• Maxaabiista lagu kala Haystey Aagga Sool iyo Sanaag oo la isweydaarsanayo
• Dhaartii Wasiirada DGPL oo ka dhacday Madaxtooyada DGPL Garowe. 
• Doorashadii ugu Horaysay ee Shabakada Ururada Ardayda Puntland oo ka dhacday Bosaso. 

Waxaa la Filaya in la,isku wareejiyo Maxabistii lakala Haystay: Wariyaha Somalitalk oo ku sugan Damale Xagare oo ka soo waramay Waanwaantii u socotay Beelihi dhawan ku dagaalamay Degankaa Sanaag iyo Sool. 

Waxaaa warbixin uu soo diray Wariyaha somalitalk Maxamed Gaaxnuug ee ku sugan magaalada ay Madasha waanwaantu ka socoto ee Damale Xagare halkaas oo dhawaan Dagaalo ay ku dhex mareen laba Beelood oo wada Daga Degaanada Awr-boogays iyo Xingalool, warbixintaas oo uu ku soo diray Telfoonka guurguura ee Gacanta loona yaqaan "Turaya" ayaa waxa uu ku bilaabay warbixiintiisa sidaan. 

Waxaa indhowaalaba ka socday Degaanada Awrboogays iyo Xingalool  waanwaan laga dhex waday Beelihii ay Dhawaan Dagaaladu ku dhex mareen Degaanadaas, waxaa halkaa ku sugan Garaad Saleebaan oo ah Garaadka Beesha Ugaaryahan, Garaad Cabdulahi  Maxamed Guuleed oo ah Garaadka Beesha Naaleye Axmed iyo Suldaan Saciid Cabdisalaan Maxamuud Cali Shire oo ah Suldaanka Beesha WarsanGali. Hogaamiye Dhaqameedyadaa ayaa iyagu in badan ku howlanaa sidii ay labada Beelood u Xalin lahaayeen is maandhaafka ka dhex jire, waxaa jirtay Maxaabiis ay kala Qabsadeen labada Beelood oo Dhibku dhex martay waxaana la Go,aamiyay in la,isku celiyo Maalinta Jimcaha Salaada Jimco ka hor ama sida lagu balamay 2:00 laba saac Subaxnimo ee Saacada Geeska Afrika ee malinta Jimcaha, Maxaabistaa la kala Qabsaday ayaa dhamaa 12 Qof oo Raga ah ayadoo lagu balamay in la keeno guud ahaan maxabiista magaalada Damale Xagare oo ah halka Madasha waanwaantu ka socoto oo ah halka ay ku sugan yihiin Ergada labada Beelood iyo Aqoonyahano ka socda labada Beelood oo ka kala yimi Dibadaha iyo Dalka Gudihiisa, waxaa lagu balamay in lasii wado wadahadalka si loo xaliyo Dhiigii kala Dhex maray labada Beelood marka Maxaabiista la,isku celiyo.

Waxaa jirtay Xayiraad ay ku keeneen wada hadalka iyo waanwaanta Ciidamada ka socday Somaliland oo soo dagey aagga halka ay waanwaantu ka socotay ee Damale Xagare laakiin waxaa la hadlay Odayadii halkaa ku sugnaa ee labada Beelood oo ku yiri anagu waxaan halkaan ku haynaa Arin u dhexaysa laba Beelood oo walaalaa umana baahnin qas iyo Ciidamo markaa ayay Ciidamadaa Somaliland Degeen meel u jirta Sadex kiiloo miter oo lagu magacaabo Shimbiraale, Dhanka kale mar wax laga waydiiyay in ay Jiraan Ciidamo ka socda Puntland in ay ku sugan yihiin Degaanka Damale Xagare ayuu sheegay in ay san Jirin Ciidamo ka socda Dhanka Puntland lakiin halkaa waxaa ku sugan ayuu yiri Gudoomiyaha Gobolka Sool ee DGPL iyo Taliyaha Ciidanka Boliska Gobolka Sool ee DGPL.

Dadweynaha Degaanada ay Dagaaladu ka dhaceen ayaa aad u soo dhaweeyay waanwaantaa ay wadaan Hogaamiye Dhaqameedyadu waxaana ay socotay waanwaantaa mudo dhan 10 Casho oo ay Odayaashu wadeen sidii ay u turxaan bixin lahaayeen oo hadii Illaahay Garto aan Dhibkaan Dib u soo noqon. 

 Dhaartii Wasiirada DGPL oo ka dhacday Madaxtooyada DGPL Garowe. 

Waxaa maanta oo ay Tariikhdu tahay 27-01-2005 lagu Dhaariyaya Xarunta madaxtooyada DGPL ee Magaalada Caasumada Garoowe Wasiiradii Qaarkood oo uu Dhawaan magacaabay Madaweynaha DGPL Gen: Cade Muuse ayadoo lafilaayo in dhawaan la horgeeyo Baarlamanka DGPL si ay uga Hor aqriyaan wax qabadkiisa wasaarada loo magacaabay kadibna ay Xubnaha Golaha wakiilada DGPL ay u ogalaadaan in uu howshiisa sii wato, waxaa Goob joog ahaa Madaxweynaha DGPL iyo Kuxigeenkiisa Xasan Dahir Afqurac. 

Dhaarta kadib ayaa madaxwaynaha Puntland Gen: Cadde qudbad kasoo jeediyay waxaa uu u dardaarmay golaha wasiirada Puntland inay dalkooda si hufan ay ugu adeegaan isla markaana ay xilalka loo magaacaabay si wada tashi leh uga shaqeeyaan, Madaxwaynuhu wuxuu ku amray golaha wasiirada in maata laga bilaabo ay si rasmi ah ula wareegaan xilalkooda ayna bilaabaan hawsha loo magacaabay ee ay bulshada u hayaan. Waxaa kale oo la amray golaha wasiirada inay soo diyaariyaan barnaamijkii xukuumaddu ku shaqayn lahayd iyo in dib u habayn lagu sameeyo hay’adaha maamulka dawladda. 

Golaha wasiirada ayaa markii ay dhaartu dhamaatay yeeshay kulankoodii ugu horeeyay kulankaasi oo is barasho ahaa ayaa golaha wasiirada Puntland uga wada hadleen hawlaha u yaala. 

Inta badan aayaa Dadweynuhu filaayeen in ay imaan doonaan Xubno cusub oo Golaha wasiirada ah si ay waxa uga badalaan Cabashadii Dadweynaha ee wax qabadka Wasaarada lakiin waxaa dadka quusisay sidii uu u magacaabay Madaxweynuhu Golaha wasiirada oo ah Wasiiradaii Hore Badankood. 

DOORASHADII SHABKADA ARDAYDA Gudiga Doorashada ee PEN oo Fadhiya Dumarkii ka soo Qayb galay Xaflada oo Fadhiya Gudoomiha Golaha Hogaaminta oo markii uu ku guulaystay ka hadlaaya Shucuurtiisa Gudoomiyaha Gudiga Fulinta ee PEN oo ka hadlaaya Shucuurtiisa kadib markii la doortay Gudoomiyaha Hay,ada Hodman Marwo Mahado Sheekh oo ka hadlaysa Xaflada Musharaxiinta u tartamayay Jagooyinka Sare ee PEN oo Fadhiya Xaflada Xubno ka mida Dalaada PEN oo fadhiya Xaflada

Aqoon yahanada ku sugan ayaa siyaabo badan u fasiray siyaasada Madaxweynaha ee ku wajahan Golaha wasiirada ee Cusub iyagoo u badnaa in uu kii wax qabadkiisa la dhaliilo uu ka bixi doono Shaashada Golaha wasiirada lana keeni doono Ruux ka bixi kara Howsha wasaarada.

• Liiska magacyada wasiirada DGPL

Doorashadii ugu Horaysay ee Shabakada Ururada Ardayda Puntland oo ka dhacday Bosaso. 

Waxaa Xalay oo ay Tariikhdu ahayd 26-01-2005 lagu qabtay Xafiiska Shabakada Waxbarashada Puntland Xaflad lagu dooranaayey Gudoomiyaha Golaha Hogaaminta iyo Gudoomiyaha Gudiga  Fulinta  ee Shabakada, Shabakada ayaa waxaa ku midoobay 13 Urur oo ka dhisan guud ahaan Puntlaand Xafladaa oo ahayd mid si weyn loo soo agaasimay ayaa waxaa ka soo Qayb galay Marti sharaf aad u balaaran oo ay ka mid yihiin Ururada Dhalinyarada iyo Haweenka ee ka  jira Boosaaso Qaarkood.

Dooshadii shabakada ayaa waxaa isku soo sharaxay 3 Xubnood oo isku soo sharaxay Gudoomiyaha Golaha Hogaaminta iyo 3 Xubnood oo isku soo sharaxay Gudoomiyaha Gudiga Fulinya, waxaa ka tanaasulay oo musharaxiinta ka mid ahaa 1 Xubin oo ka mida Musharaxiinta Gudoomiyaha Golaha Hogaminta iyo 1 Xubin oo ka mida ahaa Musharaxiinta Gudoomiha Gudiga Fulinta waxaana codaynayey 10 Xubnood oo ka mida shabakada ( PEN ) Puntland Education Network

Musharaxiinta Gudoomiha Golaha Hogaaminta shabakada waxaa ka mid ahaa

• 1-     Saciid Cali Faarax
• 2-     Shaafici Cabdulaahi Xaashi
• 3-     Cabdisamad Aadan Cali

Waxaana ka tanaasulay Caabdisamad Aadan Cali 

Waxaa ka mid ahaa Musharaxiinta Gudoomiyaha Gudiga Fulinta

• 1-     Jaamac Xasan Bare
• 2-     Aaxmed Yasiin Saalax
• 3-     Maxamed Axmed Tima jilic

Waxaana ka tanaa sulay Axmed Yasiin Saalax

Dorashadii ayaa waxaa ku Guulaystay Gudoomiha Golaha Hogaaminta Saciid Cali Faarax oo hely Cod dhan 8 iyo musharaxa kale oo la tartamaayey Cabdisamad Aadan Cali oo helay 2 Cod.

Dhanka kale ee Gudoomiha Gudiga Fulinta ay kala heleen Jaamac Xasan Bare 6 Cod halka uu ka helay Maxamed Axmed Timajilic oo helay 2 Cod halka ay xumaatay 2 Cod.

Waxaa markay dhamaatay lagu soo dhaweeyay Gudoomiyaha Golaha Hogaaminta Saciid Faarax Cali oo ka hadlay Waxqabadkiisa ku wajahan Shabakada hadii Allaah u ogolaado Waxaa isagana ka hadlay oo lagu soo dhaweeyay Gudoomiyaha Gudiga Fulinta Jaamac Faarax Cali oo ka hadlay isagana Mas,uuliyada loo dhiibay waxaa ugu Dambayntii ka hadlay Gudoomiyaha Ururka Hodman Marwo Mahado Sheekh Cali oo ka hadashay fa,iidada Shabakada iyo in ay dhacdo doorasho Dimoqoraadiyada waxa ay halkaa ka  xustay Madaxweynaha Maamulka DGPL oo Golihii Wasiirada uu dhawaan magacaabay ku daray Gabar Wasiirada hadana u sameeyay Wasaarad Gooniya oo ka shaqeysa Danaha Haweenka iyo Arimaha Qoyska uuna walibana u dhiibay Gabar Aqoon u leh Howlaha Wasaaradaa ayay Tiri Mahado.

Waxaa iskuso dubaridey C/fatax Jaamac, SomaliTalk.com / Boosaaso | Email: somalitalkpl@yahoo.com

Faafin: SomaliTalk.com | Jan 27, 2005

ARDAYDA REER SOMALILAND EE MAGAALADA KARACHI OO U DEBAAL DEGTAY CIIDUL ADXA IYO URUR CUSUB OO AY KU DHAWAAQEEN