SOMALITALK.COM
w w w . S o m a l i T a l k . c o m
SOMALITALK - XADKA NFD

Kenya oo Sheegtay in ay DFKMG ka haysatey Qoraal iyo Heshiis u Ogolaanaya in Ciidamada Kenya galaan Gudaha Soomaaliya...

  • "Heshiiskaas waa la gaarey, madaxweynaha ayaa amar siiyey ra'iisul wasaaraha Soomaaliya iyo ra''sul baarlamaanka in Ra'iisul Wasaaruhu uu qoraalkaas u sameeyo, qoraalkaasna ay Kenya hadda gacanta ku hayso." Faarax Macallin

    SomaliTalk.com | Oct 25, 2011

Guddoomiye ku xigeenka Baarlamaanka Kenya ayaa sheegay in Kenya haysato warqad ay DFKMG ku ogolaatay in Ciidamada Kenya galaan Soomaaliya

Guddoomiye xigeenka Baarlamaanka Kenya Faarax Macalin Dawaare oo la weydiiyey in uu heshiis dhex maray Dawladda FKMG iyo Kenya kaas oo ciidamada Kenya u ogolaanayey in galaan Soomaaliya ayaa ku jawaabey "Heshiiskaas waa la gaarey, madaxweynaha ayaa amar siiyey ra'iisul wasaaraha Soomaaliya iyo ra''sul baarlamaanka in Ra'iisul Wasaaruhu uu qoraalkaas u sameeyo, qoraalkaasna ay Kenya hadda gacanta ku hayso."

Waxa uu intaas raaciyey in ay "Kenya ku gashay Soomaaliya ayadoo la iska war hayo, ayada oo la isla ogyahay, ayada oo lagu faraxsan yahay. Galabtana war kaas ka duwan ayaa laga soo sheegay madaxweynaha. Wixii la hayona waa la hayaa.." Waxana uu sii raaciyey "Dawladda KMG waanu ku wareernay, ma sidaan uun ayey iska doonayaan in ay ahaato oo AMISOM ku ilaaliso madaxtooyada, doorasho iyo waxba aan la gaarin oo ummadda Soomaaliyeed sidaas  u baaba'sanaato."

Faarax Macallin saxaafadda weli uma soo bandhigin heshiiskaas dhexmaray DFKMG iyo Kenya ee ogolaanaya in ciidamada Kenya galaan Soomaaliya.

DFKMG oo ka aamusnayd weerarka Kenya ku qaaday gudaha Soomaaliya ayaa Isniintii Madaxweynaha DFKMG waxa uu ka soo horjeestey faragelinta Kenya asagoo yiri "Ciidamo in ay dalka iska soo galaan Dawladuna ma ogola, Shacabka Soomaaliyeedna ma ogola"

Ra'iisul Wasaaraha DFKMG oo la weydiiyey (Oct 22) in uu ka war qabo Kenya oo soo gashay Soomaaliya waxa uu ku jawaabey "Anigu ogaantayda ma ogi ilaa hadda ciidamo gudaha Soomaaliya ku jira. Xadka haa weyjoogaan, laakiin ciidamo gudaha soo galay oo hadda saacaddaan ciidamo gudaha ku jira anigu lama socdo mana ogi," ayuu yiri ra'iisul wasaaraha DFKMG.. (DHEGEYSO).

Ciidamada Kenya ayaa Galay gudaha Soomaaliya October 16, 2011, kuwaas duqeyn u geystey magaalooyin ka mid ah Soomaaliya, warbaahinta Kenyana ay sheegtay in ay qabsadeen magaalooyin Soomaaliya ah.

In badan oo Soomaali ah ayaa rumaysan in Kenya jebisey heshiiska Caruusha ee 1967 dhexmaaray Soomaaliya iyo Kenya.

Akhri: Warbixin Dheer oo ku Saabsan Waxa Waqtigaan Keeney in Mugdi soo kala Dhexgalo Dowladaha Soomaaliya iyo Kenya iyo Sida loo arko Hadalkii Shiikh Sharif

Madaxweynaha DFKMG oo ka soo horjeestey Faragelinta Kenya ee Gudaha Soomaaliya

"Ciidamo in ay dalka iska soo galaan Dawladuna ma ogola, Shacabka Soomaaliyeedna ma ogola" Sheikh Shariif

Madaxweyne Sheekh Shariif oo Dowladda Kenya uga Digay in ay Faragelin ku sameyso Arrimaha Gudaha Soomaaliya isla markaana wuxuu u soo jeediyey in ay Qiimeyso Dareenka Shacabka Soomaaliyeed

Madaxweynaha Dowladda Federaalka KMG Sheekh Shariif Sheekh Axmed oo maanta booqday furimaha hore ee dagaalka, gaar ahaan deegaano ku dhow dhow degmada Dayniile ayaa ciidamada Dowladda Federaalka iyo kuwa AMISOM ugu hambalyeeyey guulihii ay gaareen isagoo ugu baaqay dagaalka ay kula jiraan Xarakada Alshabaab ay halkaa ka sii wadaan maadaama sida uu sheegay ay dalka ka wadaan nabadgelyo xumo.

Madaxweynaha DFKMG Sheekh Shariif mar uu ka hadlayey faragelinta ciidamada Kenya ay ku sameeyeen gudaha dalka Soomaaliya, ayaa yiri “Waxaan aad uga xumahay wararka maalmahan soo baxayey ee ah in ciidamada Kenya ay gudaha u soo galeen dhulka Soomaaliya, isla markaana waxay arrintani dareen ku abuurtay Shacabka Soomaaliyeed”.

Madaxweynanaha DFKMG Sheekh Shariif wuxuu u soo jeediyey Dowladda Kenya in ay ka fiijignaato wax kasta oo carqalad ku keeni kara xiriirka labada shacab ee Soomaaliya iyo Kenya, isagoo sheegay in faragelinta ay Dowladda Kenya ku sameysay Soomaaliya ay tahay mid aysan la socon Dowladda Federaalka, wuxuuna ugu baaqay in Kenya ilaaliso midnimada Soomaaliya.

Sheikh Shariif wuxuu soo hadal qaaday kullan dhawaan ka dhacay Magaalada Adis Ababa kaas oo lagu go’aamiyey in Dowladaha IGAD ay ilaaliyaan derisnimada isla markaana aysan dhicin wax kasta oo keeni kara mugdi soo kala dhex gala shucuubta labada wadan, isagoo sheegay in Soomaaliya ay ka mid tahay wadamda ku yaala Geeska Afrika isla markaana loo baahan yahay in Kenya iyo Soomaaliya iska kaashaadaan sidii looga wada shaqeyn lahaa nabadgelyada, hase yeeshee waxaa uu uga digey Kenya in wax kasta oo keenaya shaki uu yimaado aad ayaan uga digeynaa ayuu yiri Sheekh Shariif oo sheegayi n dadka Kenya in labaatankii sano ay aad u soo dadaaleen isla markaana ay iska ilaaliyeen in Soomaaliya ay wax faragelin ah ku sameeyaan, balse waqtiyadaasi lagama caban, wuxuuse sheegay in maalmahan dambe ay soo baxday faragelin ay ciidamada Kenya ku sameynayaan arrimaha Soomaaliya, taas oo uu sheegay in ay kicisay dareenka shacabka Soomaaliyeed.

Ugu dambeyntii Madaxweyne Sheekh Shariif wuxuu u soo jeediyey Dowladda Kenya in ay iskaashi la soo sameyso dowladda Federaalka si loola wada socdo arrimaha soo kordho isagoo sheegay in Dowladda Federaalka aysan dooneyn in cilaaqaadka u dhexeeya Soomaaliya iyo Kenya uu mugdi soo kala dhex galo.


Ciidanka Kenya oo markaas marayey Libooye (Daily Nation)


Sheikh Shariif, Oct 24, 2011 (Sawirka: AFP)

Hadalka ka soo yeerey Madaxweyne Shiikh Shariif ayaa ku soo beegmey Xilli ay weli socdaan Duqeynta Deegaano ka tirsan Gobolka Jubada Hoose oo ay geysanyaan Diyaaradaha Dagaalka Wadanka Kenya taasoo Khasaaro ka soo gaartey dad rayid ah oo aan waxba galabasan sidoo kale Raiisul Wasaaraha Dowladda Federaalka Dr Cabdiweli Maxamed Cali Gaas ayaa Dafirey soo gelitaanka Ciidamada Kenya isagoo sheegey in uusan wax ka ogeyn balse uu sheegey in uu ogyahay in Ciidamada Kenya ay ku sugan yihiin Xuduuda Kenya iyo Soomaaliya

W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk

Somali invasion backed by West, says Kenya (The Independent)

Is the West Helping Kenya on Somalia?

Kenya’s high stakes Shabaab offensive


Militariga Keny aoo alaab ka daabulaya Gaarisa, Oct 18, 2011 (Sawirka http://blogs.cfr.org)

Oct 24, 2011: Diyaarado Duqeeyey Kismaayo iyo Buur Gaabo iyo Maraakiib Dagaalka Faransiiska oo duqaysay magaalada Muday....

Oct 23, 2011: Sida loo arkey Soo Gelitaankii Ciidamada Meleteriga Kenya Qaybo ka mid ah Dhulka Soomaaliya

Oct 22, 2011: Ra'iisul Wasaaraha DFKMG oo Sheegay in uusan ka warqabin Ciidan Kenya oo soo galay gudaha Soomaaliya

October 21, 2011: Ra'iisul Wasaaraha Kenya oo Sheegay in Ciidamada Kenya Qabsadeen Raas Kambooni

Oct 20, 2011: Kenya oo Adeegsaneysa Erayadii Zenawi Adeegsadey markii Ciidamadiisu Weerareen Soomaaliya - Weerarka oo xilligaas ku wajahnaa kooxdii Sheikh Shariif Axmed....

Oct 19, 2011: Xisbiyada Mucaaradka Wadanka Kenya oo Dowladda Kenya uga Digey Faragelinta Milatari ay ku sameeyeen Soomaaliya

Oct 19, 2011: Dawladda Kenya Shacabkeeda u Xaqiijisay in Ciidankeedu 120 km Gudaha u Dhaafeen NFD, Kuna Muujisay Video...

Oct 18, 2011: Wasiirada Arimaha Dibadda iyo Gaashaandhiga ee Kenya oo Muqdisho kulamo kula qaatey Masuuliyiinta ugu sareysa Dowladda FKMG

Oct 18, 2011: Ciidamada Kenya oo Maalintii Saddexaad ku jira Gudaha Soomaaliya iyo DFKMG oo Beenisey arrintaas

 

Faafin: SomaliTalk.com | October 25, 2011

 

Qoraalladii Wareeggii hore ee Difaaca Badda Soomaaliya

BAARID | SEARCH

 Un Report Somalia

Kulaabo bogga www.SomaliTalk.com © www.SomaliTalk.com

La soo xiriir:

 


Kenya oo Shidaal ka Baaranaysa 3900 Sq Km ee Gudaha Dhulbadeedka aagga Raas Kambooni ee Jamhuriyadda Soomaaliya

Taariikh Kooban: Geeska Afrika

1,500 BC Fircoonkii laoranjirey  Seankhane Menthuhoteps IV ee Thebes ayaa sahan safar badeed usoodiray xeebaha Soomaaliya, kuwaas oo loo aqoonjirey dhulkii uduga "The Land of Punt."

7-900 AD Carab  iyo Beershiyaan [Persians] ayaa xiriir layeeshay jaaliyaadihii kunoolaa xeebaha Saylac, Muqdisho, Marka iyo Baraawe.

1528-35 AD Ahmed "Gurey" ayaa dagaal lagalay Abyssinians isagoo siweyn isaga difaacay ilaa ay usoo hiiliyeen ciidan hubaysan oo Bortuqiis ah [Portugese musketeers].

1889 Kadib markii ay heshiis  galeen Suldaano iyo Ingiriiska  ayuu Woqooyiga Soomaaliya ka dhaqangeliyey Somaliland.

1894 ayaa heshiiska loo yaqaab saddex-geesoole "Tripartite Accord" waxaa wada garey Ingiriiska [Great Britain], Talyaaniga [Italy], iyo Itoobiya [Ethiopia], kaas oo kusaabsanaa dhulka Soomaaliya. Talyaaniga waxaa lasiiyey dhulka soo eegaya badweynta Hindiya oo waagii dambe loo bixiyey Italian Somaliland. Heshiiskaasu wuxuu aqoonsaday in Mililikh [Menelik] uu qaato dhulka galbeed ee Soomaaliya ee loo yaqaan Ogaden.

1899 Maxamad Cadulle xasan ayaa la dagaalamay wadaamada Ingiriiska [British], Talyaaniga iyo  Ethiopia.

May 5, 1936 Talyaaniga ayaa qabsaday magaalada Addis Ababa, kaddib markii halkaas uu ka cararay Xayle Selasi. Waxaana markaas Talyaanigu gumaysatey Itoobiya intii u dhaxaysay 1936-1941.

1940 Talyaaniga ayaa qabsaday dhulkii ingiriisku qaatay ee Somaliland, qabsashadaasi muddo badan masii jirin.

1947 Waxaa la asaasay xisbigii dhallinyatada Soomaaliyeed ee SYL [Somali Youth League], oo ahaa xisbigii siyaasiga ahaa ee ugu horreeyey Soomaalida cusub.

1950 Qaramada Midoobey [UN] ayaa dhulkii talyaanigu haystey ogolaatay xorimo gaarsiin oo uu talyaanigu sii hayo.

1955 Ingiriiska ayaa gobolka loyaqaan Reserved Area(Ogaadeenya) iyo Hawd kuwareejisey Itoobiya.

1960 bishii  June 26keedii ayaa Somaliland kaxorowdey xukunkii Ingiriiska. bishii   July 1deedii isla sanadkaas ayaa Soomaaliya intii uu Talyaanigu siihayey xorowdey oo ay labadaas qaybood midoobeen.

Somalia-Ethiopia-Kenya 
1960: Kahor xoriyadii Soomaaliya, July 1960, Fransiiska iyo Talyaanigu oo ahaa kukii siihayey dhulka Soomaaliya waxa ay ku guul-daraysteen in ay xad sugan oo Soomaaliya leedahay suntaan

1 Jul 1960 - 10 Jun 1967
 Aadan Cabdullah Cusmaan 
ayaa noqday madaxweynihii u horeeyey ee Soomaalida xorta ah

7/1960: Rabshado kadhacay xadka Soomaaliya iyo Itoobiya ayaa labada dhinacba adkeeyeen ammaanka. Soomaaliya waxa ay dhiirigelisey NFD xoriyad gaarsiinteeda, Ingiriiskana xiriirkii ayey u goysey kadib markii Ingiriisku go'aansaday in uu NFD kudaro Kenya. Madaxdii Afrikaankuna Soomaaliya gacankuma siin Qadiyada NFD. 13beri kadib markii Kenya Xoriyada qaadatay, December 1963, waxa ay NFD kusoo rogtey xaalad degdega.

1/1964: Waxaa dagaal ka dhexqarxay Soomaaliya iyo Itoobiya, dagaal la xiriira dhulka Soomaaliyeed ee Itoobiya gumeysato .

4/1/1964: Waxaa hirgalay xabadjoojin dhexmartay Soomaaliya iyo Itoobiya

10/15/1959:Waxaa la diley Cabdirashiid cali Sharmaarke, oo ahaa Madaxweynihii Soomaaliya, oo safar kumaraya Gobolada dalka.

Oct 28, 1967 waxaa Is-Afgaradkii Caruusha ee 1967 (Arusha Memorandum of Understanding) uu dhexmaray xukuumaddii Soomaaliya iyo Kenya, kuna saabsanaa NFD.

21 Oct 1969: Waxaa wadanka inqilaab ku qabsaday ciidan militari oo uu hogaaminayey Maxamed Siyaad Barre. 1/1977:Waxaa kor u kacay xiisada dhulka ee Soomaaliya iyo Itoobiya.

July 23 1977: ciidanka Soomaaliya ayaa galay dhulka Soomaaliyeed ee gobolka Ogaden. Ethiopia waxa ay taageero militari ka heshay dalalka USSR, Cuba iyo Libya. Dagaal khasaare badan geysey ayaa dhexmaray Somali iyo Itoobiya. 

November 1977 Soomaalidu waxa ay eryeen ruuskii ku sugnaa cariga Soomaaliya. Waxana ay Soomaaliya markaas mucaaniwo weydiisatey USA iyo UK. USA waxa ay ogolaadeen oo qura taageerida aadaminimo, halka UK ay Soomaaliya siisay mucaawino aadamino iyo hub intaba. OAU ayaa isku deyey in ay wadahal soo qabanqaabiyaan laakiin waftigii Soomaaliya ayaa kabaxay wadahadalkii. Itoobiya waxa ay bilowdey habkii lamagbaxay"scorched earth" oo afsoomaali ahaan u dhiganta "u cadayn dhulka sidii laf hilibka laga xaquuqay" kan oo ahaa in lasumeeyo biyaha, la laayo xoolaha, dhulka ladeganyahay lagabarakiciyo, taas oo dhanka ahayd  (SALF). Taageero ay Itoobiya ka heshay Ruuska awgeed waxa ay dib u qababsatay  Somali galbeed (ogaden) markey taariikhu ahayd March 15 1978. Reference: Somalia History