Nayrobi. 12 October 2010.

Safiirka Somaliya ee Kenya Ambassador Maxamed Cali Nur Ameriko ayaa xafiiskiisa ku qaabilay Safiirka Cusub ee Dawladda Norway u magacowday Somalia Iyo Kenya, Ambassador Per Ludvig Magnus,

Waxaa Safaaradda Somaliya ee Kenya ku soo dhaweeyey Safiirka Somaliya Ambassador  Maxamed Cali Nur Ameriko Iyo Qunsulka Safaaradda, Mohamed Cismaan Adan”Edson”.

Labada Safiir ayaa ka wada hadleen xidhiidhka dheer ee ay  labada dal  leeyihin  iyo taageerada ay dadka iyo  dawladda Norway  siiso dawladda iyo dadka Somaliyeed, iyadoo Safiirka Somalia Ee Kenya, Mudane Mohamed Cali Ameriko uu uga mahad celiyey xidhiidhkaas dheer iyo taageerada aan  kala go’a lahayn ee ay dawladda Norway  la garab taagan tahay dowladda iyo dadka Somaliyed.

Safiirka Somaliya Amb. Mohamed Ali Nur  ayaa ku ammaanay dawladda Norway sida ay ugu fideyeen dadka Somalia taageerada banii’adanimo ee ay u sameeyeen dadweynaha Somaliyed markii ay  bur burtay dawladdii dhexe ee Somalia iyadoo ay illaa imminka oo ay garab taagan yihiin  dadka iyo dawladda Somalia.

Safiirka Cusub Ee Norway  ee Somaliya Iyo Kenya,Ambassador Per Ludvig Magnus,  ayaa sheegay inay diyaar u yihiin inay taageeraan dawladda iyo dadka Somaliya iyadoo uu xusay inaanay dawladda Norway marnaba kala gaban doonin teegeerada ay taageerto Dadka iyo Dawladda Somaliyeed, waxana uu sheegay inay sii laba jibaari doonaan taageeradaas, iyadoo uu xusay in hadda ay dalka Norway joogaan in ka badan 25,000 oo Somali ah, kuwaas ay dowladiisa siisay soo dhowaysay.

Sawiirka Norway  iyo Safiirka Somalia | Nairobi, Oct 12, 2010

Halkan ka daawo sawiro dheeraad ah

Gebagabadii kulanka ayaa wuxuu ku soo dhammaaday jawi aad u degan oo farxadeed, waxaana ay labada dhinacba isla garteen in la sii xoojiyo xidhiidhka labada waddan ee Somaliya iyo  Norway.

Isha warka: Xafiiska Safaarada Soomaalida ee Nairobi