Waxaa Bilihii ugu dambeeyey Magaalada Muqdisho ku soo qul qulayey Shirkado Shisheeye oo aad u fara badan waxayna intooda badan haatan saldhig u ah Xaruntii Tababarka Ciidamada ee Xalane, waxayna Shirkadahaan la sheegey in aysan wax Ruqsad ah ka haysan Dowlada Federaalka sida uu dhawaan ka dhawaajiyey Gudoomiyaha Gobolka Banaadir Maxamuud Axamed Tarsan oo sheegey in Shirkado gaaraya ilaa Soddon ay ku sugan yihiin Dugsiga Tababrka Xalane kuwaas oo uu sheegey in aysan wax ruqsad ka haysan Dowladda Federaalka.

Iyadoo taasi ay jirto ayaa Garoonka Diyaaradaha Muqdisho waxaa lagu soo bandhigey Eeyo la sheegey in loo soo Tababarey Dowladda Federaalka kuwaas oo la sheegey in ay ka qayb qaadan doonaan Amaanka Garoonka Diyaaradaha ee Magaalada Muqdisho, waxaana Eeyahan keeney Shirkada lagu Magacaabo Ban-Craft oo fadhigeedu yahay dalka Koonfur afrika waxayna Eeyaha la socdey Dad Soomaali ah kuwaas oo tababar ku soo qaatey dalka Uganda iyaga iyo Eeyaha

Saraakiil Cadaan ah oo la socotey Eeyahaas iyo Saraakiishii Soomaalda ee loo soo tababarey ayaa waxay si tijaabo ah uga Howlgaleen Wajiga hore ee Garoonka kuwaas oo Gawaarida ka baarayey waxyaabaha Qarxa , Daroogada iyo Hubka waxaa la arkayey iyaga oo baaraya Gawaarida Galeysa Garoonka Diyaaradaha iyadoo Ciidamada loo soo tababarey Howshaas ay ahaayeen kuwo Wajiga u qarsoon yahay

Madaxa Tababarka Shirkadda Ban-Craft, Mr Luu oo u warmayey Saxaafada ayaa sheegey in Labadda Sarkaal ee Soomaaliada ay ka soo hareen 13 Ruux oo Tababar loogu qaadey Dalka Uganda , wuxuu sheegey in labadaan Sarkaal ay noqdeen kuwa si weyn u fahmey la shaqeynta Eayaha , waxaa la weydiiyey Sarkaalkaas sida ay uga Howlagalayaan Soomaaliya madaama ay diinta islaamka ogoleyn qof Muslim ah uu Eey taabto wuxuu ku jawaabey “Wadadamada Islaamka way qabaan Eeyo ka Howl gala Garoomadooda wax dhibaato kuma qabaan Dadkooda sido kale Eeyahaas waxay ku Howl geli doonaan sida Waafaqsan Xeerka Soomaalida.

Markii la soo bandhigayey Eeyahaas ma jirin Masuul ka tirsan Dowlada Federaalka oo goob joog ka ahaa, waxayna tani caddeyneysa in Dowladda Federaalka aysan ka war qabin Shirkadaha Shisheeye ee ku sugan Magaalada Muqdisho , sidoo kale Shacabka soomaaliyeed ee ka dhoofaya Garoonka Muqdisho ayaa walaac ka muujiyey Eeyahaas iyagoo Dowladda Federaalka ku canaantey sida aysan uga taxadareyn Shacabkooda oo ay yihiin rag Dalkooda la iska Maamulanayo.

Dadka qaarkood ayaa aad uga caroodey Howsha ay qabanayaan Eeyahaa waxayna sheegeen in Tababarkaas ku baxdey Kumanan doolar oo shacabka Soomaaliyeed Wax u tareyso maadaama ay isugu darsameen Dagaalo, Abaaro iyo Cuduro waxay kaloo ay sheegeen in Dowladda Federaalka ay tahay Dowlad Magac u yaal oo aan ka warqabi waxa laga sameynayo Dhulkooda.

W/D Amiin Yuusuf Khasaaro
E-Mail amiinkhasaaro@hotmail.com