Muftigii Ugu Horeeyay ee Soomaaliyeed Oo Shahaaddo lagu gudoonsiiyay Masar.
Xaflad balaaran oo ay ka soo qeyb galeen Mas’uuliyiin uu ka mid ahaa Mufiga dalka Masar Sheekh Cali Jumca ,Culumaa udiin ka tirsan Daarta Fatwada (Daal el Iftaa) iyo Ardeyda Islaamka ee wax ka barata dalka Masar ayaa maanta lagu qabtay xarunta fatwada ee wadanka Masar waxaana Shahaadao lagu gudoonsiinayay sheekh Cabdulqadair Xaaji Maxamuud oo ah ardaygii ugu horeeyay ee somaaliyeed ee ka qaata shahaado dhanka fatwada ee diinta Islaamka wadankan Masar .
Sheekh Cabdulqadir Xaaji Maxamuud oo ka qalin jabiyay Jaamacada Al-Azhar sanadkii 2005-tii qeybta sharciga iyo qaanuunka ayaa daarta wax ka baranay mudo dhan sedax sanadood asigoo ka qaatay takhasuska fatwada diinta Islaamka iyo qaabka loo baaro maraajicda marka la fatwoonayo waxuuna ku guuleystay maanta in uu noqdo Sheekh fatwa ka bixin kara diinta Islaamka qeybaheeda kala duwan asagoo qaatay sanadihii uu dhiganayay daraasadan tababar dhanka fatwada ah markaasoo had iyo jeer masa’alooyin ku saabsan diinta Islaamka loo diri jiray inuu fatwo ka bixiyo Mas’alooyinkaa oo u badan kuwa maskaxda bini aadanmka ku soo dhaca had iyo jeer una baahan fiqiga casriga ah madaama caalamka waxbadan ay iska badaleen.
Xafladan ayaa waxaa ka hadlay Muftiga dalka Masar oo ku dheeraaday amaan uu amaanayo Sheekh Cabdulqadir iyo dadaalkiisa ku aadanaa fatwada iyo sida quruxda badan ee waafaqsan sharciga islaamka uu oga jawabi jiray mas’alooyinka la waydiiyo had iyo jeer intuu uu qaadanayay daraasada. Dr: Cali Jumca ayaa u hambalyeeyay Sheekh Cabduqadir asigoo ku booriyay inuu dalkiisa wax ka qabto madaama Somalia ay u baahantahay ruux diinta si wanaagsan u bartay oo lamid ah sheekh Cabdulqadir fahmi karana fiqhil mucaasirka caalamka Islaamku ay ku kala saaraan dhanka diinta.
Intaas kadib ayaa Sheekh Cabdulqaadir la siiyay kalimo asigoo ku hadlayay magaca dhamaan Culumaa’udiinkii ka qalinjabiyay daarta fatwada ,Culumaa udinkan oo u badnaa kuwa kayimid caalamka Islaamka kuna qaadan jiray daraasdan iyo tababar dhanka fatwada ah dalka Masar , Sheekh Cabdulqadir ayaa u mahad celiyay
dowlada Masar oo siisay fursadan qaaliga ah. Waxuuna ka hadlay fatwada iyo ahmiyada ay u leedahay umada Islaamka guud ahaan .
Sheekh Cabdulqadir Xaaji ayaa waxaa looga fadhiyaa inuu umada Soomaaliyeed ee ku kala nool dunada dacaladeeda ka haqabtiro dhanka fatwada iyo masalooyinka ay u baahanyihiin in ay wax ka ogaadaan diinta waxa ay ka qabto, ayadoo ay ku bateen maalmahan Soomaalida dad fara badan ee aan waxba ka ogayn diinta ee dadka u fatwooda wax walbo ay waydiiyaan taasna Nabigeyna NNK ayaa noo sheegay in ay aakhiri samanka ay imaan doonaan dad wax walbo ee la waydiiyo fatwoonaya kuwaas waxuu dhahay Nabigu way dhunsanyihiin dadkana way dhumi nayaan .
Gaban gabadii Xafladan ayaa ku soo dhamaatay jawi wanaagsan ayadoo ay jaaliyada Somaaliyeed u wada habalyeeyeen Sheekh Cabdulqadir oo ah Sheekhii ugu horeeyay ee Soomaaliyeed ee ka qaata shahaado fatwada ah dalka masar.
Daauud Cali Sheekhnuur
Daauud46@hotmail.com
Salaanta islaamka kadib;
walaalayaal ma qiyaasi karo farxada aan dareemay markii aan aqriyay warbixintan runtii ah mid u ah wax lagu faano qof walba oo soomaliyeed, sida aan oganahay dhalintii waxbarashada usoo baxday sanadahan dambe oo tiradoodu iskaba yareeyd ayaa misana qeybta ugu yar waxaa kasii ah inta ku biirtay kuliyadaha Shareecada, markan arinkan wuxuu dhiiri galin u yahay in dhalintu soo qaabisho Kuliyadan laga qaxay, baaq ayaan u dirayaa dhalinta!!!!!!!!!!!
HAMBALYO AYAAN LEEYAHAT MUFTIGEENA CUSUB, ALAAH HAKAA DHIGO MID DIINTA KA RUN SHEEGA.
Salaamun calaykum
Waxay ila tahay in sheekhani uu hada cusub yahay oo aan la xukmin karin ka hor talaabada uu qaadi doono. Waxana shacabka soomaaliyeed ay sugaan qof Alle ka cabsi, cilmi naafic ah oo salafkii waafaqsan iyo camal laisku daro oo aysan noqon mufti cusub oo loo soo tabobaray inuu diinta dumiyo sida kuwo badan oo maanta jooga aduunka muftina u noqday dawladaha shucuubta muslimiinta ay ku hoos noolyihiin taas oo sababtay in wax kasta oo diinta ah ay marin habaabiyeen.
Hadaba hadii uu muftigan raaco ama uu la shaqeeyo shariif sheekh axmed iyo kooxdiisa waxa ay sii murjin doontaa arimaha soomaaliya ee waxba kama tarayso waayo soomalaiya maanta waxa haysto waa cadow madow oo kusoo duulay diintuna waxa ay ka qabto waanu ognahay gaalada wadanka muslimka ah qabsata oo kutubta fiqiqa ayay ku taalaa hadaba bal aanu aragno meesha uu wax ka bilaabo sheekhan isha allah.
Allah diinta hanau sugo
Waan ku saraxsanaha muftigan cusub waxaana qalin jabintiisu ku soo beeganta xali baahi wayn loo qabay dad aqoon fiican u leh diinta islamka,oo lahubo in dad aan ehel u ahayn dadkii ku dhibaataynayaa magaca diinta.waxaana leeyaha hawl badan baa ku sugaysa ee huray u soco ilaahna hakaa dhigo mid wax soo kor dhiya.