Beesha
Sheeqaal oo qaadacday Dowladda lagu dhawaaqay dhawaan Warsaxaafadeedna ka
soo saartay Nairobi.
Shir ay iskugu yimaadeen
Xildhibaanada,Aqoonyahanka,Ganacsatada iyo Dh/haweenka beesha sheeqaal oo ka
dhacay Hotelka 680 ee magaalada Nairobi ayaa laga soo saaray
warsaxaafadeed ka hadlayay in beesha shiiqaal ay qaadaceen Gollaha wasiirada
ee dhawaan la magacaabay sabab la xiriirta in aan la raacin Awood qaybiga
4.5 ee ku salaysan yahay Baarlamaanka.
Kulankan ugu horey waxa ka hadlay Xildhibaan Dr Cali Baashi Cumar oo
sheegay in ay wadeen dadaal sidii ay ku gaarsiin lahaayeen beesha qaybaheeda
kale ee ku kala sugan dalka dibadiisa iyo gudahiisa si mowqif midaysan looga
gaaro ku xadgudubka lagu sameeyay beesha oo aan la siinin waxii ay xaqa u
laheen beel ahaan,balse hadda ay beesha dhan ku heshiiyeen in ay qaadacaan
dhismaha Gollaha wasiirada cusub.
Xildhibaan Bashiir Maxamad Aadan ahaana wasiir ku xigeenka wasaarada
Sportiga oo is casilay kana hadlayay kulankaas ayaa sheegay in dowladda ku
xadgudubtay Sharciga awood qaybsiga baarlamaanka qodobkiisa 12 maqrada 2aad
ee Dastuurka oo sheegaya(Dowlada FKMG ah ee soomaaliya waxay sugaysaa in
dhamaan magacaabista xilalka Xukuumada ay ku salaysnaan doonaan xaqsoor
muwaadiniinta dhexdooda ah) sidaas awgeedna ay go’aansadeen beesha sheeqaal
kadib markii ay arkeen sida dastuurka lagu xadgudbay sida uu
xildhibaanka hadalka u dhigay beesha oo dhan ay ku gaareen go’aan in uu iska
casilo jagadii loo magacaabay ee wasiirka ku xigeenka.
Ugu dambayn waxaa kale oo ka hadlay Shikaas xildhibaan maxamd Abdi Ladiif oo
sheegay in muhiimada ay tahay in la helo xal,beeshana ayasan caqabad ku
ahayn dhismaha balse aysan u jeedin wax lagu qanci karo oo xal ah,xadgudkana
ay la qabaan beelo kale,waxii kenya loo joogay waxya ahayd in xal la gaaro
laakiin xiligan waxay u muuqataa dib u kala dirid,hadii la qancinayo inta
hubaysan ee Nabad ka soo horjeeday xaq maahan in lagu tunto kuwa aan dambiga
dalka ka galin.
Warsaxaafadeedkan oo intaas muhiimad ahaan ka hadlayay waxaa ka mid ahaa in
lagu sheegay in beesha shiiqaal ay go’aan sadeen in ay baarlamaanka kala
baxayaan xildhibaanada kaga jira,iyagoo guddi u saari doona arrintan
xadgudubka ah.
Dhamaan waxgaradkii kale iyo aqoon yahankii ka hadlay goobtaas ayaa
dhamaantood ku taageeray siyaasiyinta baarlamaanka kaga jira baarlamaanka in
aysan qaadanin waxii xadgudub ku ah beesha.
Dhamaan beelaha ku jira baarlamanka ma ahan kuwa wada qanacsan,kuwa qaatay
wax badan kuwa aanba la xusin,inkastoo magacaabistan labaad Mr.Geddi uu wax
badan ka badal sidii hore oo uu wada tashi la sameeyay oo beel walba ugu
yaraan ay heshay wasiir ku xigeen ama wasiiru dowle.hadana ma yara cabasha
iyo wax ka sheegida dowladda.
Canab Mumtaz | Somalitalk.com | nairobi
canabmumtaz@yahoo.com
Faafin: SomaliTalk.com | Jan 12, 2005
 Ciribtirka
Cunitaanka iyo Ka Ganacsiga Qaadka
Soomaalida Minnesota oo isku ballansaday In ay Cunitaanka
Qaadka ka Cirib Tiraan Gebi Ahaanba Meel ay Soomaali Kaga Nooshahay Dunida
Guud Keeda...
Guji...
Kulaabo bogga www.SomaliTalk.com
| 
Daabaco
Boggan | Print