatay dad masayrsan oo ka xun in soomali si cadaalad ah wax u qaybsato