AFKALAQAAD
(Gabay)
Inj. Cumar C/nuur Nuux –
Nabaddoon
omarabdinur@hotmail.com
Gabaygaan Afkalaqaad
waxaa tiriyey Inj. Cumar C/nuur Nuux – Nabaddoon oo aalaaba ka maansooda
qarannimada ummadda Soomaaliyeed iyo caddaalad darrada asalka u ah
marinhabowga iyo ismaandhaafka la dhexdhigay dadka Soomaaliyeed ee isku afka,
diinta, deegaanka iyo dantaba ah. Maansadaan Afkalaqaad oo soo baxday
10.10.06 waxay tooshka ku ifineysaa arrimo layaab ah oo inay sidaas u
dhacaan aysan ula muuqan Cumar Nabaddoon, waxayna tiri:
- Indhawaalo
waataan ka tagay aaladdii gabaye
- Waataan ka
aamusay murtidaan ooho leynjiraye
- Asaraari uma aan
tirshiyo agab aduunyaade
- Waxa igu
ijbaaraan dadow idin ogeysiine
- U dhugyeesha
maantana midkani waa afkalaqaade
-
- Asalkeeda
Soomali waa ul iyo diirkeede
- Waa oday laba uu
dhaliyo aabbe iyo wiile
- Waa ina abtiyo
ina habreed aayyo korisaahe
- Waa eeddo iyo
habaryar iyo inan dumaashaahe
- Maxaa arammi loo
kala dhexdhigin waa afkalaqaade
-
- Afka luuqaddiyo
waa mid qura aragga guudkaahaaye
- Ictiqaadka waa
wada Islaam Eebbe caabudo’e
- Arligana hal
meel bay degaan Geeska Afrikaahe
- Ehel iyo
qaraabiyo xigtiyo unug mid weeyaane
- Maxaa oodo loo
kala dhexdhigin waa afkalaqaade
-
- Awal hore shan
baa loo qoqobay idan la’aanteene
- Awooddaa na
ciishaye midnimaa oon xun loo qabaye
- Waatii abkoow
iyo awoow iilka loo dhigaye
- Waatay Amxaarada
kun jeer inaka awdeene
- Maxaa maanta loo
abasaxyahay waa afkalaqaade
-
- Awdal iyo
Hargeysiyo Barbara aag dhan baw xirane
- Waxba igama
gelin bay ku oran aafo reer Xamare
- Oo oradka qaran
loogu jiro maba arkaayaane
- Waa ugub in loo
kala afnaqo ubadki Soomaale
- Abasiiniyaa
Xamar iiga dhow waa afkalaqaade
-
- Awliyadii
Ilaahay xabsiga lagu ihaaneeye
- Afkay daasad
weyn kala dhaceen aabi iyo qooqe
- Addimaday
silsilad uga xidheen sidii addoontiiye
- Annagoo arkaynay
kelyaha urug ku aasaane
- Waxa lagu
eryanayana ma aha eedo uu galaye
- Itoobiya maxaad
eray u tidhi waa afkalaqaade
-
- Ninkii
waayo-arag ahi waqtiga waa odorosaaye
- Amxaar iyo
Tigree baa na jecel aragti sheydaan dhe
- Adis ababa kheyr
nama dhexyaal waan ogsoonnahaye
- Aargoosad bay
nala rabtaa abid ka sheekeeye
- Axmed Gurey
jabkii uu baday ka ambaqaaddaaye
- Alloow qabo
Itoobiya dab bay ololineysaaye
-
- Ummad waxaa
hoggaamiya ninkii aayaheed garane
- Adigoo Islaamoo
cidina kugu ijbaareynin
- Albaqriyo Nisaa
midaan aqoon amar in loo dhiibto
- Oo horumar laga
dhawro kaas waa afkalaqaade
- Mar Ilxaad inaad
raacdo ood diinta ka irdhowdo
- Marna udub
qabyaalada dhistaa malaha aamaale
- Afar dhibic shan
(4.5) baa lagu xalliyey waa afkalaqaade
-
- Waxeer Odayga
Nairobi wado aayatiin malahe
- Arab Moi warkuu
sheegay buu sii ebyahayeeye
- En Ef Dii (NFD)
kolkuu naga hantuu sii asaasaqaye
- Inuu Waamo
qaatuu beryahan aawilahayeeye
- Innaguna ma
aragnoo xalbaan ka ag sugeynaaye
- Embaghati Xamar
laga xukumo waa afkalaqaade
-
- Maxkamadaha
Islaamkana mid baan u ifinaayaaye
- Hadafkiyo
ujeeddaaad waddaan waan ayidayaaye
- Hayeeshee
anaaniyada waa lagu ufoobaaye
- Aqoonyahan
nadiifaa jiroon iilan waligoode
- Indheergarad
xalaalaa jiriyo odoyo waaweyne
- Ugu yeerta
hawlahakan adag haw arrimiyeene
-
- Haddii aad
ilduuftaan markaan waa Allow sahale
- Oodaha dhacmeed
waa inaad aaddo tii saro’e
- Inaad hoos ka
jiiddoo ma aha oof is gelisaaye
- Afrikaan
dhammaan wada xoreyn waa afkalaqaade
- Horta ooga
shareecada dalkaan eexna ka fogaada
- Oo taaga qaran
cidi aan cidkale ugu awood sheegan.
Inj. Cumar C/nuur Nuux –
Nabaddoon
omarabdinur@hotmail.com
Afeef: Aragtida qoraalkan waxaa leh qoraaga
ku saxiixan
»GABAY::
Gumaad iyo
Gedood | C/naasir
Daabaco
Boggan | Print
