Xaaladii ugu danbeysay iyo sida ay caawa tahay Muqdisho

Waxaa isa soo tarayo qasaraha ka dhashay duqeymihii Ciidamada AMISOM u geysteen qeybo ka mid ah Magaalada Muqdisho wuxuuna dhibka ugu weyni gaaray dad rayid ahaa oo ku sugnaa jidka wadnaha agagaarka tarbuunka ilaa geed jacayl inta u dhaxayso siiba masaajidka macalin biyo mamlow ,qeybo ka tirsan xaafda howlwadaag ,suuqa xoolaha oo ay ku dhinteen dad iyo xoolo intaba ka dib markii ay ku dhacen madaafiic BII EM ah oo loogu riday si garbo siman ah sidoo kale gudaha suuqa bakaaraha ayaa aheyd manta goobo dhiig badani ku hoorey .

Ciidamda dowlada iyo kuwa AMISOM waxay joogaan wadada maka al mukaraha halkaas oo ay difac uga jiraan inta ka so hartayna waa dadka joogo waa cabsi ku noolayaal iyagana laga cabsanayo

Dhamaan goobaha ay ka dhacday dhimashadu iyo dhaawaca waxaa tagay gawaarida gurmadka deg deg ah oo sheegay in ay ka qaadeen ilaa 65 qof oo dhawac ka so gaareen duqymihii saaka kuwaas oo ay geeyeen ispitalada magaalada Muqdisho waxaana ka mid ahaa goobihi la geeyey dhawacyada ispitalka madiina oo la garsiiyey 12 qof oo qaba dhaawacyo kala duwan dhanka kale ispitalka dagmada dayniile oo aan qadka talephonka kula xiriiray ayaa madaxdii halkaa joogtay waxay inoo xaqiijiyeen in la garsiiyey 39 dhawac ah .balse nasiib daro labo ka mid ah rayidkii dhawaca aha aintii ay wadada ku jireen ayey geeriyoodeen halka mid sadaxaadna uu geriyooday intii qalinkiisa lagu guda jirey

Dhaawacyada iyo dhimashadu intaa wey ka badan kartaa oo waxaa jirey in dhaawacyad qaarkood aysan u suurta galin in ay helaan gurmad caafimaad oo deg deg ah wadoyinkuna waxay ahaayen kuwo u xirnaa ciidamda AMISOM iyo kuwa dowlada mark alga reebo wadada aada dagmada dayniile oo dhanka suuqa bakaaraha u furneyd .

Ispitaalada ayaa horey waxaa uga buuxay dad rayid ah oo ay dhaawacyo ka soo gaareen iska horimaadyada hubeysan ee Muqdisho ku soo can baxday waayadaan iyo duqeymaha sidaan oo kale ah ka dhaca waxaana ka mid ah dhawacyo ispitaaladu ay wax ka qaban kari waayeen iyo kuwo ku waayey xubno muhiin u ahaa waxaana Muqdisho ku soo kordhayo dad ka adimadu ka maqan yihiin sida lug ama gacan halka qaarkoodna aad arkeysid kuwo ay ka maqan yihiin labada lugoo ama labada gacmood .

Xiligaan Magaaladu waa dagan tahay wax dhawaq ahna lama maqlayo waxaana kala xiran goobaha ay kala fadhiyaan ciidamada codowga isu ah ee kuwada sugan magaalada meelaha qaar waa muqdi oo aan wax nalal ah laheyn goobaha qaarna leyrka ayaa u shidan.

Sawirka sare (Waayo waayo iyo xilligii nabadda ee Muqdisho)

Ka soo bilow biixaani wadada jubba hormarta , sayidka ilaa KM 4 warshada caanaha waxaa ay u xiran yihiin ciidamad Dowlada iyo kuwa shisheeye inta kale oo ay gacanta ku hayaan ilaa dagmooyinka Muqdisho ka baxsan waa isu furan yihiin sida afgooye oo loo mari karo dagmada dayniile suuqa xolaha hadii aaad tagto ilaa balcad iyo gobolada dhexe waa isu furan yihiin habeen iyo maalin waxaana si yaraanaya dhacii dadka safarleyda ah mana jiraan goob ay taal jidgooyo sharci daro ah

Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

………….
FAAH FAAHIN SAFARKA R/WASAARAHA EE INGIRIISKA
War-saxafadeed

Mogadishu, Oct. 22 — Ra’isal Wasaraha Dawladda Federaalka KMG Soomaaliya, Mudane Dr. Cumar Cabdirashiid Cali Sharmarke iyo wafdi uu hoggaaminayo ayaa maanta ka ambabaxay dalka iyagoo ku sii jeeda dalka Boqortooyada Britian si Xukuumada London ay ugala soo hadlaan soo nooleynta xiriirka ka dhexeeya labada dal.

Ra’isal Wasaraha waxaa safarkiisa ku weheliya Wasiirka Qorsheynta Qaranka iyo Iskaashiga Caalamiga, Mudane Cabdiraxmaan Cabdishakuur, Wasiirka Boosaha iyo Isgaarsiinta, Prof. Cabdirazak Osman Jurille iyo Wasiirka Amniga Qaranka, Cabdullahi Maxamed cali “Sanbaloolshe”.

Waxyaabaha ugu weyn ee wafdiga Soomaaliya uu la soo qaadi doono Dawladda Ingiriiska waxaa ka mid ah soo nooleynta xiriirka ka dhaxeeya labada dal ee Soomaaliya iyo Britain, bacdamaa Dawladda London ay ka mid ahayd wadamada Soomaaliya xiriirka wacan la lahaa illaa markii Soomaaliya ay Xoriyadda gaartay July 1960 xiriirkaas oo hakad galay wixii ka dambeeyay markii Dawladda Soomaaliya Burburtay January 1991.

Booqshada wafdiga Ra’isal Wasaraha Soomaaliya ee dalka Ingiriiska waxay ka dambeeysay markii madaxa Xukumadda Ingiriiska, Mr. Gordon Brown iyo Ra’isal Wasaare Cumar Cabdirashiid ay is dhaafsadeen qoraalo muddooyinkii dhowaa ee la soo dhaafay.

Wafdiga Soomaaliya waxay kaloo booqasho ku tagi doonaan magaalada Brussels, dalka Belgium waxayna Guddiga Yurub (European Commission) kala soo hadli doonaan xoojinta xiriirka Soomaaliya iyo Midowga Yurub ayadoo shirkaas Brussels diirada lagu saari doona sida Midowga Yurub uu taageero ugu fidin lahaa Miisaaniyadda Xukuumadda Soomaaliya.

Cabdulqaadir Maxamuud Walayo
Afhayeenka Xukuumadda KMG ee Soomaaliya, Muqdisho

Soo tebintii:
garaad cadde
Email: garaadcadde@hotmail.com