Maxaa ka jira In Diyaarad Sida Hub oo ay leedhay Ereteriya ay ka Degtey
Magaalada Baydhaba.... iyo
Ereteriya oo warkaas ku Tilmaantey kuwa la Doonayo in lagu Qariyo Fashilka ku
yimid Ciidmada Shisheeye ee ku Duuley Soomaaliya
SomaliTalk.com | Nov 4, 2011
"Militariga Kenya ayaa Twitter-ka ku sheegay in halista ugu dambeysey ee
dagaalka Soomaaliya ay tahay Dameeraha."
Militariga
Kenya ee ku jira gudaha Soomaaliya ayaa muujiyey in roobab xooggan oo ka da'ay
Soomaaliya awgeed aan loo baahnayn in biyaha lagu soo dhaansado dameeraha,
sidaas daraadeedna in Kenya haddii ay aragto koox dameero ah oo meel ku wada
sugan ay u tixgelineyso kuwo halis ku ah hawlgalkooda.
Maj Chirchir oo arrinta dameeraha ka hadlaya ayaa Twitter-ka ku qoray sidan:
"Roobab xooggan oo ka da'ay
Soomaaliya ayaa waxay jidadka ka dhigeen kuwo aan la mari karin. Warka na soo
gaaranayana waxa uu sheegayaa in Al Shabaab ay dameeraha ku raranayaan hubka.
Dadka degaanku dameeraha biyaha ayey ku soo dhaansadaan, laakiin maadaama roob
xoogani da'ay in biyo la doonto ma muuqato. Sidaas daraadeed koox dameero ah oo
hal meel ku wada sugan waxaa loo tixgelinayaa dhaqdhaqaa Al Shabaab. Waxaa
intaas dheer in ilo wargal ah noo sheegeen in qiimaha halkii dameer uu gaareen
$150 ilaa $200 doolar. Keenyaatiga ku sugan "xadka" Soomaaliya iyo Kenya ee ka
ganacsanaya dameeraha waxaa lagula talinayaa in aysan ka iibin Al Shabaab. In
Dameeraha laga iibiyo Alshabaab waxay wiiqeysaa hawlgalka aan ka wadno gudaha
Soomaaliya," ayuu
yiri Maj Chirchir.
MSNBC oo arrintaas dameeraha ka faallooneysay ayaa qortay warbixin ay cinwaan uga
dhigtay "Militariga Kenya ayaa Twitter-ka ku sheegay in halista ugu dambeysey ee
dagaalka Soomaaliya ay tahay Dameeraha."
Ciidamada Kenya ayaa maalintii 20aad ku jira gudaha Soomaaliya, kana gudbey
xadka NFD.
Dhanka kale madaxweynaha DFKMG Sheikh Shariif ayaa soo noqoshadiisii Muqdisho (Nov
3) waxa laga war helay in
uu Muqdisho ku soo laabtay markii warbaahinta ku hadasha afka xukuumadda KMG
laga maqlay in uu waraaqaha aqoonsiga ka guddoomey safiirka Turkiga u fadhiyi
doona Muqdisho. Sheikh Shariif ayaa ka soo laabtay safar uu ku tegey Kampala.
Madaxweynaha DFKMG ayaan laga hayn war sugan oo ku saabsan hab-fikirkiisa ku
aadan soo gelitaankii ciidanka Kenya ku galeen gudaha Soomaaliya, asagoo hal mar
laga maqlay in uu ka soo horjeedo, laakiin Kenya aysan hadalkiisa iyo
dareenkiisa dheg u jalaqsiin, balse ay bilowday in ay duqayso magaalooyin
Soomaaliyeed, haddana ku dartay handadaad in ay duqaynayso xayawaanka Soomaalidu
u adeegsato daabadda.
Maxaa ka jira In Diyaarad Sida Hub oo ay leedhay Ereteriya ay ka Degtey
Magaalada Baydhaba
Ereteriya oo warkaas ku Tilmaantey kuwa la Doonayo in lagu Qariyo Fashilka ku
yimid Ciidmada Shisheeye ee ku Duuley Soomaaliya
Waxaa maalmahaan Saxaafadda ay si aad u u hadal haysey in Diyaarad laga leeyahay
Dalka Ereteriya oo sidey Hub Nooco kala Duwan ah ay ka degtey Magaalada Baydhabo
oo ay gacanta ku hayaan Xarakadda Alshabaab, waxaana Hubkaan ka Had ley
Xildhibaano ka tirsan Dowladda Federaalka oo sheegey in Dowladda Ereteriya ay
Hubkaas ugu Talagashey in lagula Dagaalamo Ciidamada Kenya ee soo galey dalka
Soomaaliya sidoo kale Dowladda Kenya ayaa iyadu sheegtey in ay Burburin doonaa
Hubkaas
Dhanka kale dad ku sugan Magaaladda
Baydhabo ayaa sheegay in aysan jirin Diyaarad ay leedhay Ereteriya oo
sidey Hub ay ka soo degtey Magaalada Baydhabo kuwaas oo ku tilmaamey warar been
abuur ah oo la doonayo in lagu baneysto in Ciidmada Kenya ay hore u soo galaan
Dhulka Soomaaliya.
“Maxaa ka dhaxeeya Xarakada Alshabaab iyo Dowladda Ereteriya waa laba dhinac oo
si aad ah isaga soo horjeeda marka waa war la been abuurey oo la rabo in dadka
degen Magaalada Baydhabo la duqeeya hadafka Dowladda Kenya uu noqda mid ay ku
xalaaleysato dhulka Somaaliya “ayey yiraadeen Xubnahaas ku sugan Baydhabo.
Dowladda Ereteriya ayaa si kulul u beenisey in Diyaarad ay leedahay oo sidey Hub
ay ka degtey Magaaladda Bayhabo waxayna wararkaas ku tilmaantey kuwa aan sal iyo
raad lahayn oo la doonayo in lagu qariyo fashilka ku yimid Ciidmada shisheeye
sida gardarada ah ugu duuley Dhulka Soomaaliya waxay sii raacisey”Marnaba lagama
yaabo in aan hub geyno soomaaliya wararkaasina ma aha kuwa nagu cusub ee
Sannooyinkii soomaaliya ay Dowladeedii burburtey ayaa la orornayey Ereteriya
ayaa hub geysey Soomaaliya wararka maanta soo baxayna waa kuwo kuwaas la mid ah”.
Waxaana Eritria soo saartay warsaxaafadeed (Halkan
ka eeg).
Dhinaca Xildhiban Maxamud Cabdi Weheliye Waaqaa oo ka tirsan Xildhibaanada
Barlamanka federaalka Soomaaliya ayaa ka hadlay Taageero uu sheegey in
Xukuumadda Eritireeya ay la bar bar taagan tahay Xarakada Shabaab Taageero hiil
iyo hooba leh. Xildhibaan Waaqaa ayaa sheegey in ay si aad ah ula socdaan in
dhawaan Laba Diyaaradood oo sida Shixnad Hub ah in ay ka degeen Garoonka
diyaaradaha Magaalada Baydhabo diyaaradahaas oo uu sheegey in ay ka yimaadeen
dhinaca Dalka Eritireeya waa siduu hadalka u dhigaye. Xildhibaanka oo la
weeydiiyay sida ay arrintaa ku xaqiiqsadeen ayaa sheegey in dadka degaanka ay
arrintaa u sheegeen hubkaas oo gar neeylo u badana lagu wareejiyay Xarakada
shabaab.
Xildhibaan Waaqaa ayaa intaa raaciyay in Hubkan cusub oo xukuumadda Eritireeya
ay soo gelisey gudaha Soomaaliya ay ugu tala gashay in ay kula dagaalamaan
Xarakada Shabaab Ciidamada Kiinyaanka ee dalka soo galay,Xildhibaan Waaqaa ayaa
Xukuumadda Eritireeya ku Eedeeyay in weligeedba ay taageeri jirtay Xarakada
shabaab isla markaana ay u fidin jirta taageero dhinaca Tababarka ah iyo waliba
Taageero dhinaca Hubka ah.,Maxamuud Cabdi Weheliye ayaa uga digay Xukuumadda
Eritireeya in ay joojiso Hubka ay ku fidineyso Gobolka isagoona hoosta ka
xarriiqay in hubkii ay soo gelisey Eritireeya Dalka Soomaaliya in uu u sii
gudbay wadamada kale ee Deriska waa siduu hadalka u dhigaye. Hasae yeeshee
Xarakadda Alshabaab wax war ah kama soo bixin oo ku saabsan Hubka la sheegey in
Ereteriya ka dejisey Magaalada Baydhabo.
Magaalooyinka ay Kenya sheegtay inay Diyaaradaha ku duqayn
doonto
Afhayeenka Ciidanka Militariga Kenya ayaa Talaadadii Nov 1, 2011
sheegay in weerar aan kala go'lahayn ay ku qaadi doonaan magaalooyinka:
Baydhabo, Baardhere, Diinsor, Afgooye, Bu'aale, Baraawe, Jilib, Kismaayo iyo
Afmadow.
Maj Chirchir isagoo adeegsanaya Twitter-ka waxa uu hadalka u dhigay
sidan: BAIDOA, BAADHEERE, BAYDHABO, DINSUR, AFGOOYE, BWALE, BARAWE, JILIB,
KISMAYO and AFMADHOW will be under attack continously - waxaa sidaas
qoraalka u qoray Maj Chirchir, laba jeer ayuu qoray Baydhabo, waxa uu sheegay in
weerarka uu ku qaadayo magaalooyinkaas uu xusay ay uu ahaanayo mid aan kala go'
lahayn (will be under attack continously)..
Faafin: SomaliTalk.com | Nov 4, 2011
Qoraalladii Wareeggii hore ee Difaaca Badda Soomaaliya
Daabaco
Boggan | Print
Militariga
Kenya ee ku jira gudaha Soomaaliya ayaa muujiyey in roobab xooggan oo ka da'ay
Soomaaliya awgeed aan loo baahnayn in biyaha lagu soo dhaansado dameeraha,
sidaas daraadeedna in Kenya haddii ay aragto koox dameero ah oo meel ku wada
sugan ay u tixgelineyso kuwo halis ku ah hawlgalkooda.
Dhanka kale dad ku sugan Magaaladda
Baydhabo ayaa sheegay in aysan jirin Diyaarad ay leedhay Ereteriya oo
sidey Hub ay ka soo degtey Magaalada Baydhabo kuwaas oo ku tilmaamey warar been
abuur ah oo la doonayo in lagu baneysto in Ciidmada Kenya ay hore u soo galaan
Dhulka Soomaaliya.
Dowladda Ereteriya ayaa si kulul u beenisey in Diyaarad ay leedahay oo sidey Hub
ay ka degtey Magaaladda Bayhabo waxayna wararkaas ku tilmaantey kuwa aan sal iyo
raad lahayn oo la doonayo in lagu qariyo fashilka ku yimid Ciidmada shisheeye
sida gardarada ah ugu duuley Dhulka Soomaaliya waxay sii raacisey”Marnaba lagama
yaabo in aan hub geyno soomaaliya wararkaasina ma aha kuwa nagu cusub ee
Sannooyinkii soomaaliya ay Dowladeedii burburtey ayaa la orornayey Ereteriya
ayaa hub geysey Soomaaliya wararka maanta soo baxayna waa kuwo kuwaas la mid ah”.
Waxaana Eritria soo saartay warsaxaafadeed (
