Maamulka Sh/Hoose oo Gubey Hub Laga Soo Ururiyey Burcad
In
kabadan 12 qori ayaa maanta maamulka uu madaxa ka yahay
sheekh yuusuf maxamed siyaad (indha cade) ay ku gubeen
fagaaraha weyn ee xeebta magaalada Marka.
Qoryahan la gubay ayaa waxaa laga soo aruuriyay sida ay
sheegayeen madaxda maamulka gobolka shebeelada hoose
qolyo burcad ah ee dadka shacabka ah ku wax yeelaya
wadooyinka iyo magaallooyinka gobolka igayagoo
isticmaalayay hubkan.
Gubista qoryahan aya waxaa ka soo qayab galay dhamaan
maamulka gobolka shabeelada hoose oo uu horsocday
gudoomiyaha gobolka sheekh yuusuf indha cade, suxufiyiin
ka kala socotay gobolada bay, hiiraan jubada hoose
shabeelada dhexe iyo laanta b.b.c da qayebteeda
tababarada sidoo kale suxufiyiintan maanta ka sooqayb
galay gubitaankan ayaa waxa maanta oga bilowday
magaalada marka siminaar soconaya mudo labo isbuuc ah oo
ay qabanayso hay ada b.b.c da qayebteeda tababarada
saxaafada sidoo kala waxaa kasoo qayb galay gubitaankii
maanta ee hubkan dad weyne aad u tira badan oo reer
marko ah.
Hubka
maanta la gubayay ayaa waxay kala ahayeen afar aakee
foodhi safan, sadex faal ah iyo labo M16 ah, hal jabshe
ah iyo labo saar sideetan ah, isla markaana ayaa
ahaayeen kuwii lagu wax yeelayn jiray dadka rayidka ah
ee gobolkan, sidoo kale waxa uu maamulka gobolka
shabeelada hoose sheegay in qoryahan afar ka mid ah ay
lahaayeen qolyo burcad ah oo dhawaantan nin sheekh ah ka
soo afduubtay magalada muqdisho, shana ay lahaayeen
tuugada dadka jidka u gasha, halka sadexda kalana ay
ahaayeen qoryaha lagu waardiyeeyo magaaladana lagu soo
galiyo wax yaabaha maandooriyaha ah sida xashiishada
i.w.m. isla markaana ay xiran yahaiin dableydii qoryahan
lahaa ayna yahiin xukun sugayaal.
Hadaba ma ahan markii u horaysay ay maamulka gobolka
shabeelada hoose uu madaxda ka yahay sheekh yuusuf indha
cade in ay ku guulayestaan soo qabqabashada hubka sharci
darada ah ee lagu fuliyo falalka danbiga ah balse ay
sheegeen in ay tahay markii ugu horaysay oo ay gubaan
qoryaha laga soo aruuriyo burcada hubaysay ee
waxyeelaysa dadka shacabka ah ee ku dhaqan gobolkan
islamarkaana ay sidaan u gubi doonaan qoryaha ay
leeyahiin burcada wixii hada ka danbeeya.
Gubitaanka qoryaha ka dib ayaa waxaa ii suura gashay in
aan waraysi kula yeesho xarunta maamulka gobolka
shabeelada hoose oo ku taala bartamaha magaalada marka
gudoomiyaha gobolka shabeelada hoose Sheekh Yuusuf
Maxamed Siyaad indha cade waxa uuna u dhacay waraysigii
sida tan:
Suaal: mudane mala dhihi karaa in maanta qoryaha
aad gubteen aysan ahayen kuwii sanadahii ugu danbeeyay
la isticmaalay?
Jawaab: Waa su'aal muhiim ah runtii qoryaha aan
maanta gubnay waa kuwii laga soo aruuriyay qolyahii
burcada ahaa ee aan qabanay hadii ayadan qoryahan wax
yeelo laheyna ma ayasan wateen tuugada laftirkooda.
Su'aal: Mudane Yuusuf waxaad sheegtay in xabsiga
dhaxe ee maamulkiina ay ku xiran yihiiin dad
dambiilayaal ah marka dadka danbiilyaasha maxaa ka mid
ah danbiyada ay galeen?
Jawaab:
dadkan eedaysanayaasha ah waxay galeen falal isugu
jira kufsi, dil, dhac, afduub, ka ganacsiga
muqaadaraadka iyo danbiyo kale ?
Su'aal: gudoomiye dadka eedaysaneyaasha ah ee
xabsigiina ku jiraa imisa ayay tiradoodu dhantahay?
Jawaab:
walaaloow horta waxa ay ku xirantahay qofba dabiga uu
galo hada waxaa xabsiga ku xiran kuwo ciidamo ah oo si
amar la aan ah dad u dilay, waxaa ku xiran kuwo burcad
ah oo isbaariistayaal ah, kuwo daymo loo haysto, kuwo
dumar kufsaday, hadba waxay ku xirantahaya baaritaanka
qofka hadba sida uu u dhamaado laakiin xabsiga waxaan
ugu gudbinaa 24 saac gudahood.
Su'aal: gudoomiye hadii mid kamid ah ciidamadiina uu
jir dil ku sameeyo maxaabiista ku xiran xabsiga maxaad
ku smaynaysaan?
Jawaab:
maxakamada ayaa la horkeenayaa, hada waxaa xabsiga ku
xiran kuwo ka tirsan ciidanka oo lagu soo eedeeyay jir
dil iyo sidoo kale waxaa jira kuwo fakiyay maxaabiis
dembiyo ku eedaysanaa oo ciidanka ka mid ahaa xabsiga
ayaana dadkaa ayaga ah ka arki doontaan sharcigana
askari madax nin yar nin weyn shicib makala lahan.
Su'aal: mudane kawaran hadii hubka ay askartiinu
wataan ay dad ku dilaan miyaa hubkaasi aygana la
gubayaa?
Jawaab:
maya hubka maamulka ayaa iska leh, lakiin qofka danbiga
galay isaga ayaa lagu qadayaa hubkana waa kii loogu
adeegayay dadka shacabka ah hubkuna dambi ma galine
qofka ayaa dambiga gala marka qofka ayaa sharciga la
horgeenayaa.
Su'aal: sheekh yuusuf adinku maamul ahaan ma
taageersantahiin oo masoo dhawaynaysaan dowlada
soomaalida ah ee nayroobi lagu soo dhasay?
Jawaab:
anagu horta dowlad nayroobi lagu dhisay oo aan naqaano
ma jirto, nayroobi dowlad kenya la dhaho ayaa ka dhisan,
hada dowlada kenyana dadka dalka soomaaliyana ma xukimi
karto, shirkii lagu qabtay kenyana anagu kama aanan qayb
galin, aniga ayaana la igu marti qaaday mar golaha
samata bixinta taasina mid ii cuntanta ma aysan noqon
waana diiday oo ma aanan tagin marka meeshaa waxa laga
dhisay iyo waxa ka jira midna garan mayno, dowlad hada
anaga nala soo xariirtana ma jirto, marka anaga
mowqifkaygu wax uu yahay in aan warano marka aan dowlad
aragno.
Faysal xaaji siyaad muumin
marka soomaaliya
faysalsiyaad@hotmail.com
Daabaco
Boggan | Print