Qormadii Asbuuca ee
Musuqmaasuq La Dirir
Axmed Yusuf |
puntland1998@yahoo.co.uk
- Qoraaga "Musuqumaasuq
la dirir" ee fikradan leh, waxa uu akhristayaasha
halkan ugu soo bandhigi doonaa
qoraal asbuucle ah sida waqtigu ugu saamaxo oo uu ka soo qori
doono madaxda Puntland waxyaabihii ay u qabteen bulshada...
Ku: Wasiirka Wasaarada Waxbarshada DGPL
Axad, Feb 11, 2007
 Wasiirka Wasaarada Waxbarshada DGPL,
Axmed Saciid Aw-nuur,
yaan arkay qoraal isaga ka hadlaaya oo
lagu soo daabacay Internetka. Qoraalkaas ayaa sheegay
in wasiirku uu ka cabanayo qoraal kale oo lagu soo daabacay
SomaliTalk.com. Qoraalkaas isaga ah ee laga cabanayo ayaa
wuxuu sheegayaa in buugaag aradayda reer Puntland loogu deeqay
in lagu arkay suuqa magaalada Garoowe iyaga oo beec ah.
Haday jirto waa nasiib daro. Arrinta runteed waa mid u baahan
baaris laakiin waxaan baaris u baahnayn in Wasiirka iyo
Dawlada MGPL ee uu matalo ay ku fashilmeen arimaha
horumarinta bulshada oo waxbarshadu ay ka mid tahay. Waxaa
nasiib darro ah in Wasiirku soo qaad qaado buugaag mucaawino
loo siiyey. Mudane Wasiir, dawalada aad ka mid tahay cashuur
ayey dadka ka qaadaa, waxaana la rabey in lacagataas si
wanaagsan loo meekhaamiyo, oo si wanaagsan loo maareeyo, dad booska
aad joogtana loo dhiibo cid si wanaagsan u maamulikarta.
Waxaa cad, marba hadii aad buug deeq laydiinsiyey aad ka
sharqamisay in aadan booska aad joodto u qalmin, madaweynaha
Caddena loo baahan yahay in madaxnimada laga qabto. Kadibna
loo dhiibo cid wax ka qabata baahida raagtey ee reer
Puntland qabaan. Hadaba maxaa igu kalifay in aan arinkan ka
hadalo, fikirkana oo soo gudbiyo.
Mudane Wasiir, waxbarshada aradayda ku nool Soomaaliya,
khaasatan Puntland, waxaa dhaqaaleheeda, intiisa badan
baxsha sadex qolo. Qaybta u badan waxaa baxsha hay'ado
shisheeyey oo ama Muslimiin ah amaba reer Galbeedka ah.
Waxaa kuwaas soo raaca kuwo hoos yimaada Qaramada midoobey
sida UNDP, UNICEF, UNESCO oo ayana qayb wanaagsan ka qaata
waxbarshada dhalaanka Soomaaliyeed. Waxa labadaas ay suurta
geshaan in dugsiyo/iskoollo la helo, macalimiin dhigtana la helo.
Labadaas qolo waxaa dheer dadka qurba jooga ah oo suurta
geshey in ay walaalohood amaba ehelkooda kaleba ay u diraan
dhaqaale, kaas oo ugu filan nolol iyo waxbarashada
caruurtooda. Dawalada adigu aad wasiirka ka tahay, adiga oo
Eebbaha lacaabudo ka baqaya boqolkiiba imisa ayaad kabtaan
waxbarshada aradayda reer Puntland. Aniga yaa kuu sheegayee waa
ka yartahay 5% inta idinku aad bixisaan. Waxaan qabaa in
intaas in kabadan dawaladu bixinkarto. Nasiib darose waxaan
marna laydinka goynkaraynin boobka, musuqmaasuq,
qaraabakiila iyo lacagta macna darada isaga baxaysa ee cid
loo raaco ayan jirin.
Mudane Wasiir Iskoolada ku yaala Bosaaso, Qardho, Garowe,
Cayn, Laascaano, Baran iwm, waxaa kharajkooda qaybta ugu
weyn ka yimaada shisheeye. Waxaan
kuu sheegayaa in Bosaaso Dugsiyaddeeda Sare iyo kuwa Hoose
waxaa kharajkooda, intiisa badan baxsha hay'ado shisheeye
inta kalena waalidiinta oo kharajka hela eheladooda dibada.
Mudane wasiir adigu may sheegi kartaa inta dhaqaale
wasaaradaadu hesho iyo halka ay ku baxdo?
Sow marka ceeb ma'aha, in adiga oo Wasiir sheeganaya, in aad
masrax soo dhigto "buugaag mucaawinada ahaa" ee UNESCO. Aaway
dhaqaalihii dawladdu? Maxaa keenay in Wasaaradaada dhaqaale ku
filan aaney lahay?
Mudane Wasiir, macalimiinta dugsiyada sare/hoose ee
Gaalkacayo, Garoowe, Qardho, Bosaaso iyo magaaloyin kaleba,
waxaa dhaqaalohooda si aan yarayn u kaba, hadaaneyba wadda
bixin, dadka dibada jooga ee ka soo jeeda degmooyinkaas.
Wasaaraddaadu boqolkiiba ima ayay mushaharada shaqaalaha
dugsiyada reer Puntland bixisaa? Imisa ayey ku kabtaa
Jaamacada East Africa University? Imisa araday ayaa deeq
waxbarasho ama
scholarship dawaladu siisaa oo East Africa University
dhigata? Ma ka warqabtaa inta arday ee scholarship dawaladu
siisay ee dhigata Puntland State University?
Aduunka horay u maray waxaa wasaaraduhu soo bandhigaan wixii
lagu hor marin lahaa bulshada ay masuuliyadoodu saaran tahay.
Waxaana lagaaga baahan yahay in aad sanadkiiba hal mar
barlamaanka hor tagtid, adiga oo soo bahdigaya sida loo hor
marinayo, waxbarshada aradayda dugsiyada hoose, dhexe iyo
sare. Waxaa sanadkasta la soo bandhigaa sida guud ahaanba
waxbarshada dalka loo hor marin lahaa si wasaaradu ula
jaanqaado horumarka aduunka. Mudane Wasiir, marna
Barlamaanka GDPL ma hor tagtay, mase ka soo jeedisey, wax
wasaaradadu qabatay sanadkaas iyo waxa ay qabandoonto
sanadaka soo socda?
In aad horumarisid ha
joogtee waxaa la soo rogey in cashuur laga qaado qalabka
usoo degaya dugsiyada, machadyada iyo jaamacadaha ka jira
Puntland, cashuurtaas oo aysan ka bixi karin. Waxaana dhacda
qalab mucaawino loogu soo uruririyey in marka laga soo
dejiyo Puntland in cashuur badan la saaro. Xilligii uu
Wasiirka Maaliyadda ahaa Dr.C/raxmaan Faroole ma jirin wax
cashuur ah oo la saaro qalabka waxbarashada usoo dega. Taas
hadda waad bedesheen oo cashuur ayaad saartaan qalabka
waxbarashada ee Mudane wasiir maxaad taas ka qabatay?
Waxaan ogahay in aadan ka jawaabi karin su'aalahaan.
Mudane wasiir, waxaad dawalada Puntland ku soo gashay habka
4.5 ee kuma aadan soo gelin hab xulsho cilmiyeed ama aqoonta aad leedahay ee aad
wax ugu qaban karto bulshadaada. Waxaad ahayd qof ka
shaqeeya xafiis dekeda Bosaaso ah. Waxaadna si lama filaan
ah ku noqotay Wasiirka Waxbarashada DGPL oo ay hoos
yimaadaan kumanaan araday ah oo u baahan in wax loo qabto,
si ay iyaguna aqoon u yeeshaan, dadkooda iyo dalkoodana ay
wax u taraan mustaqbalka. Marna haw malayn in aad aqoon,
kartid dheerada, jacayl dad iyo dal aad ku heshay
masuuliyada Wasiirka Waxbarshada DGPL. Waxaa wax ku noqotay,
qabysida beelaha reer Puntland. Waxaa wasiirka ku noqotay,
sida aad daacadda ugu tahay hadba madaxweynaha jira.
Waxaa hada wasiirka ku tahay, danta Jeneral Cadde uu ka
leeyahay beesha Nugaal, ee marna kuma tihid in aad wax badan
ka qabatay arrimaha waxbarshada ee loo baahan yahay in wax
laga qabto. Jeneraal Cadde oo aad wasiir u tahayan waad ogtahay waxa uu ku yimid. Akhristayaasha Cadde Asbuucyada soo
socda ayaan siduu ku yimid iyo wax uu qabtay fiirindoona.
Waxaase ka horayndoona wasiirada uu isku gedaamey.
- Toddobaad ka bacdi
markii qoraalkan la qoray waxaa is casiley wasiirkii
waxbarashada Puntland...
Eeg Halkan...
Qore:
Axmed Yusuf |
puntland1998@yahoo.co.uk
Afeef: Qoraaga "Musuqumaasuq
la dirir" ee fikradan leh, waxa uu akhristayaasha
halkan ugu soo bandhigi doonaa
qoraal asbuucle ah sida waqtigu ugu saamaxo oo uu ka soo qori
doono madaxda Puntland waxyaabihii ay u qabteen bulshada...
Faafin: SomaliTalk.com |
Feb 11, 2007
 SomaliTalk:
Hadalkii Wasiirka Waxbarashada DGPL waa Baroortu Orgiga ka Weyn
Hay'ada UNESCO ayaa dhowaan waxbarashada Puntland ugu deeqday
gaari iyo...
Akhri...
.MA
ANIGAA WAALAN MISE CADAN BAA LAGA HEESAYAA - Jibriil
|
Daabaco
Boggan | Print