Wafdi
uu hogaaminayo gudoomiye ku xigeenka Koowaad ee
BFKMG ah oo la kulmaya Baarlamaanka Talyaaniga.
Wafdigan oo uu
hogaaminayay Prof.Maxamad Cumar Dhalxa ayaa
xalay ka ambabaxay garoonka Magaalada Naiorobi
iyagoo ku sii jeeda magaaladda Roma ee xarunta u
ah dalka talyaaniga, kadib markii ay ka helaan
casuumaad baarlamaanka talyaaniga sida uu iigu
waramay Gudoomiye ku xigeenka koowaad.
Wafdigan waxaa laga soo kala saaray shanta
qaybood ee uu ka kooban yahay baarlamaanka
Somaaliya iyagoo gaaraya 22 xubnood oo
xidhibaanada kaliya ah.Wafdi kan la mid ah uuna
hogaamin doona Afhayeenka baarlamaanka ayaa
iyagana ka ambaxi doona Nairobi habeen dambe
iyagoo ka qayb gali doona isla kulanka.
Ujeedada casuumadan ayaa la xiriirta is barasho
iyo iskaashi dhaqaale iyo siyaasadeed oo dhex
mara labadan dal, waxa ayna ka wada hadli
doonaan oo kale sidii loo xoojin lahaa xirirka
ka dhexeeya labadooda dal iyagoo is dhaafsan
doona afkaaro la xirira sidii soomaaliya looga
caawin lahaa dhinacyada dhaqaale iyo tababarka
baarlamaanka waxa ayna ka qayb gali doonaan
kulamada baarlamankaas.
Dabayaaqadii sanadkii hore ayay soo booqdeen
baarlamaanka soomaaliya xubno matalayay
baarlamaanka talyaniga iyagoo u gudbiyay salaan
iyo taageero ka timid kan talyaaniga,waxa ayna
sheegeen in baarlamaanka talyaaniga iyo
dowladisaba ay diyaar u yihiin in ka caawiyaan
baarlamaanka soomaaliyeed waxii taageero iyo
dhaqaale ah ee ay uga baahdaan.
Waa markii ugu horeysay oo xubanah baarlamanka
FKMG ahi ay ka qayb galaan kulan noocan ah oo
lagu qabto wadan ka mid ah Qaaradda yurub tan
iyo markii la dhisay baarlamaanka Somaaliya.
Dowladda talyaaniga waxa ay ka mid ahayd
dowladihii soomaaliya gumaysan jiray,waxii ka
dambeeyay markii ay soomaaliya ka xorowday ilaa
hadda waxa ay dowladdaasi soomaaliya usoo
diraysay wakiilo si gaar ah ula socda xaalada
soomaaliya,intii ay socdeen shirarka
soomaalidana xiliyadan dambe waxa ay si dadban
ugu jireen siyaasada soomaaliya.
Horaantii bishan ayay ahayd markii la soo
saaray lafihii mayadad talyaani ah oo lagu
xabaalnaa magaalada Mogadisho,arrintan ayaa cara
galisay talyaaniga waxa ayna dalbadeen in la
baaro dadkii ka dambeeyay iyo sababtaba,balse
waxaa cudurdaar ka bixiyay qaar ka mid ah
dowlada FKMG ah, culumada,siyaasiyiin iyo dad
kale.
Canab Mumtaz |
SomaliTalk, nairobi
canabmumtaz@yahoo.com | Feb 13, 2005
Faafin:
SomaliTalk.com | Feb 13, 2005
Dubai:
Kooxda Somalia vs Jordan
Ciyaaryahan Jamayka midig iyo
Maktuum Shiikh Maktuum bin
Maxamed oo ah ninka koobka
Festival ka Dubai soo qaban
qaabiye iyo Goolhaye Sacad
Gudoomiye Nuune iyo Xulka
Jaaliyadda Somalia ee Dubai
Qunsulka Dubai Maxamed Barrow
iyo Ciyaartoyda Jaaliyadda
Somalia |
Habeenimadii 9 February 2005 Mar ay
caawa saacadu isku shareertay 10:50pm ee
magaalada Dubai ee dalka United Arab
Emirates, koobka Festival ka ee ka
socday wadankaan UAE ee magaalada Dubai
waxaa ciyaar aad iyo aad u xiisa badan
isaga hor yimid laba jaaliyadood oo kala
matalaye laba wadan Jordan iyo Somalia,
Jaaliyada Jordan oo ka dhisan magaalada
Al Ain iyo Jaaliyadda Somalia ee ka
dhisan magaalada Dubai, ciyaartani oo
caawa Final ahayd waxaa lagu ciyaaraye
magaalada Dubai garoon yar oo salax ah,
ciyaartooyada Jaaliyada Somalia iyo
Maamulayaasha iyo Xog Hayeenadooda:-
-
Tababre Othman Maye Abubakar (Iskood)
-
Tabare
ku xiigeenka Abdulle Ibrahim Ahmed (Catabeey)
-
Maamulaha Jaaliyada Abdi Rachid (Nuune)
-
Maamul
ku xigeenka Hussein Ahmed (Laabane)
-
Xoghaye Saeed Jama (Qooreey)
-
Xoghaye ku xigeen Omar Suldan (Cumar
Dayax)
-
Ciyaartoyda oo iyagana kala ahaa:-
-
Abdulkadir Moallim Mohammed (Jamayka)
-
Ahmed
Noor Warsame (Biibaaye)
-
Hassan
Ahmed Omar (Xasan Carab)
-
Hashim
Omar Sabir
-
Abdow
Ali Sufi
-
Saeed
Mohammed Ayoub (Goolhaye iyo
Kabtanka kooxda)
-
Liban
Iman Mohamed (Islaawga)
-
Amir
Omar Amir
-
Ahmed
Noor (Malaay)
Sidoo
kale ciyaartooyada u ciyaaraysay
Jaaliyada Jordan waxay magacyadooda kala
ahaayeen:-
-
Tababare Adil Sitabuha (kabtanka
kooxda)
-
Mundir
Elyas (Goolhaye)
-
Mohammed Hussein
-
Zaid
Abdalla
-
Mohammed Jamal
-
Ihab
Mohammed
-
Mahmoud Sowma
-
Awadallah Abdalla
koobkani oo ka koobnaa 8 jaaliyadood
ayaa waxaa isugu soo haray Final ka
Jaaliyada Jordan iyo Jaaliyada Somalia,
waxaa garoonka isugu yimid dadwayne aad
iyo aad u fara badan oo kala taageeraye
labada Jaaliyadood, inkastoo oo ay aad u
badeen taageerayaasha Jaaliyada Somalia
ee ka dhisan wadankaan UAE, waxaa ka mid
ahaa dadka kasoo qeybgalay:-
Qunsulka Somalia ee Wadanka UAE, Mudane
Mohamed Barrow Ghedi iyo Secretary giisa
Osman Ali Qasim (Cabdullow), Ahmed Noor
Hashi (Sayga Ruushka) oo inaga soo
siyaartay London (UK), Ali Hassan
Garabow (Raamaale) oo inaga soo
siyaartay London (UK), Ahmed Issa
Galladi oo inaga soo siyaartay Toronto
(Canada) iyo kabtankii hore ee Somalia
ee Kubada Kolleyga Omar Abdulkadir (Baarajab)
oo isagana ku nool wadankaan UAE,
wuxuuna tababare u yahay Naadiga AL AHLI
ee kubada Koleyga kana dhisan Wadankaan
UAE, waxay ciyaartu ku bilaabatay si
xamaasadaysan, waxaa ciyaarta la
ciyaaraye waqti aad iyo aad u cariiri ah
15 daqiiqo qaybta hore iyo 15 qaybta
dambe, balse nasiib darro waxaa ay
ciyaartii ku dhamaatay 5 - 2 oo ay
guushu ku raadday Jaaliyada Jordan, 5
gool oo ay ku badisay Jaaliyada Jordan
waxaa u kala dhaliye Mohammed Hussein
(3), Mohammed Jamal (1), Awadallah
Abdalla (1), (2) gool kaliya ee
Jaaliyada Somalia keensadeen waxaa u
dhaliyay Mohammed Abdullah (Oday), waxaa
halkaasi ay Jaaliyada Somalia ay kala
soo hoyatay caawa oo ay soo galayso
maalin Khamiis ah billadooyin
lagudoonsiiyay iyo koob iyo Goolhayaha
ugu wanaagsanaa oo ay ku guulaysatay
Jaaliyadda Somalia, kabtanka Jaaliyada
Somalia goolhaye Saeed Mohammed Ayoub,
taageerayaal aad u fara badanaa oo rag
iyo dumar isug jiray waxaa ka mid ahaa
dadka ugu ololo badnaa oo wajigiisa
xamaasadda ka muuqatay Mohammed Noor oo
ku magac dheer (Xirsi) oo runtii
ciyaarta inta aysan bilaaban isbiirtid
iyo wadan jaceylnimo ay ka muuqatay,
balse ciyaarti markii ay dhamaatay hadal
uu ku kaftamaye ayaa waxaa ka mid ahaa
Somalia oo dowlad la’aan hadii ayba
Final timid dowlado badanna ay inaga
hareen, maxaad u malayn lahaydeen hadii
aan dowlad leenahay, sidoo kale waxaa ka
muuqday garoonka taageerayaal aad u fara
badan oo runtii aan halkaan magacyadooda
lagu soo koobi Karin sida:- Ahmed Noor
Yahie (Shilal), Ali Ahmed (Bariise),
Mohammed Yousuf iyo gabdho farabadan oo
soomaaliyeed oo runtii iyagana aad u
faraxsanaa.
Isku
soo duba ride
Ismail Mahmoud
Dubai – UAE
Email:
ismoma114@yahoo.com
Ururka
Ardayda Puntland ee India
Ururka Ardayda
Puntland(Puntland Students Association,India)
waa is-bahaysi ardayeed oo ka jira wadanka
India, kaasoo la aasaasey June-22-2001,
waxaana ujeedooyinka loo aasaasey ka mid ah :
-
- In
ardayda kasoo jeeda degaanadaasi aay iskaga
kaashadaan waxii danohooda aduun iyo aakhiro
ah.
-
- In
la isku-baraarujiyo ujeedada weyn ee
waxbarashada ee wadankaan loo joogo.
-
-
- In
la dhiirigaliyo islamarkaana loo raadiyo
ardayda xogo-buuxo oo ku saabsan
waxbarashada wadanka India, iyo in la
gaarsiiyo xogohaas ardayda u baahan ee ku
sugan dibada iyo gudaha dalka labadaba.
-
- In
laga caawiyo ardayda cusub waxyaalaha la
xiriira admissionka, degaanka. Iyo sharciga.
-
- In
loo kaalmeeyo wax allaale iyo waxii suuragal
ah xubnaha ka tirsan ardayda ee aay lasoo
gudboonaato duruufo dhaqaale.
-
- In
is-kaashi walaalnimo lala yeesho dhamaan
ardayda soomaaliyeed ee ku dhaqan India iyo
meel kasta
Mudadii uu jirey
golahaani waxuu si joogto ah u gudanayay
xaqiijinta ujeedooyinka kor ku xusan, iyadoo
mudadii uu jirey aay soo mareen maamulo
dhowrah,iskugu wareejiyay si habsami leh,
waxaana uu shirku ku guuleystay guulo la taaban
karo.
Qaab dhismeedka
maamul ee ururku waa sidaan:
Ururkaani waxuu
kulmiyaa ardayda ka soo jeeda degaanada puntland
ee ku sugan gobolada kala duwan ee India,
waxaana xaruntiisa aay tahay magaalada Hyderabad
oo ah halka aay joogaan tirade ugu badan ee
xubnaha ururkaani.
Waxaa dhawaan
dhici doonta doorashadii guud ee ururkaani uu ku
dooran lahaa gudoomiye cusub, kadib markii aay
dhamaatey waqtigii (6-bilood) maamulka hada jira
ee kala ah:
-
Abdirisaaq
Nuur Daahir- Gudoomiye (ahna sii hayeha
Khasnajiga)
-
Bashiir Ciise
Bare – Gudoomiye ku xigeen
-
Gudiga
dhaqaalaha
-
Daahir
Maxamuud Yuusuf
-
Yuusuf
Muxyadiin C/salaam
-
Yaasiin
Ismaaciil Xaaji
Doorashada guud ee
gudoomiyaha ayaa lagu wadaa iney dhacdo 13-ka
bishaan febraayo taasoo lagu wado in gudoomiyuhu
uu kusoo dhiso gudiga la wadi doonta howsha
marka la doorto.
Waxii kasoo baxa
doorashadaas dib ayaan usoo gudbin doonaa hadii
ilaah idmo.
Abdirisaaq Nur
Daahir
Gudoomiyaha Ururka Ardayda Puntland ee India
Leyste15@hotmail.com
00919885250688
Ciidamo diiday inay Ogadenya ka dagaallamaan oo xidhxidhan
Ka akhri wararkii radio xorriyo ee maanta...
Guji...
Wafdigii baarlamaanka ee Muqdisho tagay oo Qaarkood oo kusoo
laabtay Nairobi
Baarlamaanka ayaa lagu wadaa in ay
shir iskugu yimaadaan iyagoo ka wada hadli doona arrinta ciidamo
keenista
Guji...
Meydkii Gabar Soomaaliyeed oo Laga helay London, Ontario, Canada
Faisa Cabdulqadir waxaa
meydkeedii laga helay..
Guji.. Feb 10
Faafin:
SomaliTalk.com | Feb 13, 2005
Daabaco
Boggan | Print