Daabaco Boggan | Print

---

---

• Warsaxaafadeed uu Qabtay Mushraxa Jagada Madaxweynenimda DGPL Ing. Abshir Muuse
• Wakiilka Puntland arimaha Carabta oo ka qaybgalay munaasabad lagu xusayay aasaaskii Jaamacada Sharqu Niil

Warsaxaafadeed uu Qabtay Mushraxa Jagada Madaxweynenimda DGPL Ing. Abshir Muuse

Waxaa isku soo dubaridey
c/fatax jaamac
somalitalkpl@yahoo.com

Dec 16, 2004

Ing. Abshir Muuse

Musharaxa Jagada Madaxweynimada DGPL Ing. Abshir Muuse ayaa maanta ku Qabtay Caasumada DGPL ee Garoowe Warsaxaafadeed uu kaga hadlaayo Barnaamijkiisa Musharaxnimo.

Ing: Abshir Muuse ayaa waxa uu ka mid yahay Siyaasiyiinta Ruugcadaaga ah ee Beelaha ku dhaqan Gobolada Puntland asagoo hore ugu Qabtay Warsaxaafadeedkaas oo kale Magaalooyinka Qardho iyo Boosaaso.

Waxaa Jagada madaxweyne nimada DGPL u sharaxan ilaa hadda Rag gaaraya 5 Musharax oo doonaya in ay Qabtaan Hogaanka Maamulka DGPL Musharaxa. Ing: Abshir Muuse ayaa ah kan kali ee ka hadlay Wax qabadkiisa Gobolada Puntland ayagoo aan Musharaxiinta kale aysan wali Qaban Shir Jaraa,id oo ay ku doonayaan inay ku soo ban dhigaan Barnaamijkooda Musharaxnimo.

Ing. Abshir Muuse oo jeedinaya Warsaxaafadeedka

Ing: Abshir Muuse oo ah Nin inta badan ku noolaa Dalkiisa Hooyo ayaa hadana Xoolo Geel u badan ay kaga Dhamaadeen Abaarihii ka dhacay Guud ahaan Soomaaliya.

Ing: Abshir ayaa Warsaxaafadeedkiisa kaga hadlay Ilaa Burburkii Kadib Gobolada Puntland wixii u Qabsoomay iyo Waxaan u qabsoomin, isagoo ka hadlaaya Burburkii soo gaaray Dhaqaalaha Puntland ayaa ku Tilmaamay in uu ahaa Mid ay geesteen Maamulkii Gacanta ku hayay Xiligii 1998 ilaa hada oo ay doonayaan in ay isku soo sharaxaan, waxaa kaloo uu ka hadlay Ing: Abshir Xiligii iska hor imaadka keenay Dagaalka Gobolada Puntland inay jirtay isfahan daro ku kala Dhex jirtay Dadka ku bahoobay Maamulka Puntland taasna aan isku daynay sidii aan u heli laheyn in la badbaadiyo Dadka ku dhimanaya Dagaaladaa Ilaahay intuu qadarayna waa ku dhinteen, waxa kaloo uu ka hadlay wax qabadkiisa Gobolada Puntland Isagoo halqabsi ka dhigtay Ilaahow noogu Dhiib Midka noogu khayrka badan.

Lakiin waxaa aad loo Quud daraynayaa Xubnaha Baarlamaanka ee badali doona Xubnihii Baarlamaankii hore DGPL oo uu Mustaqbalaka Maamulka DGPL uu iyaga soo Dooran doonaan.

Waxaa isku soo dubaridey
c/fatax jaamac
somalitalkpl@yahoo.com

Faafin: Somalitalk.com | Boosaaso| Dec 16, 2004

Wakiilka Puntland arimaha Carabta oo ka qaybgalay munaasabad lagu xusayay aasaaskii Jaamacada Sharqu Niil

Diyaariye Abdikarim Husein Hassan
Suudaan/Undurmaan
iicobos@hotmail.com 

Munaasabad balaaran oo lagu xusayay aasaaskii jaamacada Sharqu Niil ayaa waxaa lagu qabtay 13/12/04 xarunta jaamacada Sharqu Niil, munaasabadaas oo ay ka soo qaybgaleen masuuliyiin ay ka mid ahaayeen madaxwaynihii hore ee dalka suudaan C/raxmaan Suwaaru Dahab wakiilka wasaarada tacliinta sare, gudoomiyayaasha Jaamacadaha Suudaan, hurmuudyada kuliyadaha jaamacadaha, masuuliyiin kale iyo qaybaha bulshada oo kale ayaa waxaa lagu casumay wakiilka DG/Puntland ee arimaha Carabta Maxamed Cabdi Cali (Malow) oo baryahan ku Joogay Booqasho dalka suudaan.

Wakiilka oo halkaa khudbo ka jeediyay asagoo ku hadlaya magaca umada somaliyed ayaa waxaa uu ka mahad celiyay sida qiimaha leh ee loo soo abaabulay xafladaas iyo sida xushmada leh ee loogu casumay xafladaas,wakiilku waxaa uu ka hadlay aasaaskii jaamacada Sharqu Niil oo uu aasaaskeeda lahaa Marxuum Prof Daahir Maxamed Cali allaha u naxariisto oo ku geeriyooday magaalada khartuum mudo afar bilood ka hor ah iyo mudadii ay shaqaynaysay hurumarka balaaran ee ay samaysay,

wakiilku wuxuu carabka ku dhuftay in mudadaa ay shaqaynaysay jaamacada aysan ka mid noqon ardada dhigata ardada soomalida, sida jaamacadaha suudaan intooda badan ay u qaataan ama u soo saaraan arday somaliyeed oo badan, wuxuu rajo wanaagsan ka muujiyay tan iyo intii uu dalka joogay sidii ay u soo dhaweeyeen codsiyadiisii iyo balanqaadka ay u muujiyeen in jaamacadaas sanad walba ay deeq waxbarasho siinayso arday soomaaliyeed oo cayiman, ayadoo maamulka jaamada uu qaatay sanadkaan ardadii ugu horaysay oo Somali ah oo gaaraysa shan arday, wakiilku waxaa uu khudbadiisa ku daray in suudaan ay tahay dalkii labaad ee somaliya dadka somliyeedna aysan ajnabi ka ahayn, asgoo mahad balaaran uga celiyay sidii ay uga gargaareen umada somaliyeed burburkii ka dib dhinaca waxbarashada sare, ayadoo waxbarashada ay tahay mida kaliya ee xal u keeni karta umada somaaliyeed si ay dalkoodii dib ugu dhisaan. gabagabadii waxaa uu yiri suudaan waxaa abaalkooda gudi doona ardada somaliyeed ee gaaraysa kumaankumka ee wax ka bartay jaamacadaha dalka suudaan, marka ay dalkooda ay ku noqdaan, waxaana imaan doonta hadii Rabi Idmo xili ay qaban doonaan masuuliyada dalka intiisa badan.

Hadalkaa ka dib wakiilku waxaa uu gudoonsiiyay madaxwaynihii hore ee dalka suudaan Mudane C/raxmaan Suwaaru Dahab hadana ah gudoomiyaha gudiga sare ee jaamacada isla markaana ah madaxa hayada Munadamatu Dacwa Al Islaamiya hadiyad taariikhi ah oo ay ugu soo tala galeen Maamulka  Machada Culuunta Caafimaadka Bosaaso inay u gudbiyaan Jaamacada Sharqu Niil.

Wakiilka DG/Puntland waxaa uu maalmahan ku sugnaa dalka suudaan, waxaana uu hogaaminayay arday reer Puntland ah oo gaaraysa ilaa 35 arday oo deeq waxbarasho ka helay jaamacado kala duwan oo ku yaal dalka suudaan, kuwaas oo u badnaa ardaydii ka soo qalin jabisay Machadka Culuunta Caafimaadka ee Bosaaso, ayadoo bishii afraad ee sanadkaan ay hada ka hor yimaadeen wakiilka iyo Hurmuudka Machadka Culuunta Caafimaadka Prof C/risaq Xusen Xasan.  

Diyaariye Abdikarim Husein Hassan
Suudaan/Undurmaan
iicobos@hotmail.com 

SEARCH