Barnaamijkii Radio Xoriyo

15 Feb. 2005

• Ciidamada Wayaanaha oo dad badan Xabsiyada u taxaabey
• Dagaalladii ugu denbeeyay ee gumaysiga lala galo
• Gudi ka socda AU oo booqdey Magaalada Muqdisho
• Yurub oo walaac ka muujisay soodinta Eritrea iyo Itoobiya
• Iyo waraysi dheer oon la yeelanay guddoomiyaha JWXO Admiral Maxamed Cumar Cismaan
   

======================

Ciidamada Wayaanaha oo dad badan Xabsiyada u taxaabey

Ciidamada Doolka ee Gumeysiga Itoobiya ayaa sidii caadada u ahayd halkoodii kasii wada tacadiga iyo duliga ay ku hayaan shacabka Ogadeeniya.

Bishan Febraayo 10, 2005 ayaa CWXO ku laayeen Ciidamo Wayaano ah meesha lagu magacaabo Barmiilka, kadibna Ciidamada Gumeysgu sidii caadada u ahayd waxay ku gadoodeen dadkii shacabka ahaa ee agaas degenaa, iyago ku dhaqaaqey hanti boob iyo in ay dadkka qaar nolol ku kaxaysteen iyada oo aan ilaa hada laga warhayn meel ay dadkaasi geeyeen.

Dadka ay moora duuga u geysteen waxaa ka mid ah haweeney lagu magacaabo XALIIMO SAAFI, halka ay nolol ku kaxeysteen

1- Fatxi Mohamed Khaliif.

2- Cumar Macallin Saxardiid.

Sidoo kale, Cidamada Wayaanuhu waxay todobaadkii hore Tuulada
Labiga ku dileen nin aanaan weli magiciisii oo buuxa haynin, hase yeshe dib aan idiinka soo sheegi doono.
 

Dilka ninkaasi shicibka ah ayaa waxaa aad uga xanaaqey dadka degaankasi degen, iyagoo muujiyey colaad dhab ah oo ay u qaateen Ciidamada Gumeysiga Itoobiya iyo Dabaqoodhigooda.

Ciidamada Wayaanuhu waxay boqolal ruux ku xireen isbuucyadii la soo dhaafey deegaano badan oo ka mid ah Ogadeeniya.

Degaanadaasna waxaa ka mid ah, Magaalada Shilaabo oo lagu xirey dad kor u dhaafey 100 ruux oo lagu eedeyey in ay gacan saarla leeyihiin JWXO, bishan Febraayo, 5, 2005, dadkaasi oo ay magacyadooda naga soo gaareen 7 qof oo kala ah

1- Siyaad Ahmed Jiirow.

2- Xumbuli Nuuriyere.

3- Cabdi-yare

4- Jeel Qambi Shaaciye.

5- Ugaas Xassan Aw Cabdi

6- Nafyar Duulane Dahir

7- Xassan Ahmed Noox; iyo kuwo kale oo badan.

Sidoo kale Yucub ayaa Bishan Febraayo 5, 2005 lagu xidhay dadka kala ah:

1- Xassan Nuur Dhicis.

2- Seeraar Taxaliil Muuse.

Qoriile ayaa Bishii Janaayo 30, 2005 lagu xir xiray dad tiro badan oo ay ka mid yihiin:

1- Sugulle Cali Abshir.

2- Bashiir Sugulle Cali.

3- Afyare Qarawo Cismaan

4- Yooye Yuusuf Aar.

5- Xassan gaaxnuug Yuusuf.

6- Carab Macallin Biixi.

7- Khadar xaji Taxliil.

8- Sayid Hudle khaliif. iyo kuwo kale.

Magaalada Caado iyo Danood ayaa ka midah goobaha isbuucyadan dadka shacabka ah ee tirada badan lagu xiray, waxaana ka mi dah dadka lagu xiray Magaalada Caado ninka lagu magacaaboTahar Macallin Yuusuf.

Dagaalladii ugu denbeeyay ee gumaysiga lala galo

Dagaalka Gobonimo doonka ah ee u dhaxeeya CXO iyo kuwa cadowga Itoobiya ayaa si joogto ah uga socda Gobolada Ogadenya oo dhan.

Dagaaladii ugu denbeeyay ee ka dhexdhaca CWXO iyo Ciidamada Gumaysiga Itoobiya waxay u dheceen sidatan:

5/2/05, Dagaal ka dhacay duleedka Wardeer, waxaa ciidamada wayaanaha lagaga dilay 5/askari, 5/kalena waa laga dhaawacay.

6/2/05, Dagaal ka dhacay Garoonka waxaa cidamada gumaysiga lagaga dilay 6 askari, 12-na waa laga dhaawacay.

9/2/05, Galaalsho agteeda waxaa lagu gubay Baabuur ciidamada Wayaanuhu leeyihiin oo nooca Uralka loo yaqaano ah, halkaasna ay ku basbeeleen Baabuurkii iyo ciddi saarayd.

10/2/05, Meel Barmiilka iyo Gasangas u dhexaysa dagaal ka dhacay waxaa cadowga lagaga dilay 10 askari 12-na waa laga dhaawacay.

11/2/05 Meel Qarsoodi & Shilaabo u dhexaysa waxaa lagu gubay Baabuur Uraal ah, oon isaga iyo wixii saaraa ay isla gubteen

Gudi ka socda AU oo booqdey Magaalada Muqdisho

Wararka nagasoo gaaraya Magaalada Muqdhisho ayaa sheegaya in mas’uuliyiin sar sare oo ka kala socota African Union, IGAD iyo Ururka Carabta ay maalintii Isniinta booqdeen magaalada Muqdisho. Waftigan oo qiimeyn ku soo sameyn doona xaalada nabadgelyo ee Magaalada muqidhso.

Socdaalka waftigan oo qaadan doona qiyaastii 10-12 maamlmood ayaa wuxuu horudhac u yahay Ciidamada nabadgalyada ee ay wadamada IGAD ugu yabooheen Soomaaliya si ay sugaan xaalada nabadgelyo ee Magaalada muqdisho iyo magaalooyinka kale ee Soomaliya.

Balse Itoobiya oo ka mid ah wadamada safka hore ee IGAD ayaa si aad ah looga soo horjeeda, waxaana Magaalada muqdisho ka dhacey banaanbax looga soo horjeedo Ciidamada shisheeye ee la hindisayo in la keeno Soomaliya iyo gaar ahaan in Itoobiya ka mid noqoto.

Si kastaba ha ahaatee,wararka naga soo gaadhaya Magaalada Nairobi ayaa sheegaya in Itoobiya wado dar-dar cusub oo ay ku kasbanaysao xubnaha baarlamaanka ee Soomalida iyadoo wada hanjabaado iyo laaluush is garab socda.

Warku wuxuu intaas ku darayaa in sargaal sare oo Itoobiya u qaabilsan xaga sir doonka uu ku sugan yahay magalada Nairobi, kaas oo fulinaya qorshaha dawladda Itoobiya ee ku aadan sidii ay u ugaarsan lahayd Xubnaha Siyaasadeeda ka dhanka ah.

Yurub oo walaac ka muujisay soodinta Eritrea iyo Itoobiya

Wadada Yurub ayaa walaac ka muujiyey dhaq-dhaqaaqa Ciidan ee ka socda soohdinta Itoobiya iyo Eritrea, hakkaas oo dagaal boqolaalkun ku naf waayeen ku ku dhexmaray labada dal sanadihii 1998-2000.

Yuurub waxay ugu baaqdey labada wadan inay u hogaansamaaan go’aankii gudiga caalamaiga ee Magaalada Hage, go’aankaas oo ay dawladda Eritrea aqbashey,halka ay dawladda Itoobiya diiday, inkasta oo bisii November ee kal hore uu Meles sheegay in ay aqbaleen, laakiin doonayo in marka hore wada hadala gelo eritrea.

Arintaasna, waxaa gaashaanka ku dhuftey Eritrea iyo wadama awoodaweyn leh, kuwaas oo ku sheegay in hadii wada hadal dib loo furo ay lid ku tahay go’aankii labada wadan hore u saxeexeen ee ahaa in ay u hogaansami doonaa go’aan kasta oo uu soo saaro gudiga caalamiga ah ee Hage,iyadoo bishii December, 2004 ay wadamada Yurub ku raaceen go’aanka Eritrea ee ah in ay qaadacdo wax wada hadal ah inta Itoobiya fulinayso go’aanka gudiga hage.

Si kastaba ha ahaatee, Itoobiya ayaa wada dhaq-dhaqaaq ciidan oo badan iyo hub aruursi. Sida ay qortey Jajiirada lagu magacaabo "Difaaca iyo Nabadgelyada ee ka soo baxda wadanka Ruushka, waxaa bishii January 12, 2005 tagey magaalada Moscow Wasiirka Arimaha Dibada ee Itoobiya, iyadoo ujeedada socdaalkiisu ahayd sidii ay Itoobiyau iibsanlahayd hub nocyo kala duwan isugu jira, waa sida ay wargeysy hadalka u dhigaye.

Radio Xoriyo, 15 Feb. 2005

Ahmed Gal-eri

radioxoriyo@ogaden.com
raadioxoriyo@yahoo.com

Radio Xoriyo waxaad ka dhegaysan kartaa Mawjadda 31 MB ee dhererkeedu yahay 9820 KHZ, Maalmaha Talaadada iyo Jimcaha 7: 30PM waqtiga Afrikada Bari