Waxaa Magaalada Muqdishi waayadaan ku soo qulqulayey Shirkado Shisheeye oo dhamaantood  Howla ka fuliya Magaalada Muqdisho gaar ahaan Garoonka Diyaaradaha  iyo xeradii xalane  waxaana inta badan Shirkadahaas lagu tilmaamaa in yihiin kuwa markii hore ku yimid arrimo ganacsi ka dibna isku badeley kuwa Maletari iyadoo taasi ay jirto ayaa Goroonka Diyaaradaha Magaalada Muqdisho waxaa haatan la wareegey Shirkada lagu magacaabo SKA Logistic ha noqoto dhinaca  Amaanka iyo DhaqaalaBA

Shirkadda SKA oo  ah Shirkada weli aysan  Ansaxin Golaha Baarlamaanka hadana Howlaheeda si caadi ah ayey isaga wadataa iyadoo taasi ay jirto ayaa waxaa dhawaanShirkadaha Diyaaradaha ee isticmaala Garoonka Diyaaradaha  ee Aadan Cadde ay  Shirkadda  SKA  Ku wargelsey  in 13 bishaan ay shirkadda la wareegtey Wixii tas-hiilaad ahaa ee garoonkaas laga fulin jirey waxaana arrinkaan si aad ah uga caroodey Shirkaddaha Diyaaradaha  Soomaaliyeed ee  isticmaalayey Garoonkaas waxayna sheegeen in aysan ogolaan Karin  in shirkada SKA ay la wareegto waxyaabhii ay ka qaban jireen Garoonkaas oo ay sheegeen in ay ahaayeen kuwa  dhaqaale ka soo geli jirey Shaqaalle fara badan oo soomaaliyeed

Shirkadd SKA  ayaa wixii  ka bilowda 13 bishaan waxay sheegtey in ay la wareegtey dhamaan wixii howlo ahaa ee Garoonkaas la fulin jirey waxaana ka mid waxyaabaha ay la wareegtey    Jaranjarooyinkii Diyaaradaha looga soo dejin jirey rakaabka oo  markii hore ay keensan jireen shirkadaha Diyaaradaha Soomaalida ,waxaa kaloo ay la  wareegtey Kontoroolkii lagu sameyn jirey  Dadka rakaabka ee ka soo degeya Garoonka iyo kuwa ka dhoofaya waxaana howlahaan fulin jirey shirkadaha Soomaalida iyadoo ay adeegsan jireen Shaqaale Soomaaliyeed , waxaa kaloo Shirkadda SKA ay la wareegtey  Daabulida Alaabooyinka ka soo degeya Garoonka iyo kuwa laga dhoofinayo,waxaa kaloo ka mid ah  waxyaabaha ay la wareegtey Dhinaca Amaanka ha noqoto Diyaaradaha iyo Rakaabka saaran

Halkan kadaawo sawiradii oo dhan

Shirkadda SKA waxay kaloo ay la wareegtey  Kontoroolka Diyaaradajha marka ay ciladi ku timaado  waxana Kontoroolkaas fulinaya Injineero ay leedahay Shirkadda SKA  sidoo kale waxay shirkadda la wareegtey Sameynta Cuntada, Biyaha iyo sharaabka kale ee la siiyo rakaabka  iyo we;liba Nadaafadda Musqulaha  iyo Kuraasta Diyaaradaha oo  hore ay u sameyn jireen Shaqaale ay lahaayeen Shirkadaha Diyaaradaha Soomaaliyeed, Waxaa kaloo ka mid Howlaha ay la wareegtey Sahay siinta Shirkadaha sida Shidaalka iyo qalabka kale ee ay u baahan yihiin    waxaana  halkaa ka baxay shaqaale fara badan oo Garoonka u shaqo tagi iirey kuwaas oo dhamaantood lahaa Shirkadaha Diyaaradaha Soomaaliyeed

Masuuliyiinka tirsan Shirkaddaha Diyaaradaha Soomaaliyeed ayaa waxay sheegeen in kharashka ku baxaya Howlaha aan   kor ku soo sheegney ay yihiin kuwo aad u fara badan oo ay shirkadaha  ay sheegeen  in aysan Xamali Karin waqtigaan waxayna ka codsadeen Dowladda Federaal;ka in ay deg deg u soo faregiliyaan Qorshaha ay la timid Shirkadda SKA iyagoo sheegey in haddii aan  Dowladda wax ka qaban ay imaan karto in shirkadaha ay ka sii shaqeeyaan Garoonka Diyaaradaha Magaalada Muqdisho, hase yeeshee Shirkadaha Diyaaradaha ayaa Maalamahaan waday qiime kordhin ay ku sameynayaan rakaabka raacaya Diyaaradahooda isaga gooshaya Dalka Gudihiisa iyo dibadiisa  kuwaas oo dhibaato ku ah Shacabka Soomaaliyeed  Tusaale Sanadkii hore Dadkii soo xajinayey Xajka waxay Shirkadaha Diyaaradaha ay ku qaadeen lacag ku dhow 3 kun oo Doolar qofkii,waana qiimo sadex Jibaar ah waxaana Sanadkaan laga cabsi qabaa  in qiimaha intaa uu ka sii  kordho

Madaxda Sare ee Shirkadda SKA  ayaa sheegey in Howlaha ay la wareegeen ay wargeliyaan Dowladda Federaalka iyagoo sheegey in ay  Shirkada SKA u qaban doonto Rakaabka  Tas-hiilaad  ka waaagsan waxa ay qaban jireen Shirkadaha Diyaaradaha Soomaaliyeed,waxaana lagu waramey in Shirkadda SKA ay qorshaha ugu jirto  Mustaqbalka in ay la timaado  Diyaarado Rakaab oo ka qiimo jaban kuwa Soomaalida

W/D Amiin Yuusuf Khasaarp

E-Mail  amiinkhasaaro@hotmail.co.uk

E-Mail  amiinkhasaaro@yahoo.co.uk