Iyadoo Xawli ay ku socdaan Gargaarka la gaarsiinayo Dadka ay saameeyeen Abaaraha iyo Dagaalada aan dhamaadka lahayn ee ka jira Soomaaliya ayaa Soomaalida ku noor Gobolka Perth ee dalka Australia waxay Deeq Balaaran soo gaarsiiyeeyn dadka ay abaaraha iyo Dagaalada waxyeeleeyeen waxayna ugu horeyn Deeq lacageed gaarsiiyeen Isbitaalka Madiina oo ay ku jiraan dhaawacyada ugu badan Isbitaalada Muqdisho iyo Isbitaalka Banaadir oo ay ku jiraan Bukaano fara badan oo u badan Caruur
Deeqdaan Lacageed oo ay iska soo ururriyeen Soomaaida Gobolka Perth ee Dalka Australia ayaa markii ay lacagtaas ururiyeen waxaa soo raacay laba xubnood oo degen Gobolkaas kuwaas oo loo soo wakiishey in ay dadka dhibaateysan gaarsiiyaan waxaana ka mid ah Xasan Shiikh Maxamed iyo Axmed Daahir Cabdulaahi waxayna iyana la kaashadeen Saddex Hayadood oo kala ah Hayadda SOSCENSA SSU iyo DPSD
Intii aysan bilaaban qaybinta Deeqdaas Lacageed ayaa waxaa Warfaafdinta Xarunta Soscensa kula hadley Xasan Shiikh oo yri “Anigu ma nihin Hayad Gargaar bixisa , Ma nihin Urur Deeq bixiya ee waxaan nahay Soomaali dadkooda dhibaateysan in ay u gargaaraan halkaa u yimid waxaana Deeqdaan iska soo uruuriyey Gobol ka md Gobolada Wadanka Australia oo la yiraaho Perth iyagaana na soo wakiishey in aan Deeqdaan lacageed aan gaarsiino dadka dhibaatada ka soo gaartey Abaaraha iyo Dagaalada”
Markii ay gaareen Isbitaalka Madiina ayaa waxaa isbtaalka Gudihiisa hadal kooban ka jeediyey Agaasimaha Ibitaalka Madiina Dr Maxamed Yuusuf oo ugu horeyntii u mahadceliyey dadka Soomaaliyeed ee ku nool Gobolka PertH ee Australia sida ay ugu damqadeen Walaalahooda dhibaateysan isagoo ku booriyey in ay halkaa ka sii wadaan u gargaarida walaalahooda dhibaateysan
Xasan Shiikh iyo Axmed Daahir oo ka socdey Soomaalida Gobolka Perth ayaa iyagana u mahadceliyey Maamulka iyo Dhaqaatiirta isbitaalka Madiina sida ay ugu fududeeyeen in ay Deeqdaas gaarto dadkii loogu talagaley waxay aad uga Murugoodeen dhibaatada baaxadda lah ay qabaan dadka ku jira isbitaalka Madiina waxayna sheegeen in Deeqdaan aysan noqon doonin midii ugu horeeysey ee ay soo dhiibaan Soomaalida Gobolka Perth balse ay jiri doonan Deeqo kale.
Halkan kadaawo sawiro dheeraad ah
Markii ay soo gaareen Isbitaalka Dhalaanka iyo Hooyada ee Banaadir waxaa halka ku soo dhaweeyey Agaasimaha qaybta Caruurta iyo Dhalaanka ee Isbitaalka Drs Luul Maxamed Maxamuud oo ugu horeyn u mahadcelisey Walaalaha Soomaalieed ee Gobolka PertH Deeqda lacageed ee ay soo gaarsiiyeen Walaalahooda ku jira Isbitaalka Banaadir , waxay sheegtey in isbitaalka ay ku jiraan Caruur wax looga qaban waayey Dalka balse u baahan in laga bixiyo Tikidhka Diyaadaha ee dalka Suudaan maadama Dhaqaatiir ku sugan dalkaas ay balan qaadeen in ay si lacag la’aan ah ku daaweyn doonaan
Xasan Shiikh iyo Axmed Daahir oo iyana halkaa ka Hadley markii ay gaarsiiyeen Deeqdaas lacageed ayaa sheegey in dadka soomaaliyeed ee ku nool dalka Australia ay gaarsiin doonaan in wax loo qabto Caruurta ku jirata isbitaalka ee wax looga qaban waayey Dalka Gudhiisa,waxayna u mahadceliyeen Maamulka Isbitaalka sid ay uga gacan siiyeen qaybintaa Deeqdaas Lacageed.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
comment closed after 30 days / Jawaabaha waa la xiray ama waa la joojiyay wixii ka badan 30 cisho.