Dawlad Goboleedka Puntland oo Caddayn
weydey meesha ay ku bexeen Lacagihii ay hore u bixiyeen Shirkadaha
Macdanta ka baaraya Puntland
Saxiixii Heshiiskii Canmex u ogolaanayey
80% baaritaanka khayraadka Puntland.
(Sawirka: CCNMatthews - Jan. 23,
2007)
Akhri halkan
Shirkadda Canmex waxay lacag
caddaan ah ka haysatey 3.5 million oo doolarka Canada oo
keliya.....
Qoraal ay Janaayo 24, 2007 qortay Jariidada
Sydney Morning Herald ee Australia oo ka warbixineysey in heshiis dhex maray
Puntland, Range iyo Canmex, heshiiskaas oo dhigaya in Canmex ay
$50 million oo doolar ku kharash-garayso baaritaanka shidaalka
laga baarayo Puntland muddo saddex sano ah, taasna Canmex loogu
bedelayo 80% in ay yeelato baaritaanka laba aag oo ah Dooxada
Nugaal iyo Dooxada Dharoor ee Puntland. Laakiin ayey tiri jariidadu Canmex khasnadeeda bangiga ee ugu dambeysey waxay muujisay in shirkaaasi ay bishii September 2006 ay lacag caddaan ah ka haysatey $C3.5 million (3.5 million oo ah doolarka Canada).
Waxaa warku intaas ku daray in aan si rasmi ah loo shaacin meesha ay shirkaddu ka keeneyso $US50 million oo ay u bahan tahay in ay ku kharashgarayso baaritanka
shidaalka Puntland.
Sayladda Canmex ma degana; ilaa bishii October 2006 waxaa jirey maalmo aan wax dhaqshaqaaq
ah oo kala gadasho ah ka socon saamiyadeeda. Sidoo kale ma muuqato in shirkaddaasi ay leedahay website.
Sidaas waxaa qortay
Sydney Morning Herald.
Eeg.. |
Jan 27, 2007:: Madaxwaynaha DGPL
iyo wafti uu hogaaminayo ayaa bishan horaanteedii ka anbabaxay magaalada
Bosaso isaga oo sida caadiyan ah 3dexdii biloodba mar taga dalka Germany
halkaasi oo loogu sameeyo baaritaan caafimaad oo la xiriira
caafimaadkiisa gaarka ah.
Madaxwaynaha ayaa sheegay ka hor inta uusan ka anbabixin Puntland in uu
tagi doono dalka dibadiisa halkaasi oo uu wada hadlo kula yeelan doono
shirkadaha ka baaraya macdanta Puntland iyo sidoo kale wadamada uu
sheegay in uu madaxweynuhu booqan doono iyagana uu kala hadli doono
arimaha hormarka iyo sidii loo maal-gashan lahaaa Puntland maadaama ay
Puntland tahay meel amaan ah oo la isku halayn karo mudo dheerna u soo
ifbaxaysay wadada hormarka.
Haddaba iyada oo uu madaxwaynuhu sidaas sheegay ayuu u anbabaxay wadamo
ay ka mid yihiin Jabuuti, Dubai, Germany, iyo kuwo kale oo sida la
sheegay uu madaxwaynuhu kalahaa arimo gaar ah.
Madaxwaynaha ayaa si dag dag ah ugu anbabaxay dalka Germany oo ahaa
safarkiisa ugu muhiimsan maadaama uu caafimaadkiisu ku xiran yahay
baaritaan la sheegay in loogu sameeyo halkaasi.
Madaxwaynaha ayaa ka soo laabtay Germany isaga oo sida la sheegay soo
maray baaritaan caafimaad in kasta oo aysan wax faah faahin ah ka bixin
DGPL balse sida wararka suuqa la isla dhexmaryo ay sheegayaan soo
dhamaystay booqashadiisii Germany ee la xiriirtay baaritaanka caafimaad.
Si kastaba waxa uu madaxwaynuhu ku soo laabtay Dubai oo uu markii horeba
uga duulay Germany isaga oo aan wax masuul sare ah Germany kula soo
kulmin maraka laga reebo danihiisa caafimaadka gaarka ahee uu halkaasi u
tagay isaga oo siyaabo kale duwan uga faa'iidaysan lahaaa safarkaasi uu
ku tagay madaxwaynuhu Germany.
Soo laabashadiisa Dubai ayuu madaxwaynuhu kula kulmay qaar ka mid ah
madaxda sarsare ee shirkadaha wax ka baaraya dhulka Puntland sida la
sheegay.
Lakulankan uu madaxwaynuhu kula kulmay Dubai shirkadaha wax ka baaraya
Puntland ayaan ilaa iyo hada wax la isla meel dhigay aysan jirin marka
laga reebo xisaabtan loogu yeeray madaxwaynaha Puntland, xisaabtaasoo ay
ku muujiyeen madaxda shirkaduhu in uu meel ku cadeeyo madaxwaynuhu
kharashaadkii ay horay u bixiyeen iyaga oo sheegay in ay booqasho ay ku
yimaadeen puntland horaantii todobaadkan (Jan 23,
2007) ay ku soo ogaadeen in la lunsaday hanti badan oo ay horay u
bixiyeen sida ay cadeeyeen ilo ku dhaw dhaw shirkadaha wax ka baaraya
Puntland.
Madaxwaynaha iyo waftigiisa ayaan ilaa iyo hada meel ku cadayn hantidaas
la sheegay in ay shirkadahaasi ku bixiyeen horumarinta deegaanada
Puntland.
Sida laga wada warqabana horay ayay shirkadahani deeqo kala duwan ugu
bixiyeen sidii loo dhamayn lahaa mashaariic horumarineed oo wax ku ool
ah kuwaasi oo ay ugu waynaayeen dhismaha garoonka Diyaaradaha ee Garowe
kaasi oo muddo 3sano kabadan ah mid qabyo ah islamarkaana aysan jirin
hanti Badan oo ay ku bixisay xukuumada puntland marka laga reebo
curyaamin ay ku wado dhamaystirka dhismaha Garoonka Garowe.
Sept 6, 2006: $250,000
Range Resource Sheegtay in ay u dhiibtey Isimada Garoowe Halkee
ku Danbaysey Akhri....
|
Sida la ogsoonyahana horay ayay
xukuumadda loogu eedeeyey in ay lunsatay hanti ay shirada Range
resource ugu talagashay dhismaha garoonka Garowe ilaa iyo hadana
aysan jirin meel ay hantidaasi ku cadahay ama cid loo tirinayo, sida la
ogyahayna mar sii horaysay ayay ahayd marki la sheegay in wasiirka
maaliyada Maxamed Cali Yuusuf Gaagaab, wasiirka maaliyadda DGPL, uu
bixiyay qayb ka mid ah hantidaasi oo run ahaantii cadadkeedu ahaa mid
yar, sida la sheegay.
Mar sii horaysay markii ay shirkaduhu ballan qaadayaneen hantida la
sheegay in loogu talagalay dhismaha garoonka Garowena waxa ay ku soo
baxday suuqyada dalka Australia iyada oo ay Isimada Gobalka Nugaal ay
dhinacyada haystaan Jeeg taasi oo
dadweynaha Puntland ay kutilmaameen in arrintaasi ay ahayd ceeb lagula
kacay mushtamaca reer puntland ilaa iyo hadana uusan jeegaasi soogaarin
hadii ay shirkaduhuna soo gubiyeen aan iyaga Ismo ahaan wali la
gudoonsiin lacagtaas oo dadku u arkaan in lagu fadeexeeyey sharftoodii.
Haatan ayay dadbadani is waydiinayaan waxa xigi doona maadaama ay
shirkaduhu arkeen musuq maasuqa ay wadaan madaxda Puntland taasi oo meel
walba oo caalamka ka mid ahna xataa laga ogyahay musuq maasuqa ka jira
gudaha puntland shacabkuna ay ka dharagsan yihiin.
"...aniga iyo gaagaab ayaa
u leexin doona dhaqaalihii aan qaadan jirnay garoonka Bosaso.."
Madaxweynaha DGPL.
"...aniga
iyo Gaagaab Lacagtii aan qaadan jirnay iminka waxaan ku
dhisaynaa garoonka Boosaaso." Cadde Muuse
Akhri...
|
Mar sii horaysayna madaxwaynaha
Puntland qudhadiisa ayaa wasiirkiisa maaliyada ku eedeeyay hanti
lunsasho lacageed taasi oo uusan madaxwaynuhu horgayn golayaasha dawlada
balse uu afka uun ka sheegay goob ay ku dhan yihiin xubnaha baarlamaanka
puntland kuwaasi oo haday daacad ka yihiin wax u qabadka dalka iyo dadka
isla xilligaasba maxkamad ku soo oogi lahaa wasiirka iyo madaxwaynahaba
maadaama ay galeen khayaano qaran oo ay lunsadeen hanti ka dhaxaysa
mushatamaca Puntland, balse is dhoola cadayn kadib waxaaba la ilaaway
hantidii la lunsaday taasi oo baarlamaankuna guda galay doodo kale iyo
ajandayaal aan sidaas muhiim u sii ahayn si la isu maan dhaafiyo
lunsashada hantida maqan ee uu madaxwaynuhu ka dhawaajiyay.
Xaalku si kastaba ha ahaadee haatan arrinta DGPL ayaa ah mid cakiran
maadaama ay mar hore shirkadihii macdanta ka baari lahaa puntland ay soo
gudbiyeen hantidii ay bixiyeen xaga uu maamulku ku baxshay iyo xisaabtan
uusan maamulka Cadde Muuse iska jirin taasi oo ka soo reebtay maamulka
Cadde Muuse waxaad qarsataa waa ku qarsadaan.
Maalmaha fooda inagu soo haya ayuu madaxwaynuhu iyo wafdigiisuba ku soo
fool leeyihiin deegaanada puntland.
A/rizak koronto
Garowe puntland
Faafin: SomaliTalk.com | Janaayo 27,
2007
Daabaco
Boggan | Print