Daabaco Boggan | Print

---

---

Hussein Maxamed Huubsireed
mohamoud_hussein@yahoo.co.uk

Bismilaahi raxmani raxiim

Asalaam Calaykum

• Ilayn ceeb looma dhinto

Dhamaan salaanta islaamkaan idinku slaamay , salaan ka dib waxaan aad uga xumahay dhibaatda laguhayo shacabka ku nool Somaliland iyo martidoodaba , mujtamac waliba ee meel isugu yimi waxaa laga helayaa qof walba oo dabeecadiisa iyo dhaqankiisuba u gooni yahay, laakiin waxaan aad uga xumahay in Koox la soo shaqaysatay Siyaad bare maamulkiisii oo caburin iyo Basaasnimo mooyee aan dhaqan cadaalada aqoon ay dhulkii somaliland maamulaan , Saxaafadaha soomaalilad ma ahan Xor wax aan dawladu raali ka ahayan haday qoraana dhib bay la kulmayaan, shuruucdii maxkamadaha oo ahayd meesha kaliya ee biniaadmigu ama meel walba oo maamul aduunka ka jira Mushtamaca lagu kala saaro waxay noqotay meel aan dhex dhexaad ahayn ee u hogaansan amarada Dawlada ,martidii aan u dhalan Somaliland ama aan ka soo jeedin waxa ay noqotay in dharaar cad la kufsado oo maamulku kufsado (Ilayn ceeb looma dhinto) . waxaan amaan aan xad lahayn aan u gudbinayaa Raqiya Omar iyo inta wanaaga jecel ee ka damqanaysa

Dhibaatada shacabka lagu hayo, waxaan aad uga xumahay Qareemada la xiray iyagoo hawshooda gudanaya , Hadii la yiri maamul iyo kala danbayn baa ka jira dhulkaas dhaqamada ay ku dhaqmayaan ninmankaan Calooshooda u shaqaystayaasha ah miyaanay shacabku arkayn , mise waa shacab aan xor ahayn oo xoog lagu haysto, iyadoo waliba lagu hoosaasinayo Somaliwayn baanu la diriraynaa iyo waanu Go'nay , Hadaad go'aysana sharaf baa umada looga baxaa hadaad raacaysana sharaf baa lagu raacaa ,

Laakiin dhaqan xumadan waxaan uga digayaa Umada reer Somaliland ee Aqoon yahayn , Oday , wax Garad , iyo dad badanoo sharafba lah ay ku noolyihiin in ay iska ilaalilyaan ceebta iyo dhaqan xumada lala doonayo. Umada ka soo jeeda Somaliland waxaa laga helayaa meel walba ee dunida dacaladeeda ah oo ay ku jirto Koonfurta somaliya, Dadkuna ma kala maarmo oo Europe baan ka maarmin afrika waa marka laga soo tago maamul iyo dawladnimo ee loo dhaadhaco Shacab, Shacabka martida ah ee aan wadankaaga ama dhulkaaga u dhalin wuxuu kaaga baahan yahay in aad si sharaf leh u soo dhawayso wixii khalad muuqda ah in qof waliba oo damiir leh uu ka damqado ayaan qabaa , waxaana sida iiga muuqata ay muujiyeen Dad badan oo reer somaliland ah in ay ka xumaadeen Dhacdadii fadeexada ahayd ee Samsam Axmed Ducaale lagula kacay ee Caanka ka noqotay Somaaliya oo dhan taas oo hoos u dhigaysa sumcada Bulshada ku dhaqan dhulkaas Somaliland. Somaliland waa dhulkii ugu horeeyay ee maamul nabad galyaha samaysta soaamliya , waxaan filayaa in ay haboonaan lahayd sidaa wanaagsan ee ay ugu fakareen maamulka in ay ku dhaqanka sharciga iyo xaqdhawrka saxaafada iyo amaan galinta martidana ugu fakaraan taasna waxay ku xiran tahay Shacabka

Wabilaahi tawfiq

Hussein Maxamed Huubsireed
mohamoud_hussein@yahoo.co.uk

Faafin: SomaliTalk.com | November 30, 2004
 

LINK: http://www.somalitalk.com/editorial/zamzam.html

Afeef: Aragtida qoraalkan waxaa leh qoraaga ku saxiixan

Kulaabo bogga  www.SomaliTalk.com 

SEARCH