Galkacyo (Somalitalk)

Isniin 2/28/05

Waxaa maanta soo gaaray magaalada galkacyo wafti balaaran  oo uu hogaaminayay Madaxwaynaha Dowlada Federaalka ee Soomaaliya ayaa abaarihii saacaddu markay ahayd 2:20 daqiiqo oo ku beegnayd geeska afrika gaar ahaanna saacada Soomaaliya ka soo dagay garoonka diyaaradaha ee magaalada galkacyo , waxaana ku soo dhoweeyay qaar kamida masuuliyiinta gobolka mudug oo ay ka mid ahaayeen gudoomiyaha gobolka mudug Maxamed Warsame Cabdile Jabhad duqa dagmada galkacyo Xusen Jamac Yabaq, xubno loogu talagalay in ay soo dhoweeyaan madaxwaynaha iyo waftigiisa, qaar kamida ururada haweenka, dhalinyarada, ardayda iskuulada, qaar kamida masuuliyiinta koofurta galkacyo, iyo dadwayne aad u farabadan oo gaaraya illaa dhowr kun oo qof. 

Waxaa sirasmiya u soo dhoweeyay Waftiga Ciidamada Daraawiishta ciidamada booliska PL, kadib markii ay soo caga dhigteen diyaaradaha ayaa loo fidiyay roogag casaana oo loogu talo galay in ay ku soo socdaan madaxwaynaha iyo waftigiisa uuna ku wehliyay Gen, Cadde Muuse Xirsi Boqor oo ah madaxwaynaha DGPL iyo Xasan Abshir Faarax oo ah wasiirka dakadaha iyo kaluumaysiga badda ee dowladda federaalka Somaaliya.

Waxa ka muuqday garoonka maantay xamaasad aad u wayn oo lagu soo dhowaynayay dowladada federaalka Soomaaliyeed ayadoo ay qiiro ka muuqatay dhamaanba shacabka oo isu soo diyaariyay soo dhowaynta, haweenka ayaa ku labisnaa dharka alindiga lyo hidihii iyo dhaqankii Soomaaliyeed ee lagu yaqaanay hablaha waxayna wateen calanka buluuga ayadoo ay ku labisnaayeen calanka oo laga tolay canbuuro iyo jalaabiib dushana jalbaabkana uu si gaara uga muuqday calanka buluuga halka canbuurkuna uu ahaa cadaan oo kaliya sidoo kale waxaa la dhigay gudaha garoonka diyaaradaha ambalas oo ay saaraayeen shaqaalaha caafimaadka ee gargaarka dag daga ah gaarigan oo ay ka muuqatay calaamada bishacas waxaana la socday qaar kamida dhaqaatiirta gobolka mudug uuna ka mid ahaa Pr, Maxamed Jaamac, ku simaha  isku duwaha caafidaadka iyo dhaqaatiirkale.

Waxaa la adkeeyay amaanka garoonka diyaaradaha oo ay sugayeen ciidamada gobolka mudug waxaa maanta gawaarida timid ay gaarayeen illaa boqol tiro kor u dhaafeysa ayna qaadi wayday dadwaynihii xiligii lagu noqonlahaa gudaha magaalada oo ahayd halka ay ka yimaadeen caruurta iyo shacbkuba waana looga soo tagay qaar kood airoport-ka magaalada halkaa oo ay dad badani ka soo lugeeyeen.

Waftiga uu hogaaminayay Madaxwaynaha ayaa horay loogu diyaarshay hotel Taar oo ku yaal koonaha magaalada gaar ahaanna dhinaca koontaroolka bari ee magaalada galkacyo.

inta uusan madaxwaynaha iyo waftigiisu aysan ka bixin garoonka diyaaradaha ayuu sitoosa u dhexqaaday afarta dhinac ee airoboorka magaalada, waxa uuna u gacanhaatinayay dhamaanba shacabka ayadoo ay ciidamaduna salaan u bixiyeen madaxwaynaha iyo waftigiisa.

Isla goorihiiba waxaa loo gudbiyay hotel Taar waxaana loogu diyaariyay qado isaga iyo wufuudiisaba waxaana sitoosa u sii raacay dhamaanba xubnihii wasiirada ee soo dhowaynayay waftiga, masuuliyiinta gobolka, masuuliyiinta koofurta galkacyo, ganacsatada, saxaafadda, iyo dadwayne kale intaba. waxaa lafilayaa in uu bari ka qudbayn doono garoonka kubada cagta ee gaalkacyo.

sahrosiglan@hotmail.com | SomaliTalk.com | Galkacyo