Mursal Siciid Cali

Gabaygan waxaa tiriyey Mursal Siciid Cali Waraabe oo kaga qayb gelaya silsilad suugaaneedka loogu xaq raadinayo xabsiga iyo tacadiga Sh. M Ismaaciil . Mursal wuxuu joogaa degmada Xingalool ee Gobolka Sanaag.

1.      Wax hargaysa laga sheegayaa waa hurguma wayne
2.      Waa hilib wadaad oo la cunay horror sidiisiiye
3.      Waa waayir lagu haynayaan haragna reebayne
4.      Waa haraati aan loo tudhayn oo hantaaqa ahe
5.      Waa habkii bilaal loo galoo Ummaya haystaa ye
6.      Waa haayir iyo tuug wax dila hooliflow bahale
7.      Waa habar dugaag aan lahayn hibitiq iimaane
8.      Hayaankii waqooyigu dadaw halis miyuu sheegay
9.      Hiddaha iyo dhaqankeenii hore hoos ma laga siibay
10.     Waxaan laysu hurin bay ragani soo hor mariyeene
11.     Habar bay dhashiyo saw ma go,in xididki haybtiisu
12.     Soow heeryadisiii nin cunay uma hadhuub qaadan
13.     Soow boqonta heeraa ma gelin hooska gurigeena
14.     Halaq iyo gungume soow dadaw hoosta kuma haysan
15.     Soow goorta uu haamad rido haakah oran mayo
16.     Soow harar intuu tago wadaad hooshka dhigi mayo
17.     Soow hawl ammaan baam wadaa hadalka guud maaha
18.     Soow hooliflaw Meles iyo xabashi hayb maaha
19.     Soow duul Ilaahay hagraday weli uhay maaha
20.     Habkii maalka loo heli lahaa soow ku hiro maaha
21.     Soow hadafka guud minaan ku rabin u hanbalyey maaha
22.     Hitlar tacadiguu geli jiryo Hiriqle soow maaha
23.     Wax  wadaadka lagu haysto waa haadi buu qiraye
24.     Hadal buu amxaarada ku yiri waw hatigayeene
25.     hanjabaadu waa meel fog iyo hirarka dhaadheere
26.     ajnabaa hogaanka u haya iyo duul hawaawirane
27.     kuwa hawsha loo soo dirsaday waa hunuud timiye
28.     haygii godkiyo aakhiray wada hilmaameene
29.     hiyigaba ma gelin mawdka iyo  hanafadiisiiye
30.     hor istaaga Eebbena ka maqan hiira hiiraha e
31.     hareefkii cadaabkiyo ma oga qiiqa huruflayne
32.     hal habeen casho ah bay ku gadan diinta hodonkaaye
33.     mijin haaligeedawga roon hadhac fardawsaade
34.     hayaay iyo hadaan waa wareey marada haylaansho
35.     hadii aan gacmaha hoorsadoo Eebbe ku hagaajo
36.     dulmi ruuxuu haystaba Ilaah hiiliyaw maqane
37.     banii aadam hayntiisu saa maaha hebelaw e
38.     haraati iyo gujiyo maaha iyo tima la hiigaaye
39.     hayinkoo udxiya loo xidhiyo maaha hebed awre
40.     hor Ilaahay tii aad fasheen waa habaar dhacaye
41.     huutuhu mayeeliyo nimaan kaa hanjalaqoone
42.     hufnaantii horeetaa jabtoo heetisoo maqane
43.     hayn wayde oo wiiganaad huuba kiciseene
44.     hiyigaba ma gelin foolxumaa haatan kuu dhimane
45.     raggu hawsha waa mudan jiree tanise waa hooge
46.     haweenkii arkaa uurki dhigay dhicisna soo hoorshay
47.     Hawd iyo Nugaal iyo Baraa loo halaahalaye
48.     hareerihii Bakool iyo Gedaa dumar hiqleeyeene
49.     hogobkii Baki iyo Saaxil waa xeebta hadal yaale
50.     Hiiraan Sanaag iyo Togdheer laga hinraac taase
51.     Hobyo iyo maxaa Mudugta dhexe haadku kiciwaayey
52.     in gumaysi halabeeyey iyo horin yar mooyaane
53.     ka hindhidhe dadkii oo dhamaan hoos ka wada guuxe
54.     hawraartu waa dahab ninkii hadal damqaayaaye
55.     waxba hadalku yuu ila durkine waxaan ku soo heelay
56.     oo talo ku soo hidin lahaa lama huraankiiya
57.     haybadi ma noolee muftiga haatan ka ufooda
58.     hadyad iyo ugeeya iyo xaal oo huwiya shaalal
59.     humbaniga ku foorora ka rida koronto kii haystay
60.     hoyguu ku noolaa u dira oo hanti ugeeye
61.     haddii kalese say noqoto iyo aan hadhaw aragno

  Qormada gabaygan waxaa leh:
   Mursal Siciid Cali
Kala xiriir: ciyoon10@hotmail.com

Afeef: Aragtida qoraalkan waxaa leh qoraaga ku saxiixan

»GABAY:: Gumaad iyo Gedood | C/naasir