DULMIGA
MAAMULKA SOMALILAND
Waxaa qoray Faysal Cali
awfaysal@hotmail.com
Waxaan daawaday muuqaalki foosha xumaa iyo
sidii loola dhaqmay Sheekha lagu jirdilayay xabsiga Hargaysa ee S/Land, waan
rumaysan waayay waxa ay indhahaygu arkeen. Jirdil, ihaano, iyo burburin dhamaan
xuquuqdi Sheekha. Waxaan iri ninku haduusan Somaliland u dhalan xitaa kolay waa
Soomaali ee xagee dhaqanka noocan ah ka yimid. Waxaad moodaa cadow ka il helay
cadawgiisi oo inta loo soo xirxiray xabsi loo geeyay. Waxaad moodaa ujeedada ugu
wayn ee S/land ay dawladnimada ugu ooyayso inay tahay sidii ay u fulin lahaayeen
huuhaada Maraykanka iyo Xabashida. Hadii shacabki reer S/land ay islaanimo
diirinwayday oo ay dulmiga muwaadiniinta loo gaysanayo ka dhiidhiyi waayeen
tolbeelee ragu sow rag kama dhalan mise geeday ka bexeen?.
"....horta ninkaasi cajaladda ku jira ee muuqiisa la
arkaya waa Maxamed Sh.Ismaaciil, goobta cajaladda lagu qabtay ee la
arkayaana waa Xabsiga dhexe ee Hargeysa ama waaxda C.I.D-da"
Xildhibaan Maxamed Jaamac
|
Harcad haday walaalahood u gargaariwaayeen
habeenki xitaa sidii fulayga oo kale ma gudi waayeen mise meel baa lagu
hubsadoo wixii rag dugaali jiraa dibada looga saaray?. Waa ayaan darri inaad
ceeb mahadhaa ku noolaataan ood daawataan culumadiini iyo walaalihiin oo
cadaw iyo cadawkalkaal uu taad aragteen ku marinayo dalka gudihiisa, haheey
saw nolosha qaar geeridu ma dhaanto!.
Ma dhabaa in gargaarka culumada xirxiran aan
looga sokayn Turkiga Kismaayo salkeeda fadhiya oo asba tiisi taag ula’? jawaabta
su’aashanna waxay u taal shacabka reer Somaliland ama Ninka ay asaagi walaalki
silcinayaan. Layaab maleh in falalka noocan oo kale ah uu maamulka S/Land u
yahay caado waayo waxaan xusuustay qisadi iyo dadnima xumidi ay hada ka hor kula
keceen gabadhi reer Puntland ee iyana wayday dad iyo dawlad u xisaabtanta,
waxaase layaab leh sida uu shacabka reer S/Land indhaha uga qarsado dulmigi uu
shalay ka dacwiyayay. Mid waan ku qanacsanahay oo gacmahaan kor u taagnay, midna
ilaah baan idinka magan galinayaa.
In ilaah uu daalimka mariyo wadadi daalimiinta
gacmahaan kor u taagnay, mida ah in caaqibada dulmiga laga aamusay uu Eebe idin
dhinac mariyana isagaan ka rajaynay. Ugu dambaynti maadaama uu maamulki S/land
ku caanbaxay jirdilka iyo silcinta raga iyo dumarka waa sidii horay loo yiriye
kii qayrki loo xiirow adna soo qoyso!. Ninkaan shacab ama toll mid lahaynow waa
laguu baqaaye iska sii qoyso oo isu diyaari waxaad aragtay, sidoo kale gabadhaan
garab ama rag lahayneey adna waa laguu baqaaye is diyaari!.
Waxaa qoray Faysal Cali
awfaysal@hotmail.com
Faafin: SomaliTalk.com | Oct 10, 2006
| 
Daabaco
Boggan | Print
BAAQA
CAALAMIGA EE XUQUUQDA AADANAHA OO AFSOOMAALI AH GUJI....