Free Awdal Forum
Booramae 11 january 2005
Ref : wars01/2005
WARSAXAAFADEED::::
Fashilaada Hargaysa
Ummada somaaliyeed
waxay u dhuun dalooshaa isbadalada siyaasadeed ee ka
dhacaya dalka Soomalia gobaladiisa kala duwan gaar ahaan
kan Waqooyiga ee ay af duubeen goonigoosadadu. Cidna
kama qarsoona xaalada ka taagan Waqooyiga iyo dhibta
haysata wiilka reer Awdal ah ee Hargaysa looga saaray
magaca cusub ee " Raaci " oo si rasmi ah uuga soo baxay
afka ninka la yidhaa Jirde ee gudoomiye ku xigeenka ka
ah golaha ayu ugu yeedhaan Baarlamanka.
Waxay baryahan dambe ku guda jireen saamiga qabiilooyinu
u qaybsanayaan kuraasta baarlamaan-ku-sheega. Waxay ku
tirtirfoon jireen inta maleeshiyada Hargaysa aamintay in
ay ka gudnbeen hab qabiileedka oo ay u dalaceen hab
dimuqaradiya! Waxay ku gorgortami jireen Ingiriiskii aan
ku xoqonay iyaan taa ka dhaxalnay oon Koonfur kaga
horaynaa! Waxy ku andacoon jireen way soo gudhay waxayna
noqotay in asal ahaan wixii Hargaysa ay aaminsaneyd ee
lagu dhisay qorshaha xaaraanta ah ee " Soomaaliland "
inay hirgaliyaan iyagoo u daacad ah mabda qabiileedka
Hargaysa iyo Burco sida culus looga aaminsan yahay.
Balaayo afka lagama dhowree wiilkii Rayaale anfariir
iyaa ku dhacay markuu is yidhi bal wax ka sheeg sida
sami qaybsiga reer Awdal u arki doonaan. Odayaashii u
qaabilay ee Isaaqa ahaa ee u beerlaxawsanaayay waxay ku
yidhaahdeen sidan : "Daahirow markii Nabigu( SCWS) Makka
qabsaday jagooyinkii siyaasadeed ee dawlada wuxuu u
dhiibay reer Marka markaasay ka cadoodeen reer Madina oo
tirsanaayay in iyagu ay u sahleen guusha Rasuulku
gaadhay. Markaas ayuu Rasuulkii (SCWS) ku yidhii reer
Madiinow idinku faa’idaad joogtiin waayo anigaa idinka
mida oo Madiina iyaan inila dagayaa ee sidaa ku raali
noqda. Daahirow maanta Gadabuursi inay cawdaan maaha
waayo saldanadii u saraysayba iyagaa haya "( What a
hypocrisy!)
Sheekadii waxy ku soo gaba-gabowday in wax dhow iyo
toban kursi la siiyo Gadabuursi oo u dhiganta boqolkiiba
17% kuraasta meesha taal. Isaaqna qaato boqolkiiba
lixdan wax ku dhow 60%! Kuma daalayno dadka kale
saamigooga waayo cadaalad darada u weyni waxay ka
muuqataa faraqa u dhexeeya saamiga Gadabuursiga iyo
saamiga Isaaqa. Rayaale iyo inta yar ee ku daba nooli
markay cad-xaraan ah sii sumeeyaan soo sheekadu maaha
islaantii tidhi marna waa quustay marna waan qar goostay.
Balse arintanu halkay ku arooroayso amba salka ku hayso
aan eegno ka dib waraysigii dhawaan Jaamac Yare bixiyay.
Waad ogsoontihii in dhawaan Jeneraal Jamac axamad Qaalib
waraysi balaadhan ku sheegay xaqiiqada ay aaminsanyihiin
qabiilka Isaaq oo ah in Soomaaliland inay tahay Isaaq.
Jaamac Yare oon wadaagno fikirka midnimada soomalia
wuxuu kor u yidhi wuxuu guud ahaan Isaaq hoos u yidhaa,
taas oo ah : " Soomaliland waa Isaaq , haddii la
qanciyona way imanayaan… " waa siduu Jaamac Yare hadalka
u dhigee.
Jeneraal Jaamca Yare wuxuu inta yar ee reer Awdal ah ee
isku ilowday Hargaysa xasuusiyay inay wadaan amba ku
daalayaan waxaan waxba uga shaniyo toban ahayn. Wuxuu
xasuusiyay in shaygan la yidhaa Soomaliland ay tahay
qorshe siyaasadeed oo Isaaq u isticmaalo amba u
samaystay inuu kula gorgortamo Muqdisho. Kalmada Raaci
ee odayga Jirde, ina Rayaale ku sheegay iyo tan Jaamac
Yare way istagayaan oo waa isku macne. Jaamac yare wuxuu
sheekada ku darin oo meesha taalaa oo si weyn uu u
halmaamay waxa weeyi xaqiiqadan : Haa Soomaliland waa
Isaaq laakiin Isaaq soomaalilaand nimadiisa waa inay ku
eekaato oo qudha saddex geeska Berbera-Hargaysa-Burco.
Wixii saddexgeeskaa ka baxsan in qorshe –isaaqeedka la
gaadhsiiyaa waa xaraan amba waa gardaro geedna loogu soo
gaban oo micnaheegu yahay dhulbalaadhsi.
Su’aashu waxay tahay muxuu Rayaale qabanayaa?
Rayaale waxaa cad
inuuna wax badan ka dhagaysan odaygii Cigaal ahaa oo
laftiisu qabay tan Jaamac yare ka dhawaajiyay oo ahayd
haddii Isaaq la qanciyo Isaaq wuu soo noqon. Rayaale
isagaa ku sugay in maanta reer Hargaysa uugu yeedhaan
Raaci. Rayaale wuu moogyahay inay dabayshu is badishay
reer Awdalna way la socdaan xaalku halkuu maraayo. Reer
Awdal marnaba uuma dul qaadan karaan awaaqib xumada ay
wadaan Rayaale, Buuni iyo qaar la mid ah awaaqib xumadaa
oo la rabo in Gadabuursi loo galiyo kabo horeba loogu
kari waayay.
Rayaale wuxuu sugaayaa
markay Muqdisho u kicitimaan siyaasiinta “Somaliland”
isagoo ku jira laftiisu . Laakiin marka madaarka
Hargaysa lagu reebo muxuu ku hadli doonaa, ileen
waagiibaa dabadiisa ka baryee? Maantuu haystaa fursado
badan oo mustaqbalkiisa siyaasadeed wax wayn u tari
lahayd dadkiisuna ku cafin lahaayeen. Maanta haduu
lumiyana Ilaahay ha u naxariisto. Kama hadlayno kuraas
Hargaysa lagu qaybsamo oo qudha ee waxaan ka hadlaynaa
waa mustaqbalka siyaasaded ee Awdal oo fursada ay
haysato gobol haystaa jirin.
Waxaan ugu baaqanay shicib weynaha rer Awdal inay ka
foojignaadaan talaabooyinka foosha xun ee qaybiyoo
xuqunka ah ee maamul-ku-sheega Hargaysa ka wado gobolka
iyo degmada Gabilay ee baryahan dambe lagu hayo
gardarooyin badan oo sal u ah dhulbalaadhsiga Hargaysa.
Ururka Free Awdal Forum wuxuu ummada reer Awdal iyo kan
soomaliyeedba u rajaynayaa sanad wanaagsan oo Ilaahay
inoogu deeqo nabadgelyo, midnimo iyo cadaalad.
Guul iyo midnimo.
Afhayenka Free Awdal Forum
Dr Idriss H. Nuur
Fradal1@hotmail.com
Daabaco
Boggan | Print