Tolo'ay
Abshir Bacadlow.
Afeef: Abshir ma nihin isku qabiil,
waxaanu tol ku nahay Soomaalinimada.
Abshir waxaan odhan karaa waa
Soomaaliga kaliga ee dhabta ah ee ilaa hada la sheegi karo, xitaa
aniga waa iga Soomaalisan yahay.
Abshir waa halyey Soomaaliyeed oo ay
dhibto dulmiga ay Soomaalidu dhexdeeda isku hayso, Abshir Boqolka
iyo Ninku waa isu mid, xitaa uma hanbeeyo jifida uu ka soo jeedo.
Anigu shakhsiyan Abshir ma arag,
laakiin markii iigu horaysay waxaan ku maqlay Gabay uu ka tiriyey
Balwada xun ee la yiraahdo Qaadka ee Soomaaliya baabi'isay.
Gabaygiisa markii aan dhagaystay ayaan
iska daayey Qaadkii waayo wax yaabaha Abshir gabaygiisa ku sheegay
waa wada run.
Mar labaadkii aan Abshir Suugaanta ku
arkay waa Markii uu ka gilgishay dulmigii iyo Kufsigii Hargeysa
loogu Gaystay agoontii SamSam Axmed Ducaale.
Abshir waxaanu nahay tol inta uu u
diirnaxayo umada Soomaaliyeed.
Culimada Lagu Jidh-Dilayo
Hargeysa.
Hargeysa waxay ku caan baxday Ciqaabta
Masaakiinta iyo Culimada.Wadaadada lagu jidh-dilayo Hargeysa waa mid
in mudo ah Socotay, xitaa qaar ayaa jeel ka ku dhex dhintay.
Wadaadka maanta warkiisu Aduunka wada gaadhay, Tolow muxuu ku
mutaystay in la ciqaabo oo la cadaabo.
Akishe waa qabiil ku yar
Hargeysa.
Sheekh Ismaaciil wuxuu ka soo jeedaa
Beesha Akishe, inkastoo loo xidhay maxaad ilaahay ugu cibaadaystaa
oo aad qaad iyo khamri faraha ula gali weyday, Hargeysa waxaa ku
badbaadi kara qofkii Geerasheyn iyo Qaad cuna, waayo hadii kale
wuxuu u ekaanayaa Cadowga Soomaaliland. ilaahayow xaqa ha tuso kuwa
masaakiinta dulmiya.
Inka badan 50 Wadaad ayaa Hargeysa ku
Silcaya, war miyaan meesha Islaam joogin waxani xitaa dhulka gaalada
kama dhacaane, qaarba xitaa Culimada TB qabo oo aan helin daryeel
caafimaad iyo cunto ku filan toona.
|
TOOGASHADII
CULIMADA 23/1/1975
MUQDISHO::
Bishii Janaayo ee sannadkii 1975 ayaa culimo Soomaaliyeed ka
dhiidhiyeen sharci ay soo rogtey xukuumadii Siyaad Barre ;
sharcigaas oo ka hor imaneyey Qur'aanka (Xukunka Allah).
Maadaama ay dadka Soomaaliyeed oo 100% muslim sunni ah u
cuntami weydey xukunkaas ayey culimadu gadoodeen; waxaana
loogu jawaabey in toban culimadii ka mid ah lagu xukumay dil;
waxaana la toogtey 23/1/1975. Magacyada culimada la
toogteyna waa:
- Yaasiin Cilmi
Cawl
- Sh. Axmed Sh.
Maxamed
- Suleemaan
Jaamac maxamed
- Cali Axmed
Warsame
- Aaden Cali
Xirsi
- Xasan
Cabsiiye Diiriye
- Cali Jaamac
Xirsi
- Sh. Axmed
Iimaan
- Sh. Muuse
Yuusuf
- Maxamuud
Siyaad Xirsi
|
Taliskii Siyaad Barre:
Waxaa la ii cadeeyey in Taliskii
Siyaad Barre dad la jidh-dili jiray oo la ciqaabi jiray Maxaabiista,
Hargeysana waxay ka dhaxashay Jidh-Dilkii taliskii hore.
Madaxweynaha Hargeysa iyo inta badan
Wasiiradiisa waxa ahaayeen kuwii wax ciqaabi jiray wakhtigii
Dowladii xumayd ee Siyaad Barre.
Xadhigii Buurmadow.
Boqor Buurmadow wuxuu ka mid yahay
Boqorada reer sheekh Isxaaq, wuxuu soo dhamaystay Sadex Bilood oo ah
AbuQurayb"Hargeysa". ilaa hadeer ma oga wuxuu sadexda bilood u
xidhnaa. ma maqal in la ciqaabay laakiin waxaan saxaafada ka
akhriyey habeenkii ugu horeeyey wuxuu ku seexday Gogol la'aan.
Waxaa Boqorka loogu hanjabay hadii
aanu Maamulka faraha kala bixin in uu halkii ku noqonayo...
Dhalinyaro cadhaysan ayaa ku dilay Askar duuleedka ceel-Afweyn
taasna waxaa la odhan karaa waa qalada qalad lagu saxay inkastoo
boqorkii la sii daayey.
Saxaafada Caadifadaysan ee
Hargeysa.
Diinteenu waxay leedahay wallaalkaa u
hiili hadii uu gardaran yahay iyo hadii laga gardaran yahay. Hadii
uu gardaran yahay Gardarada ka celi, hadii laga gardaran yahayna
garab istaag.
Caadifad baa madax martay kuwa
Hargeysa jooga ee Suxufiyiinta Sheegta, Qaar baa waxay ku doodayaan
Jidh-Dilka Sheekhu waa Been,
Wiilka La Yiraahdi Cige ee
Joog Liverbool (Uk).
Wiilkani wuxuu soo galiyey internet
qoraal uu leeyahay waa been oo lama jidh-dilin wadaadka. wuxuu ku
nool yahay cariga ingiriiska wax wara uu hayaana ma jirto aan ka
ahay caadifad raqiisa, hada ka hor buraan bur lagu qoslo ayuu u
tiriyey Abshir Bacadle,Abshir bacadle maaha hawiye, Daarood, Isaaq,
Raxanweyn ee Waa Soomaali Soomaali dhalay iyo dhashii.
Xisbiga Kulmiye:
Siilaanyo
waa nin weyn xilal farabadan ka soo qabtay Dowladaii Siyaad Barre
waxaan moodaa in lagu khasaaray.
Arimahu markay murgaan ayuu Ingiriiska
u cararaa, Muxuu uga hadli waayey Dulmiga lagu hayo Culimada mise
ciraaf ayaa lagu raadinayaa ciqaabta Culimada.
Faysal Waraabe.
Waa nin dhalinyaro ah oo fudud
hadaladuna aad uga dhacaan, waxaan weli xasuustaa berigii uu yidhi "
Wiilka Muqdisho ku dhashay waxaa nooga dhow, wiilka Kiristaanka ah
ee Adis-Ababa ku dhashay" Taariikhdu waa ma hadho.
Tolow Culimadu haba dhimatee ma la
helayaa Citiraaf? waxay ila tahay citiraaf waxaa ugu horeeya kan
Alle,
Hargeysa waxay u baahan tahay in Diin
la saaro, oo xaqa la tuso.
Gebagabadii inta Abshir qoyan yahay
Weli Soomaali baa nool oo diirnaxda.
ilaahayow fadliga bisha barakaysan
Culimadaas Masaakiinta ah kaga soo daa Jeelka Hargeysa....
AbuQuraybka Soomaaliya.
Waxaan ugu Baaqayaa dhamaan Ummada
Soomaaliyeed meel kasta oo ay joogaan inay Mudaharadaan oo
dhaleeceeyaan Wuxuushta Hargeysa Maamusha.
Shacabka Reer Burco, Ceerigaabo,
Xingalool waxay mudan yihiin Sharaf ilaahay wanaaga ay sameeyeen ha
ka abaal mariyo.
Cali Jaamac.
Daabaco
Boggan | Print
BAAQA
CAALAMIGA EE XUQUUQDA AADANAHA OO AFSOOMAALI AH GUJI....
Gabaygan la yiraahdo (Hungo) oo
soo baxay 05/10/2006, waxaa tiriyey Cali Maxamuud Xiirane oo
jooga UK, London.
