Faalo:-
Warbixin ku Saabsan Waxbarashada Magaalada Boosaaso ee Xurunta Gobolka
Bari Ee Puntland
Bosaaso:- Magaalada Boosaaso ee xurunta gobolka
bari ee Dowlad Goboleedka Puntland, waa Magaalada kaliya ee dhanka Waxbarashada
ugu horumarsan ugu horeysa gayiga deegaanada puntland, Magaalada Boosaaso waxaa
kajira dugsiyo isugu jira kuwo sare/dhexe iyo hoose oo aad u fara badan oo ay
wax ka dhigaan khubaro iyo Aqoonyahano Soomaaliyeed iyo kuwo ajanabi ahba.
Magaalada Boosaaso waa Magaaladii ugu horeysey ee ka tirsan Deegaanada Puntland
oo nasiib u yeelata in ay hesho jaamacad (University) jaamacada magaalada
boosaaso oo la yiraahdo (East Afrika University)?oo macnaheedu yahay Jaamacada
Bariga Afrika waxaa la aas?aasey oo si rasmi ah loo furay markay taariikhdu
ahayd 23/10/1999, waxaana lagu bilaabay 95 arday oo ku baasay imtixaan horudhac
ahaa oo laga qaaday dadkii soo dalbaday, kuwaasoo loo furay bilowgii koorasyo
barashada luqada; carabiga, ingiriiska iyo xisaabta ah. Bishii Oktoobar 2000
ayayna ardaydaasi waxbarashadoodii rasmiga ahayd ee jaamacadeed si toos ah u
bilaabeen.
Sidoo kale Magaalada Boosaaso waxaa ka jira dugsiyo (High Shcool) oo ah sar sare
oo dhowr iyo toban ah, waxaana ka mid ah kuwa ugu caansan dugsi sare oo la
yiraahdo Hamdan Secondray School dugsigan waxaa wax ka dhiga macalimiin khibrad
sare u leh aqoonta ay ardayda u gudbinayaan oo isugu jira kuwo somali ah
iyo?kuwo ajanabi ah oo u dhalatey dalka suudaan dugsigan waxaa la'aas aasey oo
iridada si toos ah loogu furey 01/01/2003 waxaana aas aasey Shikh caan ah oo la
yiraahdo xamdaan Binu Rashiid Almaktuubi oo dugsiga loogu magac darey dugsiyada
sare ee la yiraahdo Hamdan ee Shiikhaas aas aasey ee ku yaal qaarada Afrika waxa
ay gaarayaan 37 dugsi oo ah (High Shcool) soomaaliyana waxaa kaga yaal labo
dugsi waxayna ku kala yaalaan Magaalooyinka Boosaaso iyo hargaysa.
Dugsiga sare ee Sheikh Xamdaan secondray school ee Magaalada boosaso teer iyo
markii la aas aasey waxaa ka qalin jabiyay arday aad u fara badan oo wiilal iyo
gabdho isugu jira oo haatan wax ka barta wadamada Masar,Suudaan,Ukrain,iyo
jaamacada cumuud dugsigan waxa uu soo saarey arday aad u kuwaali sareysa marka
loo xagliyo dhanac walba aqoonta,dhaqanka,asluubta,iyo wixii la mid ah.
Sidoo kale waxaa Magaalada Boosaaso ee xurunta gobolka bari ka jira dugsiyo sare
oo kale oo aad u fara badan sidaan kor ku soo sheegayba waxaana ka mid ah oo
kale dugsiga sare ee loogu magac darey Bososo secondry school dugsigan ayaa ah
dugsi uu ku dhacey bur burkii soomaaliya waxa uuna ka mid yahay dugsiyadii jirji
jirey markii ay jirtey dowladii dhexe ee jamhuuriyada dimuqraadiga soomaaliya,
waxaa kale oo ka mid ah dugsiyada sare ee bososo ku yaal Gaarisa secondry
shcol,Nawawi,shaafici,Najax,manaataru baydaa waana dugsiyo ay wax ka
dhigaan macalimiin aad u aqoon iyo khirad badan qaarkoodna ay kasoo baxeen
jaamacadii lafoole University.
Sidoo kale magaalooyinka kale ee hoos yimaada maamulka puntland ayaa waxaa ka
jira waxbarasho tan la mid ah sida magaalooyinka gaalkacyo,garowe,qardho,burtinle,iyo
galdogob,waxbarashada ka jirtana deegaanada Dowlad Goboleedka Puntland waa mid
marba marka ka daynbaysa horumar sii gaareysa waxaana kusoo badana deegaanada
Puntland Machayada daraasaadka iyo hay'adaha waxbarashada.
W/D. Yusuf Max'ed Ismail (Gaduudow)
E-mail
yusufgaduudow@hotmail.com
Bososo,Puntland,Somalia
Faafin: SomaliTalk.com | Oct 18, 2006
»Gabayga:
Hungo | Waxaa tiriyey Xiirane
|
Daabaco
Boggan | Print
