Burcad-Badeed diiday $200 kun oo doolar, kuna bedelatay in ayagii la Qafaalasho…

Mulkiilihii Mid ka mid ah Doonyihii Masaarida ee Toddoobadkii Hore ka baxsaday Gacanta Burcad-Badeed somalia oo Lagu Magacaabo Xasan Khalil ayaa ugu bishaareeyay qoysaskii ay ka dhaseen Burcadii ay Hore u sii qafaasheen Badmaaxiintii Masaarida.

Md, Khaliil oo ah Nin 70 jir ah ayaa 17 August, 2009, Maalintii Isniinta ka dhoofay Magaaladda Bosaso, isagoo puntland ku sugnaa Muddo Bil ah, si u soo daayo Badmaaxintaas oo uu ku jiray wiil uu dhalay.

Md, Khaliil, Intii uusan ka dhoofin Garoonka Diyaaradaha ayuu Wargayska Ilays u sheegay sida ugu uga xun yahay dhibtii iyo Rafaadkii ay mareen Badmaaxintii Masaaridu iyo Dhalinyaradii Somaliyeed ee Markabka Haysatay oo uu sheegay in ahaayeen kuwo cusub oo mar dhow markabka la saaray, oo aan hore falalka burcad-badeeda ugu lug lahayn, waxaana uu yiri’ Masaaridda iyo Somalidu waa dad walaalo ah, waxaan ku dadaali doonaa in aan guryadoodii ku soo celiyo dhalinyaradaas”

Odaygan Masriga iyo Nin kale oo u dhashay Wadanka yemen, oo mid ka mid ah doonyuhu u kiraysnaayeen, waxay Booqdeen Doonyihii Masaarida ee la haystay, 12 saac ka hor xiligii ay ka baxadeen, Markii ay Burcaddu diideen in ay qaataan 200,000 oo dollar oo laga soo uruiyay Masaajidada Masar, Guri uu lahaa Mulkiilaha Masaarida iyo lacago kale oo loogu deeqay intii ay Puntland ku sugnaayeen, waxayna Burcaddu dalbadeen 800 oo kun oo dollar

C/waaxid Maxamuud Xasan oo ahaan Jiray Agaasimihii Xiriirka Dadweynaha Madaxtooyadda Somalia xiligii C/laahi Yuusuf oo ahaa ninkii Keenay dalka Mulkiilaha Masriga ah, islmarkaana ku dadaalay sidii loo siidayn lahaa Badmaaxinta Masaarida iyo Doonyahooda ayaa ka waramay wixii ay kala kulmeen Burcadda iyo sida ay xaaladu markii dambe isku bedeshay, waxaana uu yiri” Anigu markii horre waxaan joogay dalka yemen, Maalin maalmaha ka mid ah ayay noo yimaadeen ragan, Madaxweynihii hore ayay xataa u tageen, waxay u sheegeen in ay dhibanayaal yihiin oo maraakiib laga haysto., madaxweynihii hore wuxuu u sheegay inuusan waxba ka qaban karin hadda,Markii ay ka tegi waayeen ayuu anniga ila hadlay, waxaana uu igu yiri,” Bal Dadkii dhex gee, Odoyaashii, Isimadiii, Dowladii, waxaan filayaa inaysan waxba ka wayi doonine”

“ Ninka Masariga iyo Nin kale ee yaminiga ahiba waxay wateen 50 kun oo Dollar, Burcad-badeeduna waxay doonayeen 800 kun oo dollar, Nimankana niman masaakiin ah oo aan waxba haysan ayay ahaayeen, waxayna ku adkayteen in aay tagaan puntland, waxayna yiraahdeen waa dad muslimiin ah waxba ka waayi maynee, ee na gee, sidii baanu ku nimid, waxaanu la kulanay, madaxdii dowladda oo aan kala kulanay Madaxweyne K/xigeenka Puntland C/samad Cali shire, oo u sheegay in doonayaan in Weeraraan Maraakiibtaas, Hase yeeshee waxaa diiday Mulkiilihii oo yiri, wadahadal ayaanu ku dhamaysanaynaa”

Sawirka: Doonta 6 saac ka hor intii aysan baxridu afduubin afduubayaashii

Md, C/waaxid mar uu ka hadlayay la kulankoodii Burcad- badeeda waxaa uu yiri “ Anniga, Xassan Khaliil iyo Maxamed Al-Nahdi, waxaanu Magaaladda Laasqoray kula kulanay Mid ka mid ah Burcadii doonyaha Haysatay,Waxaanu ka codsanay in ay siidaayaan Doonyaha, waxaanuna u bandhigay Lacagtii aanu haynay, waxaynu yiraahdeen, Doonyaha waanu sii dayn doonaa, marka aanu qaadano Lacagta Markabaka Talyaaniga oo isna ku xirnaa Laasqoray, Markii ay Qaateen Lacagtii Markabki talyaaniga oo ay qaybsanayaan, ayaanu u tegnay, waxaanu ka codsanay in ay sii daayaan Doonyaha, oo ahayd sidii aanu ku ballanay, hase yeeshee ballantii way ka baxeen, waxayna nagu yiraahdeen, lacagta aad wadataan aad bay u yartahay, ee iska taga oo 800 kun dollar noo keena, Markii ay halkaas maraysay , ayuu Hassan Khaliil oo lahaa Doonta la yiraahdo Mumtaz 1, waxaa uu ku yiri” Walaalayaal ramadaan 10 Maalmood ayaa ka dhiman,in Ilaahay idinku dambi dhaafo ayaa suurtagal ah ee noo sii daaya Doonyaha, Lacagtana qaata,” waxaa ku jawaabay Burcadkii anniga iyo Ilaahay xiriir nagama dhaxeeyo”

Mulkiilaha doonta afduubnayd

C/waaxid waxaa uu hadalkiisii ku soo gunnaaday,in markii ay ku soo dhawaadeen Kantoroolka Bosaso uu soo dhacay Telephone TORAYA ah” Markii aanu Telefoonkii aanu Qabanay, waxaa nala hadlay Mid ka mid ah Baxaaridii Labada Doonyood, waxayna noo sheegeen in ay ka awood roonaadeen Burcadii, Saddex ka mid ah ay Badda ku boodeen, 8 kalena ay gacanta ku hayaan”.

Isha: Ilaysnewspaper