|
 Fahad
Yaasiin Xaaji Daahir
fahadsom@hotmail.com ama
editor@somalitalk.com
SomaliTalk.com | Nairobi, Kenya
URL:
www.SomaliTalk.com/fahad
:::FAALLADII ISNIINTA EE
FAHAD:::
QORMADA ISNIINTA:::
01
| 02
| 03
| 04
| 05
| 06
| 07
| 08
| 09
| 10
| 11
| 12
| 13
| 14
| 15
| 16
| 17
| 18
| 19
| 20
| 21
| 22
| 23
| 24
| 25
| 26
| 27
| 28
| 29
| 30
| 31
| 32
| 33
| 34
| 35
| 36
| 37
| 38
| 39
| 40
| 41
| 42
| 43
| 44
| 45
| 46
| 47
DALWADDII
SADEXDA SANO LA SUGAYAY OO DAGAAL LAGU HOOBTO KU DHAMAANEYSA
Hadii qofku cudurku
ku raago xubinta laga hayana daawo loowaayo, xalka ugu danbeeya ee ay
dhakhaatiirtu ku talinayaan waa in xubintaas laqalo si dhibta oo dhan looga
nasto. Waa sidaasee qaliinka waa dhibaatada ugu culus ee uu bukaanku la kulmo
inta uu latacaalayo jirrada haysa, qalliinku wuxuu keena inuu baladii haysay ka
kaco, ama ay dhul-dhigato.
Taas waxaan ula
jeedaa Soomaaliya hadday 15.Sano ku dhawaad dagaal qabiil isku layneysay,
dowladnimana ay sidaas ku gaariweyday, dhibtiina ayba ka sii darayso, oo maanta
lagu doodayo Xabashi Xamar makeennaa oo dalka ma u gacan-galinaa, waliba
nasiib-darro kuwii dalka madaxda looga dhigay ay iyagu qandaras-kaas sooqateen.
Waxaa sicad u
muuqata in dhawaan laba kooxood ay xabad isla dhici doonaan, oo kii raayana uu
reerka u hari doono. C/Shakuur Cali Mire ( Gaalaeri) oo kamid ah qorayaasha
Soomaalida ayaa bari hore qoray in dawlada kuwooda hadda kuwada jira ay laba
kooxood isulayn-doonaan. Wuxuu noqday odoros ay dad badani ka naxeen,
nasiib-xumase uu hadda soo muuqanayo ifafaalihiisa. Dad badan oo dalkooda u
naxaya ayaa marmar isdhaha ilaa iyo inta kuwii fitnada bilaabay ay ka
dhamaanayaan oo ay meesha ka baxayaan dowladnimo laheli maayo.
Ku farax ama
kanaxee waxaa sicad usoo muuqanaya u diyaar-garowga dagaalkii ugu danbeeyay ee
Soomaaliya ka dhaca, gobolada dalka inta badanna wuu saamayn doonaa, ciidamo
iska soo horjeeda ayaa meelo kala duwan oo dalka ahna lagu ururinayaa. Ciidamo
kayimid Puntland waatii lagu shegay deegaanno Koonfurta kamid ah, taas kaliya
ma'ahan mushkilladu wuxuuse dagaalku u dhici-doonaa sidan.
-
Bay iyo Bakool oo gacanta la'iskula tagi doono
iyadoo laba guruub lakala yahay, tabaabushay-sigeedana waaba socdaa, tababar,
ciidan diyaarin, iyo wixii kale oo uu dagaal sokeeyo u baahan-yahay oo
dhanba.
-
B/Weyne ilaa Jawhar oo iyadana gacan la
iskula tagayo, walibana ay noqon doonto meelaha dagaalada ugu badan ay ka
dhici doonaan hadii ay madaxda dowladu soo dagaan.
-
Xamar dhexdeeda oo ay dagaallo fud-fudi ka
dhex bilaaban doonaan, hadafkeeda koowaadna uu yahay inaan la nabadeeynin
Muqdisho, iyo inaan lagu fakarin furista dakedda iyo garoonka weyn.
-
Kismaayo oo khal-khal joogto ah lagin doono.
Barre Hiiraalana wareer aan kala harin lagu abuuro, hadba qoladuu la jirsado
mooyee in qolada kale khatar looga dhigo.
-
Gedo oo iyadana dagaal labadaas garab ah
la'abuuri doono, la'iskuna diriri doono cidda maamulaysa degmooyinka, iyadoo
laga faa'iidaysanayo khilaafaadka beeleed ee hadda u dhaxeeya, si loo kala
taageero, walow xaaladda Gedo ay inta badan la jaanqaado hadba dhaq-dhaqaaqa
ka jira Kismaayo.
Waa kuwee kooxaha
labada ah ee ku diriri-doonaa Soomaaliya.
Samatabixin
Waa ururkii lagu
aasaasay Balcad oo magaalo ahaan u xigta Jawhar. Waxaa ku uruuray inta badan
kooxihii diidanaa Siyaasadaha Itoobiya, waa qoladii soo saartay Shariif Xasax ee
ku guuleysatay Gudoomiyaha Barlamaanka. Xubhana Xil-dhibaanada tiro xoog leh ku
dhex leh. Doorashadii Madaxwey-nahana hadii ay hal musharax keensan-lahaayeen
waxaan shaki ku jirin iney iyaga guusha raaci-lahayd.
Haddeer kuwa ugu
badan ee ka soo horjeeda Siyaasada Madaxweynaha iyo tan R/Wasaaraha waa iyaga,
gobolo badanna waxay ku leeyihiin taageerayaal, oo haddeerba Baydhabo iyo
Kismaayo iyaga ayaa xukuma sidoo kale inta u dhaxaysa labadaas magaalo.
Waxaase iyaga ceeb
wajiga ka saaran ah, wax ka qabad la'aanta goobaha ay xukumaan, oo gudaha
Soomaaliya haddii ay wax ka qaban-lahayeen, ama ugu yaraan deegaanada ay joogaan
ay nabad ka dhigi lahaayeen wax weyn ayey u ahaan-lahayd bulshada nabadda u
baahan, waxayse warkoodii ku soo koobeen diidmo aan dhisme garab socon.
S.R.R.C.
Waa uruurkii lagu
aasaasay Hawaase, ee ku taala gudaha Itoobiya, waxaa loogu talagalay iney
dumiyaan dowladii Carta lagu soo dhisay, waana ku guuleysteen, doorashadiina
waxay heleen Madaxweynihii, kadibna R/Wasaare ayaa laga sooo dhexsaraay,
xubnihii Wasiirradana inta badan iyaga ayaa qaybsaday, xitaa waa iyagii qadiyey
"Xaabsadihii" ay rabeen inay magaaladiisa dagto dawladu.
Xal aan ahayn in
ciidamo Itoobiya ah dalka keeno mahayaan, waxay u qabaan in wadada kaliya ee
dalka lagu dajin karaa iney saas tahay. Itoobiya wey ogtahay inaan Soomaaliya
sidaas lagu dajin Karin, oo hadday taas aamisantahay mar hore ayey ku dhaqaaqi
lahayd, illeen Itoobiya is hakrasho kuma naqaan, wakhtigaas oo dhanna iskama
dhumiseen, waxaase dhab ka'ah in Soomaaliya aan dowlad loo helin, iyadoo mar ku
dumineyso kooxo mucaarad ku ah dowlad dhisan, ama tijaabadan cusub ee ah in
magac dowladeed lagu dumiyo isla dowladii.
Waan ka xumahay
inaan kuu sheego in dalkaad u dhalatay uu sii hoobanayo, waxaanse qalbiga kuugu
qaboojinaya in dagaal-kana uu u egyahay kii ugu danbeeyey, waxaana sidaas u iri.
Wuxuu u muuqdaa mid mabda' lagu dirirayo oo laba fikradood ay dagaalamayaan,
iyadoo aan qabiil la isu dileyn, oo beelaha Soomaalida oo dhami ay u kala
qayb-sami doonaan labaas firkadood ee is-haya.
Haddiise cadowgu ku
guuleysto in dagaal beeleed laga dhigo oo laba qabiil oo waaweyn loo diriro
waxaan dib uga soo bilaabaynaa sanadkii 91.
CUDURDAARASHO.
Akhristayaasha
waxaan uga cudurdaranayaa dhawrkii jeer ee aanan waxba soo qorin, iyadoo aanan
kanshe helin sababo safar la xiriiray awgeed, Waxaanse u mahad-celinayaa laba
kooxood oo E-mail isoo kala dirtay. Qaybi waxay tiri: Allay lahay waanu kaa
nasanay, wixii ku mashquuliyana waanu ku farxaynaa. Qaybina waxay soo tiri: war
kumee? Wakhti badan ayaad naga qaaday sidii aan u sugaynay qoraalkaada.
Labadiinuba waad ku mahadsan-tihin xiriirkiinna.
|
Daabaco
Boggan | Print
