Raisul
wasaaraha dalka Ethiopia Meles Zanawi oo
todobaadkii hore ka qaybgalay shir ay laheyeen
Golaha Amaanka ee Midawga Afrika Marka lasoo
gaabiyana loo yaqaano (AU) oo ka dhacay
magaalada Libreville ee dalka Gabon ayaa dib ugu
soo laabtay Magaaladda Adis Ababa ee dalka
Ethiopia.
Waxaana ay
qortay wakaaladda wararka ee Ethiopia ENA in Raisul
wasaaruhu uu ka qayb galay shirkaasi oo ay ka
soo qayb galeen 15 dal oo afrikaan, iyadoo looga
hadlay shirkaasi guud ahaan Amaanka Gobolka.
Shirkaasi waxaa
intiisa badan looga hadlayay ciidamada Amaanka
ee jooga gobolka daarfuur iyo dhibaatooyinka ka
taagan Democratic Republic of Congo iyo Cote
dIvoire oo muddo saacado ah ay ka wada hadlayeen
madaxda ka qaybgashay shirkaasi.
Shirkan oo ah kii ugu horeeyay ee lagu qabtay
meel aan ahayn Magaaladda Adis Ababa ee Xarunta
dalka Ethiopia tan iyo Markii lagu aas aasay
Ururkan Ethiopia, waxaana shirarkii kan ka
horeeyay lagu qabanayay dalkaasi iyadoo guud
ahaan looga hadlayay dalalka Somalia Iyo Sudan.
Raisul
Wasaaraha Dalka Ethiopia mudadii uu halkaasi joogay
waxaa uu la kulmay madaxda Qaaradda Afrika ee
shirkaasi ka qaybgalay , waxaana uu ka codsaday
in Midawga Afrika ay udiraan ciidamo nabad
ileelineed dalka Somalia si Dawladda Cusub ee
Somalia ay uga hawlgasho dalka oo la filayo in
dhowaan ay Muqdisho ay xarun u noqoto Dawladda.
Madaxwaynaha
Somalia Cabdulaahi Yusuf Axmed oo aysan usuurta
galin in uu ka mid noqdo madaxdii ka qayb gashay
shirka AU ee Gabon ayaa dhowr Jeer oo hore waxaa
uu ka sheegay magaaladda Nairobi in loo
baahanyahay Ciidamo Hubka ka dhiga Soomaalida si
loo helo kala danbayn iyo nimaad.