Home » Warar »

Warsaxaafadeed kasoo baxay xukuumada DFKMG soomaaliya.

Warsaxafadeedka oo u qornaa sidan:

Xukuumadda Soomaaliya waxay si qalbi furan kusoo dhaweneysaa mirihii shirkii Londan ee shalay halkaasi lagu soo gabagabbeeyay.

Wasiirka Warfaafinta, Boostada iyo Isgaarsiinta Soomaaliya Mudane C/qaadir Xuseen Maxamed oo shirka ka qeyb galay ayaa waxaa uu yiri “Waxaan u aragnaa talooyinkii iyo natiijooyinka Shirka London guul weyn oo u soo hoyatay shacabka Soomaaliyeed meel walba oo ay joogaan sidoo kalana waxay guul u tahay xukuumadda Soomaaliya”

Wasiirka ayaa intaa ku daray “Beesha Caalamka dhamaanteed waxay u midowday sidii ay u garab istaagi lahayd shacabka Soomaaliyeed iyo sidii xal waara looga gaari lahaa dhamaan mashaakilka haysta”

Wasiiirka isagoo ka hadlayay sida ay u arkaan Beesha calamka guulaha ay gaartay Xukuumadda Soomaaliya waxaa uu yiri “Dhamaan madaxdii iyo dowladihii ka soo qeyb galay shirka waxay bogaadiyeen, hambalyana u direen, Xukuumada Soomaaliya horumarkii ay gaartay mudadii la soo dhaafay, gaar ahaan jabka xooggan ee la gaarsiiyay Dhaqdhaqaaqa Alshabab ee xag jirka ah oo dhawaan ku biiray Al-Qaacida.

Wasiirka isagoo ka jawaabayay Su’aal ahayd, sideed u aragtaa Beesha Caalamka oo aragtidooda ku mideeyay shirka London iyo saameynta ay yeelan karto ayuu yiri “Arinkaan waxay fursad weyn u tahay shacabka Soomaaliyeed iyo xukuumadda, midnimada beesha caalamkana waxaa sal u ah guulaha la taaban karo ee xukuumadda Soomaaliya ay ka gaartay
dib u heshiisiinta, siyaasada, ammaanka iyo sidoo kale fulintii Tilmaamaha Jidka (Road mapka)”

Dhamaad

Faafin: SomaliTalk.com // Halkudheg:

________
. Afeef: Aragtida maqaallada iyo faallooyinka waa kuwo u gaar ah qorayaasha ku saxiixan. E-mail Link Xiriiriye weeyey

comment closed after 30 days / Jawaabaha waa la xiray ama waa la joojiyay wixii ka badan 30 cisho.