Wariye Cabdulqaadir Camar Cabdulle (Kuwaaral ) oo ka tirsnaa T.V.ga Universal Xafiiska Xafiiska Muqdisho Kooxo Hubaysan ay Rasaas huwiyeen Xilli uu ku sugnaa afaafka hore ee Gurigiisa oo ku yaala Degmada Wadajir Xaafadda Korontada. Wariye Kuwaaral ayaa Rasaastaasi ay ku Rideen Kooxihii Hubaysnaa ayaa waxaa ka soo gaaray Dhaawac dhinaca Caloosha ah iyo Jab dhinaca Lugta ah.

Kooxdii Wariyaha Weerartay ayaa dubradiiba halkaa isaga baxsatay iyadoona baxsigoodii kaddibna ay goobta soo gaareen Ciidamada Maamulka Degmada wadajir kuwaasoo baaritaan halkaa ka sameeyay.Cabdulqaadir Kuwaaral ayaa Dhaawiciisa mariiba loola cararay Isbitaalka Madiina ee Magaalada Muqdisho halkaasoo iminka lagu dabiibayo.

Madaxa Xafiiska T.V.ga Universal ee Magaalada Muqdisho Ibraahim Jeekeey oo warbaahinta la hadlay ayaa u sheegey in dhaawaca weriyuhu uusan ahayn mid aad u halis ah in kasto xiligii uu warbaahinta la hadlyay uu ku jiray qolka qalliinka.

Madaxa Maaliyadda ee Ururka Suxufiyiinta Qaranka Nusoj Cabdirashiid Deyl oo weerarkaas kaddib warbaahinta gudaha la hadlay ayaa cambaareeyay kooxihii falkaas ka dambeeyay isagoona Ciidamada Dawladda ku dhaliilay wax qabad yari iyo in ay ku guul dareysteen wax ka qabashada arrimahan lagu bar tilmaameedsanayo Suxufiyiinta Soomaaliyeed Mudane Deyl ayaa sheegey inaysan jirin tan iyo markii ayy soo bilaaban tay dhibaateynta Suxufiyiinta oo qaarkood la dilay ama la dhaawacay cid wax laga qabtay ama gacanta lagu soo dhigay.

Si Kastaba isku Deyga Dilka Wariyahan ayaa muddo laba Bilood gudahooda wuxuu noqonayaa Wariyihii Labaad oo la isku dayo in la dilo kaoo bad baaday, Wariyey Kuwaaral ayaa xaaladiisa Caafimaad ay ka soo reyneysaa waxaana lagu sameeyey Qaliin iyadoo dhaawacaan uu yahay dhaawacii labaad ee loo geysto waxaa uu hore ugu dhaawacmery Qaraxii Shaamow December 3 deedii 2009

W/D Amiin Yuusuf Khasaaro
E-Mail amiinkhasaaro@hotmail.co.uk
E–Mail amiinkhasaaro@yahoo.co.uk

Warsaxaafadeed ka soo baxay DFKMG

Warsaxaafadeed 61/2012
Wasaaradda Warfaafinta oo Cambaareysay Dilkii Iskudayga ee Wariyihii Universal TV

(Muqdisho – July 8, 2012) Dowladda Soomaaliya waxay cambaareyneysaa iskudaygii la rabay in lagu dilo xalay wariyihii Universal Television, Cabdulqaadir Cumar Cabdulle, kaas oo dhaawac culus ka soo gaaray dhanka caloosha kadib markii ay laba nin oo aan heybtooda la aqoon kusoo weerareen gurigiisa oo ku yaal degmada Wadajir ee gobolka Banaadir.

Wasiirka Warfaafinta, Boostada iyo Isgaarsiinta, Mudane Cabdulqaadir Xuseen Maxamed ayaa cambaareyn kulul u jeediyay, asaga oo leh “Waan cambaareyneynaa iskudaygii la rabay in lagu dilo wariyaha, waxaana ku baaqeynaa in baaritaan lagu sameeyo qoladii ka danbeysay fal danbiyeedkaas.”

Dowladda waxay ugu baaqeysaa shacabka in ay la shaqeeyaan xoogaga amniga si loo xaqiijiyo in laga hortago falalka danbiyada ee dhamaan dalka oo idil, oo ay ku jiraan kuwa argagixisada oo halis ku ah bulshada.

“Waa in aysan shacabku ka yeelin qolyaha masuulka ka ah falalka danbi in ay cabsi galiyaan, isla markaana ay taageeraan dadaalka loogu jiro in amniga caasimada lagu xaliyo taas oo ka hortagi doonta kuwa cadeystay cadaawadda ay u hayaan wariyeyaasha iyo dadka nabadda ka shaqeeya” ayuu yiri Mudane Cabdulqaadir.

Wasaarada Warfaafinta waxay dhiiragalineysaa qof walba oo haya warbixin ku saabsan fal danbiyeedkii la rabay in lagu dilo wariyihii Universal Television si dadkii arintaas ka danbeeyay bulshada looga qabto oo xabsiga loo dhigo.

DHAMMAAD