Gudoomiyaha gudiga warfaafinta baralamaanka KMG ah ee somalia xildhibaan cawed axmed cashara oo ku sugan magaalada Nairobi ee xarunta dalka Kenya oo khadka telefoonka ugu waramayey weriye yaasiin faytin oo muqdisho ku jooga ayaa shaaca ka qaaday in baarlamaanka KMG ah ee somalia uu wax weyn qabtay islamarkaana ka hadlay arintii bada dadka soomaaliyeedna ay iska dhaliilaan maantana doonayo inuu u istaago inuu wax ka qabto qaranimada soomaaliyeed oo uu wax ka qabto shirkii kampaala oo ahaa mid luminaya qaranimada umada soomaaliyeed.

Dhegeyso Waraysiga:

Xildhibaan cawed axmed cashara ayaa intaasi ku daray in shirka kampaala uu baarlamaanku ku gacan saydho islamarkaana aan la lumin xoriyadii iyo qaranimadii dalka soomaaliya uu lahaa isagoo tilmaamay in labo nin loo shaqeeyo oo ay dowlado aan wadin danaha dalka Somali ay meesha yiraahdaan waan ku ilaashanaynaa isagoo labada nin ula jeeday madaxweyne shariif sheikh axmed iyo gudoomiyaha baarlamaanka shariif xasan sheikh aadan

Sidoo kale gudoomiyaha gudiga warfaafinta baarlamaanka KMG ah ee somalia cawed axmed cashara ayaa baarlamaanka KMG ah ee somalia ugu baaqay inay arinta ku saabsan shirkii kampaala ay meel uga soo wada jeestaan islamarkaana daboolka ka qaaday in umada soomaaliyeed maanta idinku eegayso halka aad ka istaagtaan arintaas oo ay fadeexad ku noqon doonto baarlamaanka soomaaliyeed

Xildhibaanka oo hadalkiisii sii wata ayaa sheegay in raysalwasaaraha iminka lasoo magacaabay ee Dr.c/weli maxamed cali gaas ay umada soomaaliyeed ku eegi doonto hadba sida uu u shaqeeyo isagoo carabaabay in dadka soomaaliyeed ee dibadaha jooga ay ku dibad baxaan qaramada midoobay islamarkaana daboolka ka qaaday in dadka Gunimada la raba soomaaliyana ay iska xorayn doonaan

Cawed axmed cashara oo aan weydiiyey arinta bada ku saabsan ee uu hore u saxiixay madaxweyne sheikh shariif sheikh axmed sida ay baarlamaanku ka yeeli doonaan ayaa ku jawaabay arinta badu inay tahay dembi laga galay qaranka soomaaliyeed islamarkaana uu hore uu baarlamaanku meel wanaagsan isaga taagay loona baahan yahay in laga dhiidhiyo lana hor istaago wax kasta oo dalka wax u dhimaya

Su,aal kale oo ahayd suurta gal ma tahay in baarlamaanka KMG ah ee soomaaliyeed ay arinta bada mooshin ka keenaan oo aysan u lumin xaduudii bada soomaaliya lahayd maadama ay Kenya doonayso inay qaadato qayb kamid ah badii soomaaliyeed ayaa ku jawaabay arintaasi waxay ahayd mid qaldan islamarkaana loo baahan yahay in heshiiskaasi uu noqdo mid aan suurto gelin dadkii ka qayb qaatayna ay baal madow kam geli doonaan taariikhda somalia

Ugu dambayntii ayaan xildhibaanka weydiiyey maxaad ugu baqaysaa umada soomaaliyeed oo hore u tyirsanaysay in dhul ka maqan yahay islamarkaana iminka badii lagu soo xadgudbay ayaa ku jawaabay inuu ugu baqayo umada soomaaliyeed inay gacmaha is qabsadaan islamarkaana ka tagaan qabiilka isagoo xusay inay isu taagaan sidii ay dalkooda u badbaadsan lahaayeen

yaasiin faytin
yaasiinfaytin AT gmail DOT com