Monday,
October 02, 2006
Waraysi Sanaagweb la Yeelatay Sh.
Maxamed Sh. Ismaaciil Walaalkii Faysal Sh Ismaaciil.
Sheekh Maxamed Sh. Ismaciil waxaa la qabtay
2/10/2005, isaga oo ku socday meheraddiisa, waxana goobtaas ku sii sugayey
ciidan CID ah sida uu noo xaqiijiyey mid ka mid ah ehelada Sheekha,
maalintaas oo 13 casho ka dambaysay maalintii ay dhacday shaqaaqadu, waxaana
loo gudbiyey xabsiga magaalada Hargeisa iyada oo aan muddo sagaal bilood ah
aan wax maxkamad ah la horkeenin, sida aanu ka soo xigannay Faysal Sheekh
Ismaaciil oo la dhashay Sheekha Xidhan ee Sheekh Maxamed Sheekh Ismaaciil
waxa uu intaa ku daray in ay sababtay in sheekha iyo koox 7 qof ka koobnayd
oo ay isku kiis ahaayeen la horkeeno maxkamadda ka dib markii ay shireen
ehelada sideedda nin, oo ay soo saareen baaq, arrintaas oo dhalisay in
maxkamadda la hor keeno.
Tan iyo mudadaa waxaa Sheekha maxkamadda la
horkeenay illaa 14 fadhi iyada oo eedaymaha ugu waaweyn ee Sheekh Maxamed
lagu haysto ay ka mid yihiin sida uu noo sheegay Faysal Sheekh Ismaaciil oo
aanu waraysi la yeelanay Falal argagaxiso oo ka dhan ah JSL “waxaa
maxkamadda la horkeenay illaa 21 Markhaati laakiin may jirin cid wax ku
caddaysay Sheekha iyada oo aannu sugayno Judgement-gii oo naloo qabtay
bacdal Ramadan” ayuu yidhi Faysal Sheekh Ismaaciil.
Waraysigii uu Sanaagweb la yeeshay Faysal
Sheekh Ismaaciilna wuxuu u dhacay sidatan:
Waxaad nooga warantaa arrintan ayaamahan
saxaafadda iyo dadweynuhuba isla dhex marayeen iyo waxa ka jira cajaladdan
lagu soo bandhigay websiteska ee la sheegay?
Arrintaas annagu waa sidaan u aragnay,
looyarkuna uu hore u keenay maxkamadda horteeda, waxaanuna aaminsannay in
haddii laba qodob ay jiraan ay cajaladdani run tahay tan koowaad oo ah
Qofkan la jidhdilayaa ma yahay Sh. Maxamed Sh. Ismaaciil tan labaad oo ah
cod ahaanna ma yahay Sheekh Maxamed Sheekh Ismaaciil labadaa qodob ka dib
wuxuu sheekhu noo xaqiiyey in jidh dilkaa lagu sameeyey.
S: Wax ma nooga sheegi kartaa dembiga lagu
haysto sheekha?
J: Haa, dembiga sheekha lagu haystaa sida ku
cad warqadda tirsigeedu yahay XIGH275/2006 ee xeer ilaalinta gobolka waxay
ku soo eedeeyeen Sheekha falal argagixiso oo ka dhan ah JSL
S: Ka ehelo ahaan maxaad haddeer damacsan
tihiin inaad samaysaan?
J: Annagu marwalba waxaannu arrintayada u daba
fadhinaa sharciga oo aanu dawladda uga fadhinaa inay keento dadkii jidhdilka
kula kacay Sheekha
S: Cajaladdan yaa helay? Maxaadse ka ogtihiin?
J: Cajaladdan maxkamadda ayaannu ku aragnay
S: Maxaad dareenteen markii aad cajaladda ka
dhex aragteen sawirka ka muuqda?
J: Waxaannu dareennay wixii uu dareemi lahaa
qof la dhibaataynayo walaalkii isagoo weliba ku jira gacanta dawladda.
S: Sida uu sheegay wasiirka arimaha gudaha
ee JSL oo uu yidhi dadka la xidhxidhay waxaa ka mida qaar ka mida ehelada
sheekha arrintaa maxaa ka jira? Imisa qof baase idinka xidhxidhan?
J: cid ehelada Sheekha ka mida oo rag iyo haween ah oo xidhxidhani ma jirto.
Ismail Hussein Mohammed
Sanaagweb.com webmaster
Xigasho:
Sanaagweb.com
Waxaa soo tebiyey:
Cabdi Xasan
abdi172@hotmail.com
Sawirka: xargaga
Faafin: SomaliTalk.com | Oct 2, 2006
Daabaco
Boggan | Print
