• Waa naseexo idiinka timi walaalkiin c/casiis c/laahi ciise

Marka hore waxaan salaamayaa bahda wargeyska waxayna ku mahadsan yihiin sidey habeen iyo maalinba waqtigooda qaaliga ah ugu hureen iney bulshadooda soomaaliyeed ugu adeegaan si qiima badan: marka xigta waxaan wada salaamayaa bulshada somaliyeed meeleey kala degan tahayba aduunka daafihiisa.

Hadaan u soo baydho qormada talo bixinta ku aadan kiiska samsam axmed ducaale waa gabadha yar ee mudo hadeerto gaadheysa 3 bilood lagu haysto jeelka hargeysa, horta marka lasoo hadal qaado jeel ama xabsi iyo ruux la xidhey waa maxay macnaha ku jiraa? Yaase mudan bulshada inla xidho oo lagu rido jeelka?

Ma haboon tahay in laga fiirsado waxa qofka lagu soo oogey inla hubiyo inuu kiiska qabo iyo in kale? ragga iyo dumarka kee ku wacan inla dhigo jeelka? ruux yar oo caruur ah iyo qof weyn kee mudan xadhig iyo ciqaab joogto ah? isku soo wada xoori ama isku soo wada duub maanta waxaa taagan arinta lagu soo xidhey gabadha yar ee caruurta ah waa samsam axmed waxayna ku xidhan tahay samsam xaruntii reer somaliland ee hargeysa waana halkii xukumadii horee maxamed siyaad barre iyo dadkii reer somaliya ee cid kastaa lahaa ee xataa ku jireen rag badan oo madax ahaa oo u dhashey deegaanka reer somaliland maantana ka tirsan maamulka hargeysa ku xidh xidhi jireen shacabka deegaanka somaliland gaarka u lahaan jirtey mudo laga joogo 14 sano waxayna ka dhiidhiyeen shacabku wuxuu jeelasha iyo dilka loogu geysan jirey dhulkooda tiina wayku guuleysteen hadii reer hargeysa waxaas oo dhibaato ahi horey u soo mareen kuna dedaaleen iney maruun cadaalad helaan oo dadku noqdo wax kan yar iyo kan weyni u siman yihiin sharciga iyo cadaalada maxaa maanta gabadh yar oo soo booqatey ehelkeedii ama abtigeeg jeelka loo dhigey? maxay culimada hargeysa uga aamuseen uga hadli waayeen dhibka iyo xadhiga loo geystey samsam yarey?

Keebaa awood badan shacabka reer somaliland iyo madaxweyne ku xigeenka somaliland axmed yuusuf yaasin? Maxkamadda hargeysa iyo xeer ilaaliyaha guud yey u shaqeeyaan ma dadka oodhan mise madaxweyne ku xigeenka somaliand???

Nolosha waxaa jirta wax muhiim ah iyo waxaan muhiim aheyn, hadii samsam ku soo qaldantey tilmaanta guriga xaajiga ku xigeenka ka ah somaliland waxay samsam la mid tahay caruurta madaxweyne ku xigeenka sida gabdhihiisa yar yar ee uu la jecel yahay iney ahaadaan kuwa dadka ugu wan wanaagsan ruux kastaana ula dhaqmo ilma axmed yuusuf yaasiin sida diinta iyo sharciga calaadada ku haboon, markaa miyeysan taladu ku habooneyn inuu iska daayo gabadha yar ee marba askari jeel ku kufsanayo, sow kuma haboona inuu axmed yuusuf ka soo qaado samsam ilma axmed yuusuf oo kale, waxay somalidu horey u tidhi geel la laayaa wuxuu leeyahay adhi la laayo, adhi la laayaana wuxuu leeyahay geel la layaayo, axmed yuusuf waxaan ku odhan lahaa adigaa samsam xidhaye soo daa gabadha yar adigey kuu xidhan tahay samsam, adigaana soo deyn kara, hadaad arinta u kacdo inaad wanaagii iyo sharaftii soo celiso dadkana ugu shaqee cadaalad markaasey caruurtaaduna heli doonaan cadaalad iyo inla qiimeeyo, wixii ka dambeeya macnuhu waxaa weeye ilmahaaga iyo ehel kaaga howga tegin kasab xun oo berito soo food saara waayo somalidu waa isku hal qoys isku hal dhaqan isku hal diin waa waxaan kala maarmin waa dad yaroo is wada yaqaana waxaana ku haboon markuu ruux howl sameynayo ama howl fuliyano inuu ka shaqeysiiyo maskaxda oo ka fekero waxa birito ka soo dhalan kara wuxuu maanta ku kacayo waxaan ku soo gaabinayaa howsha samsam waxay khuseysaa si gaar ah axmed yuusuf yaasiin iyo xukumadiisa iyo shacabka reer hargeysa hadaad sii deysaan ilmaha yar ee samsam ah waa idiin wanaag iyo sharaf hadaad sidaas ku sii heysataana waa wax u yaala caruurtiina berito xaga mustaqbalka dambe