Ergeyga Midowga Yusub oo dhawaan booqasho ku yimid magaalada Muqdisho ayaa ka war bixiyay Xaaladda Soomaaliya uu ku soo arkay mudadii uu booqanayay magaalada Muqdisho iyo kulamadii uu la yeeshey Madaxda Sare ee Dowladda .

Alexander Randos oo ah Ergayga Midowga yurub ee Geeska Afrika oo la hadlayay wakaaladaha wararka ee Caalamka xilli uu ku sugnaa Magaalada Nayroobi ayaa sheegey in Somaaliya dhinaca Milatery ahaan uu jiro qaddar horumar ah balse dhinaca siyaasadda ay ka liidato taasoo wax horumar aan laga samayn.

Mr Alexander Randos ayaa ugu baaqay dawladda ku meel gaarka in ay la timaado is bedel muuqda haddii taa la waayana uu Midowga Yurub joojin doono Dhaqaalaha uu ku bixiyo Soomaaliya ee lagu hormariyo Mashaariiicda dhinaca soo celinta kaabayashii Dhaqaalaha iyo Dhinaca Ciidamada .

Alexander ayaa yiri “ma aha in Gacamahayagu iska fidsanaadaan dhaqaalahana aan sidaa ku bixino haddii aanay dawladdu is bedel ka sameyneyn dhinaca Siyaasadda gaar ahaana wax ka bedelka hanaanka kala guurka wadanka, Dastuurka iyo yareyna Baarlamanka .

Mr Randoos ayaa ugu baaqay Xukuumadda ku meel gaarka Soomaaliya in ay la timaaddo wax qabad muuqda isla markaana laga gudbo Xaaladda iminka dalka ka jirta.Midowga Yurub ayaa ku bixiyay Soomaaliya Adduun Lacageed oo dhan Hal Milyan oo Doolar marka laga soo bilaabo sanadkii 2008dii lacagahaasoo ay ku baxeen mushaaraadka Ciidamada Amisom. Tababarka Ciidamada ammaanka.

Hadalka ka soo yeerey Midowga Yurub ayaa noqonaya markii u horeeysey ee aY ku hanjabaan inuu jarayo Dhaqaalaha la siinayo Soomaaliya haddii aan wax laga qaban arrimaha ay soo jeediyeen sidoo kale Dowladda ka tirsan Midowga yurub ayaa hore u sheegey in Dowladda Federaalka uu dhexdeeda ka jiro Masuqmaasuq aad u baahsan..

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk