• Ciidamada Itoobiya oo dhaqdhaqaaqyo ka bilaabey deegaano ku dhow...
• Maxay kala yihiin shuuradaha ay kala wataan…
• Maxkamadaha oo maalin walba isu soo dhiibayaan maleeshiyooyin iyo..
• Shariif Xasan oo ku soo jeeda Magaalada..
• WARAR KALA DUWAN OO KA SOO BAXAYA KHARTUUM
• QORAAL UU MADAXWE-YNE C/LAAHI YUUSUF U...
• MALEESHIYOOYINKA MAXAAKIIMTA OO BU'AALE....
• MALEESHIYO IYO GAADIID DAGAAL OO KA SOO BAXSADAY...
• WASIIRKA GAASHAAN-DHIGGA DOWLADDA OO...
• JAAMACADDA CARABTA OO SHEEGTAY IN...
• MAAMULKA MAGAALADA BAYDHABO OO MARKII....
• Norway: Gabar Soomaliyeed oo 7 jir ah oo si xun loogu faraxumeeyay iskool ay ka dhiganaysay

  ---

Shantan nin ayaa lagu soo qabtay dagaaladii ka soconayey degaanada jubada dhexe ee u dhexeeyey wasiirka gaashaandhiga dfkmg ah barre hiiraale iyo golaha maxaakiimta iyagoo dhaawacyo kala duwan ah, sidoo kalena Shantan nin ayaa kasoo jeeda beesha SADE waxaana la geeyey oo lagu daweynayey isbitaal ku yaala degmada bu,aale ,islamarkaana waxaa lagala baxay isbitaalkii kadibna waxaa lagu toogtay meel aan ka dheeray isla goobtaas.... WARKAN OO DHAN.... GUJI...

Ciidamada Itoobiya oo dhaqdhaqaaqyo ka bilaabey deegaano ku dhow...

Ciidamada Itoobiyaanka ah ee ku sugan gudaha Dalka Soomaaliya ayaa waxay wararku sheegayaan in dhaqdhaqaaqii ugu xoogaan haatan ka wadaan deegaano ku dhow dhow Magaalada Baydhabo iyo waliba magaalada gudaheeda, waxaan lagu sheegay dhaqdhaqaaqaani uu ka dambeeyay kaddib markii ciidamada Maxaakiimta Islaamiga ah la sheegay in ay si aad ah ugu dhawaadeen fariisimada ay ku sugan Itoobiyaanka, taas oo qalqal weyn gelisay Dowladda Federaalka ah.

Wararka Baydhabo naga soo gaaraya ayaa sheegaya in saraakiil Itoobiyaan ah iyo kuwo ka tirsan Dowladda Federaalka ah ay gaareen goobaha ay ku sugan yihiin Ciidamada Itoobiya, waxayna goob joog inoo sheegeen in ciidamadaasi la arkayey iyaga oo circa ku tuuraya Bulalery iyo waliba rasaas digniin ah, waxaana laga cabsi qabaa in dagaal uu ka dhex dhaco labada Dhinaca ee haatan kaabiga isku saran. Arrintan ayaa waxay ku soo beegmeysaa iyadoo manta lagu wado in Khartuum si rasmi ah uu uga furmo Shirka dib u heshiisiinta ee u dhexeeya Dowladda Federaalka iyo Maxaakiimta Islaamiga ah.

Maxay kala yihiin shuuradaha ay kala wataan…

Wararka ka imaanaya magaalada Khartuum ee Dalka Suudaan waxay sheegayaan in wufuudii ka kala socotay Maxaakiimta Islaamiga ah iyo Dowladda Federaalka ay haatan ku sugan yihiin Magaalada Khartuum, kuwaas oo la filayo in manta uu u furmo shirkii lagu heshiisiinayey. Shalay oo la filayey in uu furmo shirku ayaa dib u dhac ku yimid kaddib markii uu khilaaf soo kala dhex galay wufuudii ka socotay Dowladda Federaalka, hase yeeshee shalay ayaa la xaliyey arrintaasi, kaddib markii guddoomiyaha Baarlmaaanka Shariif Xasan uu isaga haray xubnihii Dowladda. Waxaa xalay socday kulamo gooni gooni ah oo labada dhinac ay la kala yeelanayeen madax ka socotay Jaamacadda Carabta. Dowladda Federaalka ayaa waxaa la sheegay inay wadato labo shuruud oo mid ay tahay in maxaakiimtu ay marka hore ka baxaan goobihii ay qabsadeen wixii ka dambeeyey kulankii labaad ee shirkii Khartuum, sidoo kale waxay shuruurada labaad tahay in dowladda Kenya shir gudoomiso kulanka dib u heshiisiinta ee Dolwadda Federaalka iyo Golaha Maxaakiimta. Dhanka kale Maxaakiimta ayaa iyana shuruudo wata, waxaana ka mid ah in Ciidamda Itoobiya ka baxaan deegaanada Soomaaliya, waxay kalloo soo jeediyey in haddii Dowladda Kenya shirka lagu wareejiyo aysan marnaba ka qaybgali doonin. Dadka Soomaaliyeed eek u dhaqan dalka Suudaan ayaa waxa ay codsiyo u gudbiyeen Golaha Maxaakiimta iyo Dowladda Federaalka oo ay kaga dalbanayaan inay soo afjaraan hilaafka.

Maxkamadaha oo maalin walba isu soo dhiibayaan maleeshiyooyin iyo..

Wararka naga soo gaaraya Gobalada Dhexe waxay sheegayaan in maleeshiyooyin daacad u ahaa Max’ed Dheere Cabdi Waal, Yuusuf Daba-Geed iyo Cabdi Xasan Cawaale (Qaybdiid) ay shalay ilaa iyo xalay ku soo qulqulayeen deegano ka tirsan Gobalada Galguduud iyo Hiiraan.

Ciidan wata dhowr tikniko ah oo daacad u ahaa Max’ed Dheere iyo Yuusuf Daba-Geed ayaa si weyn loogu soo dhaweeyay Magaalada Baladweyne, mar la wareystayna waxay sheegeen in sababaha ay u soo goosteen ay tahay tacadiyada Ciidanka Itoobiya u gaysanayaan Shacabka Soomaaliyeed, sidoo kale waxay sheegeen in Dowladda Itoobiya ay tahy dowlad aan dooneyn horumarka Soomaaliya.

Ciidamo daaca u ahaa Cabdi Walaal laguna tababarayey dalka Itoobiya ayaa waxay soo galeen degmada Guraceel, waxaana halkaasi si weyn ugu soo dhaweeyay dadweynaha deegaanka, sidoo kale Todobo gaari oo tikniko ah o uu lahaa Cabdi Qaybdiid ayaa iyana soo gaaray fariisamada ciidamada Maxakiimtu ku leeyihiin Cadaado.

Qulqulka maleeshiyooyinka ayaa waxay dhabar jab ku noqotay Dowladda Federaalka iyo Dowladda Itoobiya oo iyagu doonayey in ciidankaasi laga hor geeyo kuwa Maxaakiimta.

Ciidankaasi ayaa la filayaa in loo furo tababaro isla markaana dib loogu celiyo goobihii ay ka yimaadeen.

Shariif Xasan oo ku soo jeeda Magaalada..

Guddoomiyaha baarla-maanka Shariif Xasan Sheekh Aadan ayaa warar aanu helnay waxay sheegayaan in uu ku soo jeedo Magaalada Muqdisho kaddib markii uu martiqaad ka helay Midowga Maxaakiimta Islaamiga ah.

Waayadaanba waxaa la hadal hayey in Guddoomiyaha Baarlamaanka uu ku soo jeedo Magaalada Muqdisho, waxaana arrintaani ka shaqeeyay 70-xildhibaan oo iyana ku sugan Magaalada Muqdisho oo kulamo la lahaa golaha Maxaakiimta Islaamiga ah.

Guddoomiye Shariif Xasan iyo Madaxweyne C/llaahi Yuusuf ayaa mar kale khilaaf soo kala dhex galay kaas oo ku aadan kaddib markii ay isku khilaafeen qaabka wada hadal loola furayo golaha Maxaakiimta Islaamiga ah gaar ahaan shirka Khartuum.

Warar ayaa waxay sheegayaan in Gudoomiyaha Baarlamaanku uu qorsheynayo in Muqdisho uu shir-guddoomiyo kulankii Baarlamanka, iyadoo maalmahan Magaalada Baydhabo ay ka soo cararayeen xubnaha Baarlamaanka, kaddib markii qaar ka mid ah hanjabaadyo uga yimaadeen mas’uuliyiinta sar sare ee Dowladda halka kuwa kalana ay u dulqaadan waayeen faragelinta Itoobiya ku hayso Soomaaliya.

W/D Amiin Yuusuf Khasaaro
E-Mail : amiinkhasaaro@hotmail.com

WARAR KALA DUWAN OO KA SOO BAXAYA KHARTUUM

Muuse Maxamuud Jiisow
Somali39@hotmail.com
Muqdsisho, Somalia
002521576666/002521653623

Iyadoo lagu waday in uu Isniintii oo ku beegnayd 30kii bishan October 2006-da, loona ballansanaa inuu ka furmo magaalada Khartoum ee dalka Suudaan wareeggii saddexaad ee wadahadallada lagu soo afjarayo khilaafka u dhexeeya dowladda Federalka iyo golaha Maxkamadaha Islaamiga ayaa lagu warramayaa in uu waxoogaa dib u dhac ku yimid furitaanka shirkaasi ee Isniintii, iyadoo wafdigii ka socday golaha maxkamadaha Islaamiga ay halkaasi diyaar ku ahaayeen saacadihii ugu dam-beeyay, sidoo kalena wafdigii dowladda Federalka uga qeyb galayay kulankaasi uu isna dib u dhac ku yimid, inkastoo wararkii ugu dambeeyay ay sheegayaan in wafdigaasi oo haatan gaaray magaalada Khartoum ee dalka Suudaan kaddib markii Isniintii gelinkii dambe ka ambabaxeen dalka Kenya.

Wafdigan dowladda Federalka ayaa lagu waday inuu horkaco Shariif Xasan Sheekh Aadan guddoomiyaha baarlamaanka, waxaase la sheegayaa in Shariifka uu ka baaqsaday inuu hoggaamiyo wafdigaasi, iyadoo arrintaasi ay ka dambeysay kaddib markii khilaaf soo kala dhex galay ra'iisul wasaare Cali Max'ed Geeddi iyo madaxwey-naha dowladda Federalka C/laahi Yuusuf oo la sheegay in warqad ka dhan guddoomiyaha baarlamaanka uu u gudbiyay madaxweynaha dalka Suudaan Cumar Xasan Al-bashiir, taasoo keentay in Shariif Xasan uu ka baaqsado inuu wafdiga dowladda horkaco, iyadoo sidoo kalena ra'iisul wasaare Geeddi uu u magacaabay labo maal-mood ka hor guddoomiyaha baarlamanka inuu xukuumadda Federalka u hoggaamiyo wafdi-ga ka qeyb galaya shirka khar-toum, waxaase haatan soo baxaya in wafdiga uu hogaami-nayo Wasiirka Dastuurka iyo arrimaha Federalka C/laahi Sheekh Ismaaciil.

Dhinaca kale golaha Maxakiimta Islaamiga ee haatan ku sugan magaalada Khartoum ee dalka Suudaan ayaa dhinacooda waxay sheegeen inaysan shirka marnaba ku qanacsaneyn ilaa laga fulinayo labo qodob oo kala ah: in ciidamada itoobiya ay dalka gebi ahaanba isaga baxayaan iyo in aan dowladda Kenya aan la soo horfadhiisin miiska waadahadalka.

QORAAL UU MADAXWE-YNE C/LAAHI YUUSUF U...

Madaxweynaha dowladda Federalka Soomaaliya C/laahi Yuusuf ayaa qoraal uu u diray madaxweynaha dalka Suudaan sababay in Guddoomiyaha baarlamaanka uu ka baaqsado hogaaminta iyo ka qeybgalka wadahadada shirkaas.

Qoraalka ayaa qeexayey in wafdiga uu ka kooban yahay 19 xubnood oo uu hoggaaminayo C/laahi Sh. Ismaaciil oo ah wasiirka dastuurka, iyadoo Guddoomiyaha baarlamaankana lagu tilmaamay guddomiye sharafeed aan awood laheyn iyadoo awooda uu leeyahay C/laahi Sh. Ismaaciil.

Horay ayuu Ra'isal wasaare Geeddi u sheegay in aanu jirin wax khilaaf ah oo u dhaxeeya dowladda oo Guddoomiyaha baarlamaanka uuna hogaamin doono wadahadalada shirka Khartuum, waxa ayna qoraalka madaxweynaha ka careysiisay Guddoomiyaha baarlamaanka Shariif Xasan oo ka haray tagistii magaalada Khartuum isagoo imminka ku sugan magaalada Nairobi ee dalka Kenya.

Waxaa muuqaneysa in madaxweyne C/laahi Yuusuf iyo Ra'isal wasaare Geeddi ay ka caga jiidayeen in Guddoomiyaha wadahadalada u horkaco wafdiga dowladda ee tagaya magaalada Khartuum.

Sidoo kale waxaa jiray shirar badan oo Guddoomiyaha baarlamanka uu kula lahaa magaalada Nairobi ee dalka Kenya diblomaasiyiin ka tirsan dalalka carabta oo shirkaas guddoominayey iyo kuwa kale oo caalami ah iyadoo ilaa xalay uu socday shirkaas.

Guddoomiyaha baarlamaanka ayaa la moodaa inuu kaga afkaar duwan yahay qaabka ay madaxweynaha iyo Ra'isal wasaaraha u dhigayaan wadahadalada Khartuum..

MALEESHIYOOYINKA MAXAAKIIMTA OO BU'AALE....

Wararka ka imaanaya magaalada Kismaayo ee xarunta gobolka Jubada Hoose ayaa sheegaya in ay magaaladaasi ay gilgileen warar sheegaya in maleeshiyooyinka maxaakiimtu ay dhameystireen qaar ka mid ah dadkii ku dhaawacmay dagaaladdii ku dhexmaray agaggaarka Bu’aale Col. Barre Aaden Shire (Hiire) iyo Golaha Maxkamadaha.

Dadkan la laayey oo tiradooda lagu sheegay afar qof ayaa lagu soo waramayaa in lagu dilay gudaha magaalada Bu’aale, halkaasoo lagu daweynayay.

Mas’uul ka tirsan maamulka Maxkamadaha ee magaalada Muqdisho ayaa sheegay in dhacdadaasi baaritaan lagu sameynayo ciddii geysatayna sharciga la horgeyn doono.

Arintan oo shacabka magaalada Kismaayo aad uga caroodeen ayaa guud ahaan magaaladaasi oo dhan laga dareemayaa, taasoo laga cabsi qabo in ay gacan ka hadal isku badashao sida ay sheegayaan wararka laga helayo halkaasi.

Sidoo kale waxaa jira warar hoose tibaaxaya in ay arintani khilaaf ka dhex aloostay hogaamiyayaasha maxaakiimta iyo mas’uuliyiinta hadda la shaqeeya ee horey ugu sugnaan jiray magaalada Kismaayo ka hor inta aysan maxkamaduhu halkaasi gaarin.


MALEESHIYO IYO GAADIID DAGAAL OO KA SOO BAXSADAY...

Maleeshiyooyin iyo gaadiid dagaal oo ka soo tagay deegaanka Bandiiradleey ayaa soo gaaray degmada cadaado.

Maleeshiyooyinkaan oo wata shan baabuur oo kuwa dagaalka si aad ahna ugu hubeysan qoryaha fudud nuucyadooda kala duwan ayaa shalay soo gaaray magaalada Cadaado, sida uu sheegay Cali Cabdulle Axmed Tooyo oo ka tirsan Saraakiisha sar sare ee Maxkamada Alfurqaan.

Md. Tooyo ayaa sheegay in Gaadiidkaasi ay yihiin kuwo ka soo baxsaday Col. Cabdi Qeybdiid ayna ku soo biirayaan Maxkamadaha islaamka.

Cali Tooyo waxaa sidoo kale uu sheegay in wada hadalo uu u socday Maleeshiyadaasi oo ku aadan sidii ay uga soo tagi lahaayeen Col. Cabdi Qeybdiid oo ku howlan duulaano ka dhan ah Maxkamadaha islaamka.

Ma jiraan warar ka soo baxay dhinaca Cabdi Qeybdiid oo tilmaamaya maleeshiyooyinka ka soo baxsaday, iyadoo arintaana ay tahay markii ugu horeeysay oo maleeshiyo ay ka soo goosato Col. Cabdi Qeybdiid tan iyo markii uu gobolada dhexe uu gaaray loogana adkaaday dagaaladii ka dhacay Muqdisha.

WASIIRKA GAASHAAN-DHIGGA DOWLADDA OO...

Wasiirka Gaashaandhigga dowladda Federalka Barre Aadan Shire Barre Hiiraale iyo Qaar ka mid ah saraakiishiisii Ciidamada ayaa dib ugu soo laabtay degmada Baardheere ee gobolka Gedo, ka dib markii dhowaan dagaal uu ku dhex maray degmada Bu'aale maleeshiyo uu wato wasiirka iyo Ciidamada Maxkamadaha islaamka.

Col. Barre Aadan Shire Hiiraale oo ay wehliyaan saraakiil uu ka mid yahay Col. C/laahi Sheekh Ismaciil Fartaag iyo Ciidamo fara badan ayaa dib ugu soo laabtay degmada Baardheere, ka dib markii uu ka soo dhaqaaqay degmada Saakoow ee gobolka Jubbada dhexe.

Wasiirka iyo maleeshiyadiisa ayaa la tilmaamay in ay fariisin ka dhigteen duleedka degmada Baardheere xero ku taala oo lagu magacaabo Muuri, halkaasi oo horey ugu aheyd saldhigiisii ciidamada intii aanu ka duulin Baardheere.

Col. Barre Hiiraale ayaa shalay booqday Isbitaalka degmada Baardheere, oo ay ku jiraan maleeshiyooyin labaatameeyo kor u dhaafaya oo ku soo dhaawacmay dagaalkii degmada Bu'aale iyaga iyo Maxkamadaha ku dhex maray.

Mana jirto ilaa iyo haatan wax war ah oo Barre Hiiraale uu ka siiyay saxaafadda dagaalkii Bu'aale, iyadoo Col. Fartaag uu sheegay in dhowaan uu la hadli doono saxaafadda.

JAAMACADDA CARABTA OO SHEEGTAY IN...

Jaamacadda Carabta ayaa sheegtay in wareegga 3aad ee wada hadalada dowladda iyo Maxkamadaha islaamka ee shalay lagu waday inuu ka furmo Khartoum uu ku soo beegmay xilli ciidamo shisheeye ay ku sugan yihiin gudaha Somalia.

Samiir Xusni oo ah Madaxa ergada jaamacadda Carabta ee wada xaajoodka dowladda iyo Maxkamadaha islaamka ee magaalada Khartoum ayaa sheegay in wareegga cusub ee wada hadalda sedexaad uu ku soo beegmay xilli Dowladaha dariska ah ay fara galin toos ah ku hayaan arimaha Somalia, isagoona sheegay in kulankaan uu yahay dib u heshiisiin la kala dhex dhigo kooxaha is haya.

Isagoo la hadlayay wakaaladda wararka Kuweit ayaa sheegay in hindisaha jaamacadda Carabta ee dib u heshiisiinta Somalia in ujeedadeedu ay tahay in la xaqiijiyo madax banaanida Somalia oo aan lagu xadgudbin, sidoo kalena dowladaha dariska ayuu ugu baaqay in ay ixtiraamaan jiritaanka iyo xuriyadda dadka Soomaaliyeed.

Mar uu ka hadlayay suurto galnimada in la soo afjari karo colaadaha taagan oo ciidamo shisheeyana lagu tuhmayo Somalia in ay joogaan ayaa waxa uu ugu baaqay kooxaha Maxkamadaha iyo dowladda in ay u hogaansamaan heshiisyadii la gaaray intii lagu jirey wareegii labaad ee wada hadalka.

Diblumaasigaan carbeed ayaa waxa uu amaanka isfahamkii laga gaaray xilligii uu socday kulanka Nairobi ee kooxda xiriir-ka caalamiga, kooxdaasoo ay ku jiraan Mareykanka, Engriiska, Sweden iyo Norway.

Wuxuu sheegay in la isku raa-cay in ururka Jaamacadda Carabta iyo dadaalada caala-miga iyo kuwa gobolkaba in isku meel la isugu keeno si loo hormariyo hanaanka nabadda Somalia, waxaana uu rajo ka muujiyay taageerada beesha caalamka loo hayo hindisaha Jaamacadda carabta, iyadoo iminka lagu soo kordhiyay ururka IGAD.

Samir xusni wxa uu sheegay in ka qeybgalka wareega 3aad ee dowladda Kenya ee wada hadalka Khartoum, iyadoo Kenya ay tahay hogaanka IGAD in gacan ay ka geysan karto in uu guuleeysto wareegga 3aad ee wada hadalada nabaddam hanaanka dib u heshiisiinta Somaliyana uu noqdo mid miro dhala.

MAAMULKA MAGAALADA BAYDHABO OO MARKII....

Maamulka magaalada Bay-dhabo ee gobolka Bay ayaa markii ugu horeysay ka hadlay xariga saxafiyiinta Mukhtaar Catoosh iyo Max'd Cadaawe oo u kala shaqeynayey Idaacadaha HornAfrik iyo Shabeele.

Guddoomiyaha magaalada Baydhabo Axmed Maadey Isaaq oo ayaa sheegay in ka hor xariga Saxafiyiinta uu jiray digniino badan oo ay u jeediyeen gaar ahaan uu isaga u tagay islamarkaana uu ku war galiyey inay joojiyaan wararka ka dhanka ah maamulka gobolka iyo dowladda federalka ah oo ay tabiyeen balse ay ka dhaga adeygeen.

Guddoomiyaha magaalada Bay-dhabo ayaa sheegay in saba-baha loo heysto ay ka mid yihiin wararkaas inkastoo Gudoom-iyaha aanu wararkaa si dhab ah u faahfaahin, waxa uuna cade-eyey in haddii arrimaha lagu heysto ka waantoobi waayaan mar walba la xiri doono.

Guddoomiyaha degmada Bay-dhabo ayaa intaas ku daray in Saxafiyiinta baaritaan lagu wado islamarkaana haddii dambiga lagu helo ay marin doono waxyaabaha ay muteysyteen.

Muuse Maxamuud Jiisow
Somali39@hotmail.com
Muqdsisho, Somalia
002521576666/002521653623

Gabar Soomaliyeed oo 7 jir ah oo si xun loogu faraxumeeyay iskool ay ka dhiganaysay Norway

Gabar 7 jir ah ayaa waxaa lagu faraxumeeyay iskool ay ka dhiganaysay magaalada Bergan oo ah magaalada madaxda 2aad ee Norway. Gabadha ayaa waxaa lagu isticmaalayay iskoolka mudo dhan hal asbuuc. Hooyada gabadha ayaa ka dib u bogi waysay xaalada gabadha markaas ayaay waxay gaysay xarun caafimaad. Shaqaalaha xarunta cafimaadka ayaa gabadhii baaray oo usheegay in gabadha galmood xaddhaaf ah lagu sameeyay waxayna dhaqaatiirtu kula taliyeen waalidka gabadha yar dacwo ugudbiyaan booliiska. Booliska ayaa ka dib waxay arinkaan foosha xun ku eedeeyeen macalin gabadha u dhigi jiray afsoomaaliga. Macalinka ayaa dafiray arinkaan.

Hadaa waxaa laba asbuuc ku xukuman gabadha aabaheed oo 27 jir ah laguna eedeeyay inuu rabay inuu guska ka jaro 42 jirka macalinkii gabadha. Aabaha ayaa lagu soo xiray bir iyo midi. Aabaha ayaa qirtay inuu rabay inuu horta birta ku suuxiyo ninka xadgudubka gabadha yar lagu soo eedeeyay kadibna ka jaro guska.


Arinkaan waxaa wax ka qoray joornaaladaan hoos ku qoran:

• http://www.vg.no/pub/vgart.hbs?artid=135301
• http://pub.tv2.no/nettavisen/ibergen/article573324.ece
• http://pub.tv2.no/nettavisen/ibergen/article522885.ece

Kufsi iyo faraxumeen kan oo kale ah ayaa sanadkii hore waxaa loogu gaystay wiil yar oo soomaali ah wadanka Danmark.

Kufsiga gabadha yar loo gaystay ayaa dhacay maalinta ugudamabaysa ee ilamaha u dabaaldegaan ciida kristiyaanka taariikhduna ahayd 20ka desember 2005. Joornaalada ayaa asbuucaan oo kaliya wax ka qoray arinkaan foosha xun.

Waxyaalaha ka dhacaya Norway kala socda websidka www.sominfo.no

gaaboow@sominfo.no