Iyadoo Hay’adda Humanitarian African Relief Organization oo marka la soo gaabiyo loo yaqaan (HARO) looga bartey in ay marka la gaaro Bisha Barakeysan ee Ramadaan ay ka bilowdo Gobolka Banaadir iyo Gobolada kale ee Dalka Barnaamj ay gacan ku siineyso dadka Masaakiinta ah ee Sooman kuwaa oo aan awoodin in ay heleen Cunto ay ku Afuraan, ayaa markii uu Dhalatey Bisha Barakeysan ee aan ku jiro waxay Magaalada Muqdisho ka bilowdey Barnaamjkaas Dadka Masaakiinta ah lagu Afurinayo

Hayada HARO Sanadkaan 1436 Hijriya kuna beegan 2015 ayaa Xarun ay ku leedahay Degmada Wadajir Bilowgii Bisha Ramadaan ka hirgelisey Barnaamjka ay ku afurineysa dadka Tabaaleysan ee aan awoodin ay ay heleen wax ay ku afuraan, waxaana Xaruntaasi maalin waliba u soo Afur doonto dad fara badan kuwaa oo halkaa ka helo Cunto isugu jirta Bariis Karsan, Hilib, Khudaar, Cabitaan iyo Qare.

Mid ka mid ah Dadkii ka qayb galey in ay halkaa ka afuraan oo Saxaafadda la Hadley ayaa u Mahadceliyey intii ka soo shaqeysey Afurkaas isagoo si gaar ah ugu Mahadceliyey Walaalaha Muslimiinta ee Waqooyiga Ameerika waxaa uu sii raaciyey “ waa Sannadkii Saddexaad ee aan halkaa ka Afuro Mahadaas waxaa leh intii soo dhiibtey iyo Hayadda HARO “
”
Xubno ka socdey Hayadda HARO oo ku sugan Magaalada Muqdisho ayaa Kormeerayey qaabka ay uu u socdo Barnaamjka lagu Afurinayo dadka Masaakiinta ah ee aan helin Karin wax ay ku Afuraan iyagoo sheegey in Barnaamjkaan uu socon doono ilaa ay ka dhamaato Bisha Barakeysan ee Ramadaan

Ha’yada Humanitarian African Relief Organization oo marka la soo gaabiyo loo yaqaan (HARO) waa Ha’yad Samafal oo in badan ka howgaleysey Guud ahaan Sooomaaliya,waxayna ka qayb qaadatey Abaarihii ka dhacay Dalka, Biyo Dhaamin, Bixinta Raashin Qalalan, Dhar Noocyo ka duwan leh, dadkii ka soo cararey Dagaalada Yaman iyo Daawooyin.

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk