Nov 16, 2011: Madaxweynaha DFKMG Sheikh Shariif ayaa gaarey magaalada Nairobi
ee dalka Kenya, arrintaas oo ku xiriirsan hadalkii uu agaasimaha wasaarada
Arrimaha dibadda Kenya sheegay in uu Sheikh Shariif degdeg u iman doono
Nairobi,cadayna doono mowqifkiisa uu ku taageersan yahay hawlgalka Kenya. Sheikh
Sharif ayaa hore u sheegay in uu ka soo horjeedo hawlgalka Kenya ay ku gashay
gudaha Soomaaliya. Warbixintaas hore hoos ka akhri.
Kenya oo Sheikh Shariif degdeg ugu yeertay Nairobi si uu u caddeeyo in
uu Taageersan yahay Hawlgalkooda Militari ee ay ku galeen Soomaaliya
"Sheikh Shariif si degdeg ah ayuu u imanayaa Nairobi, markaas ayuu
cadaynayaa in uu taageersan yahay hawlgalka Kenya ka wado gudaha Soomaaliya."
sidaas waxaa yiri Agaasime ka tirsan wasaaradda Arrimaha Dibadda Kenya oo
Sabtidii (Nov 12) la hadlay Saxaafadda
SomaliTalk.com | Nairobi, Nov 13, 2011
Kenya
oo degdeg ugu yeertay Sheikh Shariif
Wararka
ka imanaya magaalada Nairobi ayaa tibaaxaya in madaxweynaha DFKMG uu dhowaan
tegi doono magaalada Nairobi, arrintaas oo ay Kenya ka dalbatay si Sheikh
Shariif uu aqbalo faragelinta ay Kenya militarigeedu ku galeen dhulka
Soomaaliyeed.
Lindsay Kiptiness oo Agaasime ka ah Wasaaradda Arrimaha Dibadda Kenya ayaa
Sabtidii Nov 12 yiri sidan: "Hadalkii Madaxweyne Shariif ee ahaa in ciidanka
Kenya aan lagu soo dhaweyneyn Soomaaliya waxa uu ahaa hadal nasiib darro ah,
waayo hadalkaasi waxa uu yiri laba maalmood kaddib markii aan wada gaarney
heshiis laba dhinac ah si aan uga wada shaqayno xagga siyaasadda iyo xagga
ammaanka, laakiin sidaad xusuusataan waxaa Nairobi loo soo diray ra'iisul
wasaaraha kaddib markii aan TFG weydiisaney caddayn, waadna ogeydeen in labada
ra'iisul wasaare ay saxaafadda la hadleen, laakiin hadalka (Shariif) waxa uu
ahaa nasiib darro. DFKMG waa taageersan tahay hawlgalka Kenya si ay ula
dagaalanto Al Shabaab. Madaxweyne Shariif waxa uu imanaya Nairobi si dhaqso ah,
marka uu yimaado waxa uu caddayn doonaa in uu taageersan yahay hawlgalka
(Kenya) ka waddo gudaha Soomaaliya." Hoos ka dhegeyso Video.
Dhanka kale waxaa Kenya ay taageero ka raadineysaa wadamada Carabta si ay u
fuliso hawlgalka ay ka waddo Soomaaliya, waxaana agaasimaha ka tirsan wasaaradda
Arimaha dibadda Kenya uu magacaabay wadamada Muslimka ee uu taageerada ka
raadinayo in ay ka mid yihiin Turkiga iyo Iiraan.
Sheikh Shariif hadalkii ugu dambeeyey oo uu kaga soo horjeestey
ciidamada Kenya (Oct 25, 2011) waxaa ka dambeeyey in ra'iisul wasaaraha DFKMG uu
degdeg u tegey Kenya, islamarkaasna heshiis la soo saxiixday ra'iisul Wasaaraha
Kenya. (Halkan
ka Dhegeyso hadalkii Sheikh Shariif).
Hadalkii Agaasimaha Qaybta Bariga afrika u qaabilsan Wasaaradda Arrimaha
Dibadda Kenya hoos ka daawo
Amb Diinaari oo caddeeyay in Ujeedada Ciidamada kenya soo galeen ay tahay
iney qabsadaan Dekadda Magaaladda Kismaayo
SomaliTalk.com | Oct 13, 2011
Siyaasiga Abdiraxman Nuur Maxamed ‘Diinaari’ ayaa caddeeyay in soo gelitaanka
Ciidamada Kenya ee dalka Soomaaliya ujeedadiisu ay tahay in kenya ay qabsato
Dekadda Magaalada Kismaayo,taasoo uu sheegay Diinaari iney dooneyso iney u
isticmaasho dano dhaqaale oo iyadi gaar u ah.
Abdiraxman Diinaari oo ahaa Safiirkii hore ee Soomaaliya u fadhiyay Dalka
Suuriya ayaa intaa raaciyay in Qorshahan soo gelitaanka Soomaaliya uu soo
bilowday sanadkii 2010kii ayna gacan ka geysteen Dalal reer galbeed ah oo ay ka
mid yihiin Mareykan iyo faransiiska oo iyagu talo weyn ku lahaa arrintani.
Ambassador-ka wuxuu intaa raaciyay in Afhayeenka Dowladda kenya Alfred Mutua uu
caddeeyay in Ujeedada ay keenya u galeen ay tahay iney qabsadaan dedkadda
kismayo balse aanay aheyn iney caawiyaan Dowladda KMG sidii ay dowladda
mareykanka iyo Itoobiya ay u taageerayeen DKMG ee barigaa jirtay.
Siyaasiga Abdiraxmaan diinaari wuxuu kaloo intaa ku daray in wali ay socoto
daraasad la xiriirta qorsha qabsashada Dalka soomaaliya,taasoo buu yiri ay qeyb
ka yihiin dalal fara badan oo ay ugu horreyso Faransiska. Qorshaha dib loogu
dhisaayo Dakada,Wadda tareenka iyo Laamiga isku xiraaya dalalka Keenya,Itoobiya
iyo koonfurta Soomaaliya waa mid lagu doonayo in Magaalada Laamu ay xudun u
noqoto ka dhoofinta Shidaal laga soo saaro Xeebaha Soomaaliya oo ay Kenya
daneyneysay tan iyo 2009kii ayuu yiri danjire Diinaari.
Ambassador Diinaari mar uu ka hadlaayay sida ay dowladda kenya u daneyneyso
dhisida maamul maqaar saar u ah oo laga dhiso Jubba land marka keenya ay qabto
Kismaayo waxa uu sheegay Safiirka in qorshaha uu yahay in marka la qabto
kismaayo in dowladda looga magacdaray Azaanya oo uu madax ka yahay Prof gaandhi
laga dhawaaqo Kismaayo kjadibna ay keenya iyo faransiiska uu u fuliyo wixii ay
doonaan, gaar ahaan qodista shidaalka ku jira xeebta Soomaaliya ee degaanka gaar
ahaan agagaarka Laamu.
Siyaasiga Diinaari wuxuu waxa laga xukumaada ku tilmaamay sida madaxweyne
Shariif uu ugu guuldareystay inuu wax ka qabto arrintan abuuritanka Azaaniya oo
socotay muddo laba sano ah,waliba haatan ay ku qasabtay Dowladda Turkiya inuu ka
hadlo oo uu diido,maadaama aanay kala tashan lagana wargelin soo gelitaanka
Dalka Kenya ee Soomaaliya.
Diinaari wuxuu sidoo kale arrin naxdin leh ku tilmaamay in safiirkii Soomaaliya
ee Kenya oo ay shaqadiisu inuu ogaaado howshaasi qatarta ku ah dalka uu wakiilka
u yahay
Soomaaliya uu haatan difaacaya in Kenya ay xaq u leedahay iney soo gasho
Soomaaliya sidii uu yahay safiir wakii ka ah Dowladda Kenya.
Ugu dambeyntii Ambassador Abdiraxman diinaari wuxuu Shacabka Soomaaliyeed Gudaha
iyo Dibadda ugu baaqay inay ka soo horjeestaan talabadaasi gardarada ah ee ay
Keenya ku dooneyso inay ku qabsato dalka Soomaaliya, wuxuuna ka codsaday iney
dibadbaxyo lagu diidan yahay arrintaasi laga qabto dalka Gudihiisa iyo dibadiisa
sidoo kalana wuxuu ugu yeeray Madaxweynaha , Xukuumadda, iyo baarlamaanka iney
Dadaal diblomaasiyeed qaadaan islamarkaana wufuud loo kala diro dunida si ay
taageero ugu raadiyaan in beesha caalamka ay Dowladda iyo shacabka
Soomaaliyeedba ay xaq u leeyihiin iney difaacaan dalkooda iyo dadkooda.
Amb Diinaari oo hadalkiisi sii wata waxaa uu yiri Ciidamada Kenya markey qabtaan
Kismaayo waxaa lagu talagalay in Dowladda Gobaleedka Jubba Land looga
dhawaaqo,iyadoo qorshuhu uu yyahay
in loo magacboo Madaxweyne Prof Maxamed cabdi Gaandhi oo hore Wasiirkii
Gaashaandhiga ee dowladii Sharmarke,tasoo fulin doonta danaha ay Kenya iyo
faransiiska ka leeyihiin Gobalada Jubbooyinka.
Hadda waxaa socdo daraasad ay maalgalineyso Dowladda shiinaha oo la doonayo in
lagu maalgaliyo soo saaritaan Shidaal lagu soo saaro Xadka Soomaaliya kadib
Dekada lagu dhoofiyo Shidaalka iyo wax soo saarka kale dekadda Laamu ku taal,
ayuu yiri Ambassador Diinaari,wuxuu intaa ku daray in uu socdo dhismo Laamu
looga dhisaayo Wadda tareen iyo Laami isku xira Dalalka kenya iyo Itoobiya iyo
kenya iyo Suudaan si laamu ay u noqoto xarunta ganacsi oo laga dhoofiyo shidaalka
kasoo baaxa Soiomaaliya iyo Suudaan
Safiirka wuxuu kaloo sheegay in mashruucan qodista Shidaalka ay si wey u
daneynayaa dalal dhowr ah oo faransiisku ka mid yahay oo isagu doonaypo inuu
Isticmaalo Prof Gandhi oo sanooyinkii ugu danbeeyay ay qarashkiisu bixineysay
Shirkad faransiis ah.
Ambassador wuxuu wax laga xumaado ku tilmaamay in Madaxweynaha dowladda KMG ah
Shaeekh Shariif uu ku guul´dareystay inuu wax ka qabto abuuritaanka Azaanya oo
socday muddo laba sana ah,iyadoo uu caddeeyay dhawaaqan diidmada ah ee ka soo
yeeray madaxweynaha in uu ka dambeeyay kadib markii Dowladda turkiga ay
weydiisay in lagala tashaday soo gelitaanka Ciidamada kenya oo sheegay in aan
lagala tashan,taasi oo ay Dowladda turkiga ku canaanatay inuu ka aamuso, iyadoo
ku dhiirigelisay inuu si cad u diido arrintasi.
Siyaasiga Abdiraxman Diinaari wuxuu kaloo si weyn u canaantay safiirka
Soomaaliya oo uu sheegay in uu gabay xilkiisi oo ahaa inuu horay usii ogaado
qorshahan kenya ay ku soo galeyso Soomaaliya oo socday tan iyo 2010kii ay
nasiibsadro tahay inuu Safiirka Soomaaliya u fadhiyo uu yiraahdo Kenya xaq bey u
leedahahay iney soo gasho Dalka Soomaaliya,tasoo ah mid ceeb ku ah in Safiirku
garan waayo cida uu safiir u yahay mar haduu difaacayo Siyaasad keenya ay wadato
Ugu Dambeyntii Ambassador Abdiraxman Nuur Maxamed Diinaari wuxuu ugu Baaqay
dadkja Soomaaliya Gudaha iyo Dibaddaba iney diidaan falkaasi gardarada ah ee ay
Kenya kyu dooneyso iney ku qabsato Dalka Soomaaliya wuxuuna ugu yeeray Dadka ay
ku jirto dareenka Wadaniyadeed iney u istaagan difaaca dalkooda,islamarkaana ay
gudaha iyo dibadaba ka abaabulaan Dibadbaxyo looga siooi horjeedo isagoo
Dowladda kmg gaar ahaan madaxweynaha,Xukuumadda,iyo Golaha baarlamaanka iney
Dadaal Diplomaasiyadeed ay ku dhaqaaqaan iyakoo adeegsanaya Dadka Soomaaliyeed
ee ehelka u ah Siyaasadda,Daacadana u ah Dalka iyo dadka.
Daabaco
Boggan | Print
Kenya
oo degdeg ugu yeertay Sheikh Shariif
sidoo kalana wuxuu ugu yeeray Madaxweynaha , Xukuumadda, iyo baarlamaanka iney
Dadaal diblomaasiyeed qaadaan islamarkaana wufuud loo kala diro dunida si ay
taageero ugu raadiyaan in beesha caalamka ay Dowladda iyo shacabka
Soomaaliyeedba ay xaq u leeyihiin iney difaacaan dalkooda iyo dadkooda.
