Daabaco Boggan | Print

Jirdilka Xabsiga Hargeysa loogu Geystey Sheikh Maxamed Shiikh Ismaaciil... Waxa la yidhi maalin baa jirta. Maalin qof waliba uu tiimbanayo mool ka sameysmay dhididkiisa. Ama dabaal joogta xariif ku ahow ama.. Guji.. Gabay: Guutada Hargeysiyo maxaa gaalo nabadeeyay. Gabaygaan waxaa tiriyay abwaan xasan garaad warsame waxaana uu uga hadlay  tacadigii loo geystay xabsiga magaalad... Guji... GABAY::: HURGUMO: Gabaygan waxaa tiriyey Mursal Siciid Cali Waraabe oo kaga qayb gelaya silsilad suugaaneedka loogu xaq raadinayo xabsiga iyo tacadiga Sh. M Ismaaciil ... Guji. Xildhibaan Maxamed Jaamac Oo Ka Tirsan Golaha Wakiiladda Ayaa Ku Eedeeyey Wasiirka Daakhliga Inuu Reer Sool U Gaar Yeelay Cajaladda.. Guji... Waa nasiib darro in uu KULMIYE isagu noqdo ka difaacaaya xukuumada looga bartay been abuur iyo jidhdilba.... Guji.. (Cali Guuleed) Wasiir Ku Xigeenka Wasaaradda Cadaaladda SL: Waxaanu Weydiinay: Maxamedow Ma jirtaa in lagu jidh dillay? wuxuu ku jawaabay Haa Waa La I Jidh Dilay.. Guji.. Abwaan Bacadle Oo Gabay Ka Tiriyay Tacadigii Sh. Max’ed Sh. Ismaaciil Ee Tacadiga Loogu Geystay Xabsiga Magaalada Hargeysa.. Guji.. AFKALAQAAD (Gabay): Awliyadii Ilaahay xabsiga lagu ihaaneeye, Itoobiya maxaad eray u tidhi waa afkalaqaade Guji (Nabadoon) GABAY::: Ceelkii Hargaysaad::: Gabay ka hadlaya tacadigii Sh. maxamed loo geystey... GUJI... | Dhagaafe Gabay: Sheikh lagu silac-dilyeeynayo Xabsiga Hargeysa:: heelleeeyda haasaawe gabay   hirarka suugaanta... GUJI.. (Dailaaf) Gabayga: Hungo ::: Ma huq  iyo murugaan hurdada ciil la heli waayey? : Ma hiqleeyey sidii wiil yaroo oohin la hinraagay? ..Guji.. (Xiirane) Hubso: Ma jidhdil wadaad mise fidno abuur?:: Guulaha cusub ee farsamada isgaadhsiinta casriga ah, gaar ahaan mareegta... Guji (Cige) Culumada Xamar oo la Xurmeeyey; Kuwii Somaliland oo la Xirxiray, iyo Kuwii Puntland oo laga Xanibay Diyaaradday soo Guji.. (C/waxid) Waraysi lala Yeeshay Sh. Maxamed Sh. Ismaaciil Walaalkii Faysal Sh Ismaaciil.::: Cajaladdan maxkamadda ayaannu ku aragnay ... Guji... Waa Sidee Aragtida Xisbiga UCID Ee Jidh Dilka Sh.M.Ismaaciil "Xukunka Degdega Ah Ee Lagu Xukamay Dadku Waa Xaaran.." Xasan Suldaan Guji... Gudoomiyaha  golaha fulinta  maxkamadaha islaamiga ah Sheekh Shariif Sheekh Axmed oo ugu baaqay maamulka Somaliland in ay joojiyaan dhibaatada ay ku hayaan culimaa'uddiinka Soomaaliyeed.. Guji..

Ma Run Baa Muuqaalka Jidh Dilka Sh. Maxamed Ismaciil?
Xog Ururin Dhab Ah!

Asalamu Calaykum dhamaan ummadda Somaliland dal iyo dibad meel aad joogtaanba.

Ramadan Kariim

Run ahaan ma doonayn in aad wax maqaal ah soo gudbiyo inta lagu jiro bishan Ramadaan oo ah bil cibaado, balse way noqon wayday oo waxaan arkay sheeko aan la amakaagay kuna saabsanayd Sh.Maxamed Ismaaciil oo ku xidhan xabsiga magaalada Hargeysa.
Sheekha waxaa loo haystaa arimo argagixiso oo uu ku kici lahaa haddii aan ciidanka wadanku ka hor tagin, taas oo uu sida la sheegay uu qarxin lahaa doorashadii Golaha Wakiilada si Somaliland u noqoto meel aan waxba dhaamin Somaliya. Haddaba su'aasha aan doonayaa in aan is weydiiyo ayaa waxay tahay yaa doonaya dhibaatada Somaliland, ma shacabkii doorashada u dhaqaaqay ma culimada Somaliland ee qaarkood hanjabaada loo soo qoray jimicihii, mise dad kale oo doonaya dano gaar ah? Jawaabtu waa dad kale balse yay noqon karaan dadkaasi bal eeg qoraalkaan.

Masaajidka Xawaadleh ee magaalada Hargeysa oo ka mid ah masaajidada ugu weyn caasimadda ayaa Imaamka Khaadibka ka ahi Sh. Aadan Xaaji Xiiray (Aadan Siiro) oo ka mid ah Culumada ugu waaweyn Caasimadda Hargeysa ee aad loo tixgeliyo wuxuu Jimcihii khudbadii salaadda jimcaha ku sheegay in uu hellay laba warqadood oo loo dhigay Masaajidka, kuwaasi oo isaga loogu hanjabaayo in la dili doono haddii aanu joojin weerarka uu ku hayo Maxaakiimta Islaamka ee ka taliya qaybo ka mid ah dalka Soomaaliya.

Sh. Aadan Siiro muxuu galabsaday oo loogu hanjabay maxaase isu soo aadiyay muuqaalkan la baahiyay iyo hanjabaada oo ay waqti isu dhaw u soo baxeen? Waa arrin la is waydiiyo u baahan, sidoo kale Sh. Shariifka Xamar ayaa isna hadal adag ka yidhi arinkaan kuna beegay waqtigan oo aan la hubin muuqaalka dhab ahaantiisa iyo been ahaantiisa intaba.

Sharaxaad ku saabsan Muuqaalka Sh.Maxamed Ismaaciil.

Waxaa marka hore arkaysaa Sheekha oo fadhiya laba askari sida lagu sheegay ay labada dhinac ka taagan yihiin. Sheekhu wuxuu wataa Macawis nooca Sabar hindida loo yaqaan iyo garan madow diilmo cadaan ah leh, halka labada askari ay wataan dhar aan kuwa askarta lagu yaqaan ahayn, dhanka midig askariga ka taagan sheekha wuxuu xidhan yahay shaati Buluug ah, Surwaal aan midabkiisa sixi karin balse u eg buluug caddaan ah iyo kabo sandal ah, ninka dhanka bidix ka taagan dharka uu xidhan yahay lama qiyaasi karo inta aan ka ahayn surwaal Buluug ah.

Sheekhu waa la waraysanayaa oo labada nin waxay wataan Record nooca saxaafadu isticmaasho oo kale ah, waxayna duubayaan wixii uu yidhaahdo oo dhan, sidoo kale waxaa shaki badan iiga jiraa in nin 3aad meesha ku jiro, kaas oo aan is leeyahay waa ninka Kamaradda ka duubaaya oo taagan meel ku beegan wajiga sheekha xilli kasta marka la waraysanayo iyo marka la ciqaabayo intaba wajiga sheekha waa la arkaa sheekha laftiisuna wuxuu inta badan eegayaa Kamarada ee labada askari wajigooda ma eegayo.

Haddaba muuqaalkani waxyaabaha soo socda marka la eego waa been abuur oo waa mid la sameeyay.

1. Marka hore aad u daawo muuqaalkan maaha mid xidhiidh ah ee wuu kala go'an yahay oo sheekada dhexmaraysa sheekha iyo askarigu maaha mid sida ay isugu xigtay loo duubay ee su'aal cusub oo meesha ku jirin ayaa hadba bilaabmaysa sida Cali nin la yidhaahdo ayaa la waydiinayaa isagoo jawaabtii aan aad u dhamaystirin ayaa su'aal kale bilaabmaysaa.

2. Sheekhu wuxuu had iyo goor eegayaa Kamarada ragga waraysanayaana labada dhinac ayay ka joogaan, wejigiisa ma eegayaan taasina maaha hab lagu yaqaano askarta dambiyada baadha. Sidoo kale Askartu waxay wataan dhar aan muujinayn calaamad askarinimo gaar ahaan ciidanka. Markaa mar haddii wajiga sheeku eegayo kamarada waxay u egtahay in arin la diyaariyay oo meel aan xabsiga Hargeysa ahayn lagu duubay ayay ila tahay, waayo sabab ama calaamad ciidan kuma duubna cajaladaa oo waxaa la duubay inta aanuu Sheekha xabsiga lagu ridin si haddii sida maanta dhacday arinkoodu fashilmo loogu ceebeeyo dawladda waana arin lagu sii talo galay si aan dawladdu caddayn u waydo oo markhaati u noqoto ninkan wadaadka sheeganaya oo Xabsiga ku jira ayaa la soo saaray.

3. Haddii arinkani run yahay waan ognahay Xabsiga marka la gelayo waa la is baadhaa oo waxyaabo aad u wayn lalama gali karo, sida kaamarad weyn, sidaa darteed ninka awooda u yeeshay in uu Xabsiga Kamarad la galo ma awoodi waayay in meel ka mid ah Xabsiga ama Ciidanka Ciqaabaya Sheekha in uu sawirka uu ku xaday marka ay jidh dilayeen in uu sawir ku xado ama xitaa hadalkooda aan ahayn waraysiga uu soo duubo.

4. Geeska Afrika way ku yar yihiin qalab horumarsan oo samayn kara isku xidh suurado kala duwan si qaab kaliya loogu sameeyo, laakiin arinkani dadaal dibadeed ayaa ku jira oo dad qurbaha jooga ayaa shaqadeeda ka qayb galay ugu yaraan Dubai ayaa la isticmaalay si wuxu suurto gal u noqdaan, balse nasiib wanaag waxaan helay in muuqaalku yahay mid jilid u eg waliba sheekhu dadka wax waydiinaya muxuu u eegi waayay halka uu Kamarada ka eegayo ileyn Kamaradu isuma ogga sida la sheegaye mid qarsoon ayay ahayde, Sheekhu wuxuu xitaa marka la jidh dilayo eegayaa Kamarada marar badan, markaa miyay taasi caddayn u ahayn in uu arinka og yahay isagu oo wax uu wax ka diyaariyay aanay ahayn waa sax.

5. Culimada Somaliland inta badan ma ogola hadalada ka soo yeedha Maxaakiimta Somaliya, waxaana culimadaasi ka mid ah Sh. Aadan Siiro oo Toddobaadkan loogu hanjabay in la dili doono haddii aanuu joojin weerarka uu ku hayo Maxaakiimta, sababtuna waxay tahay haddii culimadeenu shacabka tusaan in dalkoodu uga roon yahay wax kasta in dadku dhamaan ka soo wada horjeesanayaan culimada la soo dirsaday ee mashruuca Somaliweynta wada, taas oo caqabad weyn ku ah taliska qarsoon ee Xamar hamiga la jooga, sidaa awgeed wixii qodax ay u arkaan ayay siibayaan. Sh. Aadan waa tusaalihii ugu horeeyay arinkaana maaha mid xididkiisu dhaw yahay Xukuumaduna ficil muuqda lagama hayo marka shacabka ayaa laga doonayaa sidii ay uga baxsan lahaayeen.

6. Maxaakiimtu iyaga oo aan hubsan ayay cambaareeyeen arinka Sheekha, waliba qaranimada Somaliland waxay ku sheegeen dad Afweyne oo kaliya ka cadhaysiiyay oo aan Somaliweyn diidanayn, markaa hadalkaasi wuxuu la mid yahay laba arimood oo kala ah; in Culumada Somaliland beer laxawsi looga dhigo in dawladda Somaliland ay laynayso, Maxaakiimta Xamar ay naxteex u yihiin sidaas darteed loo sameeyo koox Culimo ah oo Ciidan iyo Hub la siiyo dagaalna ka bilowda Somailand iyo dadka Somaliland loo sheego in Afweyne tagay dhibkii lagu sameeyay isaga uu raacay isla markaa u diyaar garoobaan in la xukumo maadaama Afweynihii dhibka u gaystay dhintay. Laakiin Ayax tag eelna reerb Afweyne isagu xabad gacantiisa intuu ka ridday Hargeysa kuma dhufan ee ragga caanka ahaa Xamar ayay joogaan wali dadkayga Somaliland taa ayaan u sheegayaa.

Marka hore waa sidaa xogta dhabta ah ee aan ka soo diyaariyay muuqaalkan ceebteena iibka loogu doonayo, mana aha markii ugu horaysay ee Somaliland sidan laga yeelo, waynu ogayn wixii ay samaysay Zamzam Axmed Ducaale iyo sidii ay ku dambaysay waliba iyadoo dhulkeedii tagtay ayay lahayd waxbaa la igu sameeyay UN kii ayaana xaqiijiyay warkeeda.

Qofkii aaminsan Somaliland wuu aamini qoraalkan marka arimaha uu eego isagoo daawana muuqaalka, laakiin qofkii neceb Somaliland ma deeqayo hadalkani waayo mid kan ka soo horjeeda ayaa ka buuxa laabtiisa. Sidoo kale waxaan leeyahay qofka arinkan xaqiiqdiisa hayaa wuu soo gudbin karaa, waayo xukuumadeenu maaha mid aan khaldamin mana aha mid aan loo sheegi karin khaladkeeda waa mid ogol wixii sax ah alle hortii.

Sh.Maxmed Ismaaciil waa muwaadin sida aan jeclahay, waxaan aad uga xumahay sida uu wax yeelay, dadkiisii iyo dalkiisii ayaa wehel uga baahan dad shisheeye in uu u adeego maaha, Islaam waa la wada yahay qof aan diintu xil ka saarnayn ma jirto, cid diinta wakiil gooni u ahna ma jirto, Rasuul SCW wuxuu yidhi "Iga gaadhsiiya ummadday xitaa Aayad" markaa qofka aayad kaliya diinta ka garanaya waa in uu sheegaa.

Wadamo badan oo Islaam ah ayaa jira, Xasan Daahir Aweys wakiil kama ah wadamadaas inaguna la mid ayaynu nahay, xitaa haddii la samaynayo Maxaakiim Islaam ah inagoo Somaliland ah aan samaysano maxaa ku jaban?????????? Waxba.

Waxaan kula dardaarmayaa wadaadada Somalialnd in ay ka foog jinaadaan in dib aan ugu noqono dagaalkii iyo xasuuqii 20 sannadood ka hor, Shalay Oday baa ku fududaaday Somaliweyn oo Calankeenii, Cududeenii iyo wadankeenii Koofur geeyay dhaxalna waxaan uga helnay in nala Xasuuqo, maantana wadaadada ayay joogtaa ha marina wadadii Odayaasha, masuuliyad kama qaadi kartaan in dadkani wanaag helayaan, maanta sida ay ku jirtaa maaha meel xun oo laga dido ee waa khayr. Walaalayaaloow na daaya Alle ayaan idinku dhaarshaye, Sh.Maxamedoow adigaa kow ka ah ee dadkan daa, wixii aad jeceshay naftaada u jeclow dadkan iska daa dhib way ka soo daaleene.

Macsalaama
Allaa mahad leh
Cabdul-Qaadir Sanweyne
Allaa Mahad leh
Faarax Maxamed Yuusuf Ina Sanweyne
 haatuf

• Xaqiiqadu Ha Danbaysee, Door Intee Le’eg Ayay Xukuumadda Ka Qaadataa Waxyeeladda Iyo Dhaawaca Qaranimada Somaliland?

Faafin: SomaliTalk.com | Oct 14, 2006