Daabaco Boggan | Print

Warbixin Dheer oo ku Saabsan Waxa Waqtigaan Keeney in Mugdi soo kala Dhexgalo Dowladaha Soomaaliya iyo Kenya iyo Sida loo arko Hadalkii Shiikh Sharif

• Maxaa ka jira in Hadalka ka soo Yeerey Shiikh Shariif uu yahay Mid Salka ku haye Khilaaf kala Dhexeeya Dr Gaas
• Yuusuf Xaaji “Waxaan leeyahay  Shiikh Shariif laba mid: in uu la safto Argagixisada ama la Safto Kenya”
• Faarax Macalin “Waa Wax lala yaabo in nin  Ciidamo Shisheeye  ku ilaalinayaan Villa Soomaaliya uu yiraahdo waxaan ka soo Horjeeda Faragelinta Kenya”
• Mowliid Macaani “Kenya Abaalkeeda waan u Gudney laakiin haddii ay  nagu soo Gardaroota Shanta ayaan Saareynaa”
• Xildhibaan Nageeye “ Shiikh Shariif  hadalkiisa Waa la soo daahay ee mar hore ayaa laga rabey”
• “Dowladda Kenya waxaan leeyahay ka Feejignaada Siyaasiyiinta Soomaalida in ay  ay ka shaqeeyaan in Cadaawad dhexmarto Soomaalida iyo Kenya “

SomaliTalk.com | Oct 25, 2011

• Dhegeyso Faarax Macallin oo ka jawaabayey hadalkii Sheikh Shariif ku diidey ciidanka Kenya ee galay Soomaaliya
• Dhegeyso Xildhibaan Cumar Islow oo sheegay in uu ka soo horjeedo Kenya oo soo gashay Soomaaliya
• Dhegeyso Samaan Maxamed Sheikh Daahir - Agaasimaha Guud ee Wasaaradda Gaashaandhigga ee DFKMG oo ka jawaabayey Hadalkii uu Faarax Macallin ka sheegay VOA ee dhismaha Azaniya

Dowladdaha Soomaliya iyo Kenya ayaa hadalo kul-kulul isku weydaarsadey Qaybaha Warbaahinta ka dib markii Madaxweynaha DFKMG Shiikh Shariif uu ka dhawaaajiyey In Dowladda Federaalka iyo  iyo Shacabka Soomaaliyeed  marnaba aysan ogolaan doonin in Dowladda Kenya ay Ciidamadeeda  Faragelin ku sameeyaan Gudaha Dalka Soomaaliya

Wasiirka Gaashaandhiga ee Dowladda Kenya Yuusuf Xaaji oo Shir Jaraaid ku qabtey Magaalada Nairobi  ku  sheegey in Dowladda Kenya ay aad ula yaabtey  warkii ka soo yeerey Madaxweyne Shiikh Shariif ee ku aadanaa  Faragelinta  Ciidamada Kenya  ku sameeyaan Soomaaliya isagoo intaa raaciyey “Madaxweyne Shiikh Shariif waa in uu Cod dheer ku yiraahdo Waxaan Taageersanahay  Kooxaha Aragagixisada waayo Waxaan ugu tagney Muqdisho wuxuuna arinta u Xilsaarey Raiisul Wsaaraha waxaana Raiisul Wasaaraha wada saxiixaney heshiisku aadan in laba Dowladood ay si wadajir ah ula Dagaalamaan Kooxda Al Shabaab”

“Alshabaab dhowr jeer ayey falal ku aadan  nabadegeliyada ka sameysey Gudaha Wadanka Kenya, bal fiiri waxay ka sameysey  Mandheera , waxay weerartey Saldhigyo Ciidan oo ku yaal Gudaha wadanka Kenya , waxay Afduubatey dad Dalxiisayaal, marka miyaan Xaq u lahayn in aan is difaacno, marka Madaxweyne Shiikh Shariif waxaan ka dooneynyaa in uu anaga nala safto ama iyaga la safto”ayuu yiri Yuusuf Xaaji oo sheegey in Ciidamada Kenya aysan marnaba ka soo laaban doonin  Gudaha dalka Kenya ilaa ay xaqiijiso Amaankeeda .

Faarax Macalin oo ah Gudoomiye ku xigeenka Baarlamaanka Wadanka Kenya oo isna Shir Jaraaid ku qabtey Dalka Kenya ayaa Hadalka ka soo yeerey Madaxweyne Shiikh Shariif ay si aad ah ula yaabeen isla markaana ku tilmaamey hadalkaas mid aysan u dhameyn dhamaan Xubnaha ugu sareeya Dowladda Fedeaalka waayo Raiisul Wasaaraha ayuu Madaxweynaha u xil saarey arrinta Faragelinta isaga yey Dowladda Kenya  heshiis la gaartey.

Xildhibaan Mowliid Macaani oo ka mid ah  Xildhibaanada Baarlamaanka DFKMG ayaa soo dhaweeyey hadalka Madaxweyne Shiikh Shariif ee  ku aadan Faragelinta Dowladda Kenya ku sameysey Gudaha Wadanka Soomaaliya , isagoo sheegey in hadalka Madaxweynaha  uu yahay mid kama dambeys ah sidaa darteed loo baahan yahay in Dowladda Kenya ay Tixgeliso.

“Shacabka Soomaaliyeed wey taqaanaa Cida abaal u gashey iyo Cida ku soo Gardaroota marka waxaan Kenya u sheegayaa in Cidii Soomaaliya ku soo gardaroota ay Shanta Saari Doonto hase yeeshee Kenya waxa noo gashey Abaal weyn , sidaa darteed abaalkaas waan u gudney Shacabka Kenya waayo wixii soomaali Caalamka ugu talagaleen ayaa  lagu isticmaalaa dalka Kenya , waxaa ka furan Nairobi Xafiisyo waa weyn oo ay Dowladda  Kenya ka soo gala dhaqaale fara badan , waxaa naga dhexeeya Ganacsi fara badan oo Dowladda Kenya faaiido badan ay ka helaan marka waxan leeyahay Dowladda Kenya abaalkaas aan idiin gudney meel Cidla ah  ha ka dhigina."

Unwilling ally? - Waa cinwaanka NTV Kenya...

Telefishanka Kenya ee CitizenTV ayaa sheegay in magaaladii u horeysey ee Kenya qabsaatay oo ah Dhoobley in laga dhigan mudaharadaad lagaga soo horjeedo hadalkii Sheikh Shariif, laguna gubey sawirkiisa (Daawo Video hoose)

Kenya At War Status Update - waa cinwaanka CitizenTV

Xildhibaan Maxamed Jaamac Nageeye oo isna ka mid ah Xildhibaanada Baarlamaanka  KMG ayaa sheegey in hadalka ka soo yeerey Madaxweyne Shiikh Shariif uu yahay mid lala soo daahay oo loo baahnaa in uu mar hore  ka dhawaajiyo waayo Dowladda Kenya waxay si gardarro ah ku soo gashey Dhulka Soomaaliya sidaa darteed waa in ay shacabka soomaaliyeed ka hortagaan Faregelintaas.

“Dowladda Kenya waxay danno gaar ah ka leedhay Badda Somaaliyeed waayo markii uu Baarlamaanka uu fashiliyey Heshiisyaddi Badda ee Soomaaliya iyo Kenya ayey Dowladda  Kenya  waxay kulan la qaadatey Siyaasiyiin ka soo jeeda qaar a mid Gobolada Jubbooyinka , waxaana  markii Dambe la Go’aamiyey in la uruuriyo Ciidamo beeleed muddo lagu soo tababarayey Wadanka Kenya  , markii Ciidamadaas laga adkaadey ayey Dowladda Kenya ay Bilowdey in soo gasho Gudaha Soomaaliya si ay beel Gacanta ugu geliso Gobolada Jubbooyina, bal  fiiri maanta waxaa lagu dagaalamayaa waa Magacyada Raaskambooni , Azaaniaya iyo Ciidamada Dowladda, waxay ahayd inmagaca Dowladda lagu Dagalamo hase yeeshee  markii la ogaadey in ay Xasaasiyad keeneyso Magacayadaas ayaa waxa la joojiyey Magacii Azaaniya hase yeeshee magacaas Azaaniya waxaa lala soo bixi doonaa markii Ciiidamada Kenya ay qabtaan Goboladaas ka dibna halkaas ka sameyso maamul ay Danaheeda u fuliya gaar ahaan Badda Soomaaliya marka waxaan leeyahay Dowladda Kenya in ay dhexdhexaad  ka noqoto arrimaha Soomaaliya .... sidoo kale Siyaasiyiinta  Soomaalida Kenya waxaan leeyahay  Dowladda Kenya ha u horseedina Cadaawad dhex marta Soomaaliya  iyo Kenya waayo Hore ayaa Cadaawad u dhexdhigteen Soomaali Galbeed ”ayuu yiri Xildhibaan Diidey in Magaciisa la sheego.

Warar aan ka helney Madaxtooyada Villa Soomaaliya ayaa sheegeya in Hadalka ka soo yeerey Madaweyne Shiikh Shariif  uu salka ku haya Khilaaf Waayadaan ka dhex jirey isaga iyo Raiisul Wasaraha kaasoo ku aadanaa markii la soo sheegay in Raiisul Wasaare Dr Cabdiweli Maxamed  Cali Gaas uu ka baxay Khudbadii Madaxweynaha Iiraan Axmed Najaad  Shirkii Qaramada Midoobey taasoo uu si aad ah uga Caroodey Madaxweyne Shiikh Shariif  waxaana  Siyaasiyiin ku dhow dhow Madaxtooyada ay noo sheegeen in ka bixitaankii Khudbadii Hogaamiyaha Iraan ay Dowlada Federaalka ku weysey 25 Milyan oo Doolar  waxayna arrinka ay sheegeen in ay u eg tahay  hadalka Madaxweynaha ee uu kaga soo horjeestey Faragelinta Kenya ay tahay mid  uu kaga aarsanyo Fashilaadii Xiriirkii Dowlada Soomaaliya iyo Iiraan.

W/D Amiin Yuusuf Khasaaro
E-Mail  amiinkhasaaro@hotmail.co.uk
E-Mail  amiinkhasaaro@yahoo.co.uk  

Kenya oo Sheegtay in ay DFKMG ka haysatey Qoraal iyo Heshiis u Ogolaanaya in Ciidamada Kenya galaan Gudaha Soomaaliya...

• "Heshiiskaas waa la gaarey, madaxweynaha ayaa amar siiyey ra'iisul wasaaraha Soomaaliya iyo ra''sul baarlamaanka in Ra'iisul Wasaaruhu uu qoraalkaas u sameeyo, qoraalkaasna ay Kenya hadda gacanta ku hayso." Faarax Macallin
  
  SomaliTalk.com | Oct 25, 2011

  ---

Guddoomiye ku xigeenka Baarlamaanka Kenya ayaa sheegay in Kenya haysato warqad ay DFKMG ku ogolaatay in Ciidamada Kenya galaan Soomaaliya

Guddoomiye xigeenka Baarlamaanka Kenya Faarax Macalin Dawaare oo la weydiiyey in uu heshiis dhex maray Dawladda FKMG iyo Kenya kaas oo ciidamada Kenya u ogolaanayey in galaan Soomaaliya ayaa ku jawaabey "Heshiiskaas waa la gaarey, madaxweynaha ayaa amar siiyey ra'iisul wasaaraha Soomaaliya iyo ra''sul baarlamaanka in Ra'iisul Wasaaruhu uu qoraalkaas u sameeyo, qoraalkaasna ay Kenya hadda gacanta ku hayso."

Waxa uu intaas raaciyey in ay "Kenya ku gashay Soomaaliya ayadoo la iska war hayo, ayada oo la isla ogyahay, ayada oo lagu faraxsan yahay. Galabtana war kaas ka duwan ayaa laga soo sheegay madaxweynaha. Wixii la hayona waa la hayaa.." Waxana uu sii raaciyey "Dawladda KMG waanu ku wareernay, ma sidaan uun ayey iska doonayaan in ay ahaato oo AMISOM ku ilaaliso madaxtooyada, doorasho iyo waxba aan la gaarin oo ummadda Soomaaliyeed sidaas  u baaba'sanaato."

Faarax Macallin saxaafadda weli uma soo bandhigin heshiiskaas dhexmaray DFKMG iyo Kenya ee ogolaanaya in ciidamada Kenya galaan Soomaaliya.

• Halkan ka dhegeyso Hadalka Faarax Macallin.

DFKMG oo ka aamusnayd weerarka Kenya ku qaaday gudaha Soomaaliya ayaa Isniintii Madaxweynaha DFKMG waxa uu ka soo horjeestey faragelinta Kenya asagoo yiri "Ciidamo in ay dalka iska soo galaan Dawladuna ma ogola, Shacabka Soomaaliyeedna ma ogola"

• Halkan ka Dhegeyso hadalkii Sheikh Shariif

Ra'iisul Wasaaraha DFKMG oo la weydiiyey (Oct 22) in uu ka war qabo Kenya oo soo gashay Soomaaliya waxa uu ku jawaabey "Anigu ogaantayda ma ogi ilaa hadda ciidamo gudaha Soomaaliya ku jira. Xadka haa weyjoogaan, laakiin ciidamo gudaha soo galay oo hadda saacaddaan ciidamo gudaha ku jira anigu lama socdo mana ogi," ayuu yiri ra'iisul wasaaraha DFKMG.. ( DHEGEYSO).

Ciidamada Kenya ayaa Galay gudaha Soomaaliya October 16, 2011, kuwaas duqeyn u geystey magaalooyin ka mid ah Soomaaliya, warbaahinta Kenyana ay sheegtay in ay qabsadeen magaalooyin Soomaaliya ah.

In badan oo Soomaali ah ayaa rumaysan in Kenya jebisey heshiiska Caruusha ee 1967 dhexmaaray Soomaaliya iyo Kenya.

Militariga Keny aoo alaab ka daabulaya Gaarisa, Oct 18, 2011 (Sawirka http://blogs.cfr.org)

Oct 24, 2011: Diyaarado Duqeeyey Kismaayo iyo Buur Gaabo iyo Maraakiib Dagaalka Faransiiska oo duqaysay magaalada Muday....

Oct 23, 2011: Sida loo arkey Soo Gelitaankii Ciidamada Meleteriga Kenya Qaybo ka mid ah Dhulka Soomaaliya

Oct 22, 2011: Ra'iisul Wasaaraha DFKMG oo Sheegay in uusan ka warqabin Ciidan Kenya oo soo galay gudaha Soomaaliya

October 21, 2011: Ra'iisul Wasaaraha Kenya oo Sheegay in Ciidamada Kenya Qabsadeen Raas Kambooni

Oct 20, 2011: Kenya oo Adeegsaneysa Erayadii Zenawi Adeegsadey markii Ciidamadiisu Weerareen Soomaaliya - Weerarka oo xilligaas ku wajahnaa kooxdii Sheikh Shariif Axmed....

Oct 19, 2011: Xisbiyada Mucaaradka Wadanka Kenya oo Dowladda Kenya uga Digey Faragelinta Milatari ay ku sameeyeen Soomaaliya

Oct 19, 2011: Dawladda Kenya Shacabkeeda u Xaqiijisay in Ciidankeedu 120 km Gudaha u Dhaafeen NFD, Kuna Muujisay Video...

Oct 18, 2011: Wasiirada Arimaha Dibadda iyo Gaashaandhiga ee Kenya oo Muqdisho kulamo kula qaatey Masuuliyiinta ugu sareysa Dowladda FKMG

Oct 18, 2011: Ciidamada Kenya oo Maalintii Saddexaad ku jira Gudaha Soomaaliya iyo DFKMG oo Beenisey arrintaas

Faafin: SomaliTalk.com | October 25, 2011

"NO to any threat infringing on the sovereignty of Somalia, especially concerning the 200nm territorial waters, given since 1972, and the 200nm EEZ (Exclusive Economic Zone / UNCLOS) already in place since 1989 as well as the 350nm continental shelf zone." ECOTERRA Intl Oct 26, 2011.
 

Kulaabo bogga www.SomaliTalk.com © www.SomaliTalk.com

La soo xiriir: