Waxa Magaalada Muqdisho ku sugan Raiisul Wasaaraha Turkiga Rajab Dayib Ordegan iyo Wafdi aad u  balaaran , waxaana Booqashaada lagu tilmaamey midii ugu balaarneyd ee Muddo labaatan sanno Ruux Darajadaas leh uu ku yimaado Magaalada Muqdisho , waxayna Booqashadaan lagu micneeyey Mid Ordegan uu ku doonayo in Beesha Caalamka uu ku soo jeediyo Xaalada Soomaaliya Xiligaan ka taagan  hadaba  waa nin Caynkee ah Ordegan

Rajab Dayib Ordegan haddii aan Dib u Milcsano Taarikhdiisa waxaa uu dhashey 26 Feberaayo Sanadkii 1954 tii wuxuu ku dhashey Magaalada istanbuul, Yaraantisii waxaa uu ku soo barbaarey Qoys Diinta aad u yaqaan walow ay noloshoodu ahayd mid aad u adag taasina waxay keentey Ordegan  in gelina uu wax Baro Gelina uu Suuqa ku iibiyo Qarre ama Xabxab.

Wuxuu noloshaa adag ku soo jiro waxaa uuy dhameystey Dugsigiisii Sare kadib waxaa uu heley jamaacad isagoo Bartey Culuunta Dhaqaalaha , wixii waqtigaa ka dambeeyey waxaa uu noqdey nin firfircoon oo siyaasada Misaan ku leh waxay sameeyeen isaga Saaxiibadii dhowr Xisbi ka dibna Burburey , wuxuu rafto Waxaa uu ka mid noqdey Xubnaha ugu muhiimsan Xisbiga uu haatan ka tirsan yahay ee Cadaalada iyo Horumarinta.

Intii uu Xisbigaa ka tirsnaa waxaa loo doortey in noqdo Duqa Magaalada Stanbuul oo intii uu hayey Xilkaa wax weyn ka bedeley Caasimada Stanbuul ha noqoto dhinaca Nadaafada,Waxbarashada , Biyaha iyo Korontada , waxaa kaloo lagu xasuustaa markii shaqooyin u abuurey Haweenka  ka ganacsada Jirkooda oo Wadankaas ay Caadi ka ahayd maadaama Ciidamada dalkaas ay yihiin kuwo ogol in Haweenka ganacsadaan Jirkooda kuwaas oo ay u sameeyeen Xarumo Caafimaad oo lagu baaro Haweenkaas iyo Shatiyo ay ku Ganacsdaan hase yeeshee haddii uu dhihi lahaa waxaan Diinta ma ogola waxaa uu Cadaadis  kaga imaan lahaa Ciidamada balse waxaa uu u keeney in Barnaamij ah in Haweenka uu ka dhaadhicyi in uu u hayo Shaqooyin  ka wanaagsan mida ay haatan ku jiraan.

Markii uu noqdey Gudoomiyaha Xisbiga  Cadaalada iyo Horumarinta waxaa uu saddex jeer ku guuleystay in Wadankaas uu ka noqdo Raiisul Wasaaraha waxaa uu isbedel uu ku sameeyey Dhaqaalihi Wadankaas  oo uu kor u qaadey Boqolkii 11 Toban,wuxuuna yeeshey Taageero Badan , Ordegan waxaa uu sumacad ku dhex leeyahay wadamada Yurub,Aasiya , Carabta iyo Afrika , waxaa uu u ololeeyaa sidii Falastiiniyiinta ay u yeelan lahaayeen Dowlad u gaar , waana mid  keentey in dhowr  jeer uu Cambaareeyo falalka Guracan oo ay Israaiil kula kacayso Falastiiniyiinta , sidoo kale waxaa lagu xasuustaa sida uu isu garab taagey dadka ku Go’doonsan Marinka Gazza oo dhowr jeer uu u geeyey Daawooyin iyo Raashin kala duwan.

Hadaba Booqashada uu ku yimid Soomaaliya waa mid wax weyn ka badeleysa Xaaladda dalka Soomaaliya weliba waxaa Candhuuftooda dib u Liqaya Hayadaha maalin weliba  Hadalada Guracan ee ka soo yeeraya sida Qaramada Midoobey oo Soomaaliya u bixiy Zoonka Shanaad taasoo keentay in Dhaqaalhii Soomaaliya loogu talagaley in lagu quudiyo wadamada Deriska  la ah Soomaaliya ka dib markii ay sheegeen in Soomaaliya ay tahay meel Qatar ah sidaa darteed maanta maxay ku marmarsiyoon doonaan Hayadahaas Xafiisyadooda ka dhigtey Nairobi iyo meelo kale maadaama Muqdishadii ay ugu yeeri jireen Bahalo Galeen uu yimid nin Miisan ku leh Beesha Caalamka  waa Ordegan

W/D Amiin Yuusuf Khasaaro

E-Mail  amiinkhasaaro@hotmail.co.uk

E-Mail  amiinkhasaaro@yahoo.co.uk